1 कुरिन्थियों 14:4 - Sirmouri

⁴ जुण्जा अंण-जाँण भाषा दी बातो करह्, से आप्णी ही बड़ोत्री करह्; परह् जू बरंम्बाणीं करह् से कलीसिया के आत्त्मिक बड़ोत्री करह्।

सिरमौरी नौवाँ नियम

⁴ पौरौ जू ओकी भाषा दी बातौ कौरौ, सै सिरफ आपणैई बिशवाश खै मोजबूत कौरौ पौरौ जू पौरमेशवर कै बातौ बौतांव, सै कलीसिया कै बिशवाश खै मोजबूत कौरौ।

1 कुरिन्थियों 14:4 ပူးပေါင်းရင်းမြစ်များ

मरकुस 16:17

जिन्ऐ बिश्वाष करी थुवा, तिनदी चींन-चंम्त्तकार दे:खाणों की शक्त्ति देऐ ज़ाली, अरह् से मेरे नाँव शी दुष्ट-आत्त्मा गाड़ले, अरह् से नंई-नंई भाषा दी बातो कर्ले।

रोमियों 14:19

ईन्देंखे आँमें ईनू बातो दे लागे रंह्, जिन्दे लई मेल-मिलाप अरह् ओका ओकी के भे बिश्वाष दी बढ़्त्री हों।

1 कुरिन्थियों 12:10

तबे भे कोसी खे शक्त्ति की काँम-काज़ कर्णो के शक्त्ति देंई, अरह् कोसी खे बरंम्बाणीं कर्णो का दाँण, अरह् कोसी खे आत्त्मों की परख-पछयाँण कर्णो का बर्दांण, अरह् कोसी खे साँत-भाँती अंण-जाँण भाषा, अरह् कोसी खे तिनू साँत-भाँती अंण-जाँण भाषा सम्झाँणों का बर्दांण दिया ज़ाँव।

1 कुरिन्थियों 12:28

कलीसिया दे पंणमिश्वरे ज़ई-ज़ई आदमी चुणी थुऐ: आगें प्रभू यीशू के खास-चैले, दुज़े ऋषी, चीज़े शिक्क्षा देणों वाल़े, अरह् तिनू पाछ़ी शक्त्तिशाली काँम-काज़ चंगा कर्णो वाल़े, भलाई कर्णो वाल़े, अरह् अगुवाही कर्णो वाल़े, अरह् साँत्त-भाँती अंण-जाँण भाषा बुल्णों वाल़े।

1 कुरिन्थियों 13:1

जे हाँव आदमी अरह् स्वर्गदूत्तो की बुली बुलू, परह् पियार ने करू, तअ हाँव ठंणठणाँदों पीतल, अरह् छण-छणाँदी खाँजरी असो।

1 कुरिन्थियों 13:2

अरह् जे हाँव बरंम्बाणीं करी सकू, अरह् बादे भैद् अरह् साँत-भाँते ज्ञाँन जाँणू सम्झू, अरह् मुँह ऐथै तोड़ी पुरा बिश्वाष हों, के हाँव धार-टिम्बड़ी भे हटाऐ देऊँ, अरह् हाँव पियार ने करू, तअ हाँव किऐ ने आथी।

1 कुरिन्थियों 14:12

ईन्देंखे जबे तुँऐं भे आत्त्मिक बर्दांनों की लगंन दे हों, तअ ऐशी कोशिष करह्, के तुवाँरे बर्दांनों की बड़ोत्री लई, कलीसिया की आत्त्मिक बड़ोत्री हों।

1 कुरिन्थियों 14:22

ईन्देंखे अंण-जाँण भाषा बिश्वाषी खे ने आथी, परह् अबिश्वाषी खे ऐक चींन-छाप असो; अरह् बरंम्बाणीं अबिश्वाषी खे ने परह् बिश्वाषी खे ऐक चींन-छाप असो।

1 कुरिन्थियों 14:26

ईन्देंखे हे भाऐ बंईणों, का कर्णो पड़ो? के जबे तुँऐं कठे हों, तअ ऐकी नाँमों के मंन दा भजन के शिक्क्षा, के प्रकाष के अंण-जाँण भाषा, अरह् अंण-जाँण भाषा का मतल्व सम्झाँदा रंह्। सब-कुछ कलीसिया की आत्त्मिक बड़ोत्री खे हुओ चेंई।

1 कुरिन्थियों 14:3

परह् जुण्जा कुँऐ बरंम्बाणीं करह्, से आदमी की बड़ोत्री, अरह् होंस्ला, अरह् शाँण्त्ति, की बातो बुलो।

1 कुरिन्थियों 14:5

हाँव चहाऊँ के तुँऐं बादे अंण-जाँण भाषा दी बात करह्, परह् ईन्दें शो आछो ऐजो चहाँऊ, के तुँऐं बरंम्बाणीं करह्: किन्देंखे के अंण-जाँण भाषा बोल्णों वाल़ा, जे कलीसिया की बड़ोत्री खे तिन्दे का अनुबाद अरह् मतल्व ने सम्झाँव, तअ बरंम्बाणीं कर्णो वाल़ा तेसशा बड़ियों असो।