1 कुरिन्थियों 15:19 - Sirmouri

¹⁹ जे आँमें सिर्फ ऐसी ही जीवन दा मसीया का भूर्षा करह्, तअ आँमें सोभी आदमी शे जादा नींरभाग असो।

सिरमौरी नौवाँ नियम

¹⁹ जै मसीह दी अमारै आशा सिरफ ऐसी जीवन कै खातिर औसौ, तौ आमु पांदी दुनिया दा ओकी लोगौ कै मुकाबलै जादा तरस हौणा चैंई।

1 कुरिन्थियों 15:19 ပူးပေါင်းရင်းမြစ်များ

मत्ती 24:9

तबे से दु:ख-कल़ेष देणों खे तुँओं थंहम्बड़ालें, अरह् तुँओं माँरी देले, मेरे नाँव के कारण सब बादी गऐर यहूदी के लोग तुँओं आरी बईर कर्लें।

लूका 21:34

“ईन्देंखे आप्णें बारे दे च़ौक्क्ष रूऐ, जू कद्दी ऐशो ने हऐयों; के तुऐ भोग-बिलास दे, अरह् नाँशे दे, अरह् संईसारी की चींन्त्ता-फीकर शा तुवाँरा मंन कुठूर हऐ ज़ाँव; अरह् सेजे देसो फाषी के जिऐ अंचाँण्क तुओं गाशी अब्ल़ी बंणियों आँव।

लूका 8:14

जुण्जो झाल्ह-झाड़ी मुँझी पड़ो, सेजो बीज़ ऐजो असो: के जुण्जे बचन तअ शुण्णों ऐ, परह् थोड़े देसो बित्त्णों गाशी से धन-दोल्त्त अरह् जीवन के भोग-बिलास दे दब्बी ज़ाँव, अरह् तैसी बचन शुणियों तिनू तिन्दें का किऐ फ़ल़ ने भेट्दा।

यूहन्ना 16:2

से तुँओं यहूदी-च़ौत्रें शे आगू गाड़्ले, सिर्फ ऐत्ती ने, परह् सेजा बख्त्त भे आऐ गुवा; जबे तुवाँरी हंत्त्या कर्णों वाल़ा, आप्णें कुँकंर्म खे पंण्मिश्वर की सेवा कर्णी संम्झला।

यूहन्ना 16:33

मुँऐं तुओं कैई ऐजो सब-कुछ़ ईन्देंखे बुलो, के तुँओं शाँण्त्ति भेटो; किन्देंखे के संईसारी दे तुओं खे सिर्फ दु:ख्ह अरह् कल़ेष असो; परह् आँनन्दित्त खुशी हुऐ, के मुँह संईसारी गाशी जींत्त भेंटी रंऐ।”

प्रेरितो कै काम 14:22

खास-चैले ओकी चैले के मंन पाक्कै कर्दें रंह् थिऐ, अरह् तिनखे से बिश्वाष दे बड़्णों खे हिमम्त्त दियों थिऐ; अरह् से बुलो थिऐ, के आँमों भाँव बैजाऐ दुंख्ह-कल़ेष संह्ऐन कर्णें पड़ले; तबे भे आँमें पंण्मिश्वर के राज्य दे जरूर ज़ाँदे।

1 थिस्सलुनीकियों 1:3

अरह् आप्णें परंम पिता-पंण्मिश्वर के सहाँम्णें तुवाँरे बिश्वाष के काँम-अरह् प्यारों के मेंहन्त्त अरह् अमाँरे प्रभू यीशू मसीया दे अटल भोर्षे के धिरज दे हमेशा चींत्ते थंह्।

2 तीमुथियुस 1:12

ऐजा ही कारण असो, के हाँव दु:ख्ह भे संऐन करू, परह् तिन्दा हाँव सरमाँदा ने आथी; किन्देंखे के हाँव ऐजो जाँणू ऐं के मुँऐ कंस्दा बिश्वाष करी थुवा, अरह् मेरे ऐजी पुरी ढैठ असो, के से तेसी देसो तोड़ी मेरी रंक्षा पुरी कर्णों ज़ूगै शक्त्ति शाली असो।

2 तीमुथियुस 2:4

जबे कुँऐं ज़ूद्धा लड़ाई करदा ज़ाँव, तअ से ऐशी कोशिष करह्; के आप्णें भर्त्ती कर्णो वाल़ा हाकम खुशी करी सको; ईन्देंखे से आपु आप्खे संईसारी के काँम-धाँन्धै दा ने फंशाँदा।

2 तीमुथियुस 3:12

ऐजी तअ संच्चाऐ असो, के सेजे सोभीं लोग, जुण्जें मसीया यीशू दा संच्चाई का जीवन जीऊँणों का ईरादा करह्, तिनू सताऐं भे जरूर ज़ाले।

1 पतरस 1:21

तिनू मसीया के जाँणें ही तुँऐं तिनू पंणमिश्वर गाशी बिश्वाष करह्, जिन्ऐं तिनू मरे अंदे मुँझ्शे ऊबे जीयाल़े, अरह् बड़ियाऐं दिती, के तुँवारा बिश्वाष अरह् भूर्षा पंणमिश्वर गाशी हों।

प्रकाशितवाक्य 14:13

तबे मुँऐ स्वर्गो शी ऐजी धाव शुणीं, “लिख: भागोईत हंदें से मंरे अंदे, किन्देंखे के ऐबे तिनकी मंऊँत प्रभू दे हंदी,” ऐजो “साच्चो असो!” पबित्र-आत्त्मा बुलो, “होर, से आप्णी कष्टो-मेंह्नत शा बिषाँव कर्दे, किन्देखे के तिनके भले काँम-काज़ तिनकी ही गईलो असो।”