1 कुरिन्थियों 14:3 - Sirmouri

³ परह् जुण्जा कुँऐ बरंम्बाणीं करह्, से आदमी की बड़ोत्री, अरह् होंस्ला, अरह् शाँण्त्ति, की बातो बुलो।

सिरमौरी नौवाँ नियम

³ पौरौ जू हौणौवाल़ी बातौ कौरौ, सै बिशवाशियौं खै बिशवाश दै मोजबूत कौरणौ, हौंसला बौढ़ाणौ औरौ तसल्ली दैणौ दै मौदद कौरौ।

1 कुरिन्थियों 14:3 ပူးပေါင်းရင်းမြစ်များ

लूका 3:18

तबे: संत्त-यूहन्ना बैजाऐ भहिती शिक्क्षा देऐ देऐयों लोगो कैई पंण्मिश्वर के खुषख्बरी शुणाँदा रूवा।

प्रेरितो कै काम 13:15

ऋषी मूसा खे भेटे गुऐ, अज्ञाँ-निय्म के मुँताबिक जबे ऋषियों का पाठ खत्त्म हऐ गुवा; तअ चौत्रें के मुँख्या ऐं, तिनखे ऐजा बुलावा दिता; के “हे भाईयों! जे तुऐं भे किऐ लोगों के होंस्ला बड़ाणों खे बुल्णों चहाँव तअ जरूर बुलो।”

प्रेरितो कै काम 14:22

खास-चैले ओकी चैले के मंन पाक्कै कर्दें रंह् थिऐ, अरह् तिनखे से बिश्वाष दे बड़्णों खे हिमम्त्त दियों थिऐ; अरह् से बुलो थिऐ, के आँमों भाँव बैजाऐ दुंख्ह-कल़ेष संह्ऐन कर्णें पड़ले; तबे भे आँमें पंण्मिश्वर के राज्य दे जरूर ज़ाँदे।

प्रेरितो कै काम 15:32

यहूदा अरह् सीलास आपु भे ऋषी थिऐ; अरह् तिन्ऐं भे भाऐ-बंईणों खे हिमम्त्त देऐयों बिश्वाष दे पाक्कै करे।

प्रेरितो कै काम 4:36

यूसुफ नाँव का ऐक आदमी थिया, से लेवी बंष का थिया; अरह् तेस्का जन्म कुप्रुस द्वीप दा हुवा थिया, अरह् खास-चैले ऐं तेस्को नाँव बरंनबास मंतल्व “सान्त्वना का बैटा” थंऐ थो थिया।

प्रेरितो कै काम 9:31

ऐबे बादे यहूदा, गलील, अरह् सामरी ईलाके दे कलीसिया खे शाँण्त्ति भेटी, अरह् कलीसिया का निर्माण बड़दा रूवा; अरह् से प्रभू के डर-भय शे, अरह् पबित्र-आत्त्मा की शाँण्त्ति दे चाल्दे अरह् बढ़्दे रूऐ।

रोमियों 12:8

जू शिक्क्षा का प्रचारक असो, से शिक्क्षा प्रचार करदा लागा रंह्, दाँण देणों वाल़ा दिल शो दाँण दियों; जू अगवाँण असो, से होंस्ले आरी अगवाऐ करह्; अरह् जू दया-रंय्म करह्, से भी खुशी शी करह्।

रोमियों 14:19

ईन्देंखे आँमें ईनू बातो दे लागे रंह्, जिन्दे लई मेल-मिलाप अरह् ओका ओकी के भे बिश्वाष दी बढ़्त्री हों।

रोमियों 15:2

आँमों मुझशे ऐक नाँम आप्णे पड़ोसी की भलाई खे तेसी खुश करह्; जू तेस्की बिश्वाष दी बड़ोत्री हों।

1 कुरिन्थियों 10:23

बादी चींजो मुँखे ठीक असो, परह् बादी चींजो मेरे फाय्दे की ने आथी: बादी चींजो मुँखे ठीक असो, परह् बादी चींजो लई बड़ोत्री ने हंदी।

1 कुरिन्थियों 14:12

ईन्देंखे जबे तुँऐं भे आत्त्मिक बर्दांनों की लगंन दे हों, तअ ऐशी कोशिष करह्, के तुवाँरे बर्दांनों की बड़ोत्री लई, कलीसिया की आत्त्मिक बड़ोत्री हों।

1 कुरिन्थियों 14:17

तू तअ आछा-बड़िया पंणमिश्वर का धन्यबाद करे, परह् ईन्दें लई अंण-जाँण लोगो की आत्त्मिक बड़ोत्री ने हंदी।

1 कुरिन्थियों 14:26

ईन्देंखे हे भाऐ बंईणों, का कर्णो पड़ो? के जबे तुँऐं कठे हों, तअ ऐकी नाँमों के मंन दा भजन के शिक्क्षा, के प्रकाष के अंण-जाँण भाषा, अरह् अंण-जाँण भाषा का मतल्व सम्झाँदा रंह्। सब-कुछ कलीसिया की आत्त्मिक बड़ोत्री खे हुओ चेंई।

1 कुरिन्थियों 14:31

किन्देंखे के तुँऐं बादे ऐक-ऐक झुणा बरंम्बाणीं करी सको, जू बादे झुणें शिखो अरह् सोभी खे होंस्ला भेंटो।

1 कुरिन्थियों 8:1

ऐबे मुर्त्तियों के साम्णें चड़ाई अंदी बल़ी, के बारे दो आँमें जाँणों के आँमों सोभी कैई ज्ञाँन असो। अरह् ज्ञाँन लई तारीफ पय्दा हों; परह् पियारो लई आप्णी बड़ोत्री हों।

2 कुरिन्थियों 1:4

से अमाँरे ऐक नाँम दु:ख-कल़ैष दी शाँण्त्ति दियों; जू आँमें तियों शाँण्त्ति के जाँणें जू पंण्मिश्वर आँमों खे दियों, तिनू ओकी खे शाँण्त्ति देऐ सको; जू साँत्त-भाँत्ते दु:ख-कल़ैष दे पड़े अंदे असो।

2 कुरिन्थियों 2:7

ईन्दें शो भलों ऐजो असो, के तैस्के अपराध माफ करह्, अरह् शाँन्ति दियों, ना की ऐष्णा आदमी बैजाऐ ऊदासी दा डूब्बी ज़ाँव।

इफिसियों 4:29

किऐ गाँदी बात तुँवाँरे मुँहों शी ने निकल़ो, परह् जरूरत के मुँताबिक सेजी ही बात तुवाँरे मुँहों शी ओकी की भलाई के ताँईऐं तिनकी आत्त्मिक बड़ोत्री खे नीकल़ो, जू तिन्दे शुँण्णों वाल़े गाशी कृपा हों।

इफिसियों 6:22

तेसी मुँऐं तुँओं कैई ईदेखे डेयाल़ी थुवा, के तुँऐं अमाँरे हाल-चाल जाँणों, अरह् से तुवाँरे मंन खे शान्त्ति दियों।

कुलुस्सियों 4:8

तेसी मुँऐ ईन्देंखे तुँओं कैई डेयाल़ा के तुँओं कैई अमाँरा बादा हाल-चाल का पता लागो, अरह् से तुवाँरे सासो दी शैल़ाऐ पाड़ो।

1 थिस्सलुनीकियों 2:11

तुँऐं जाँणो ऐ के बाबा केष्णाँ आप्णे नहाँन्ड़िया की गईलो बरताव करह्, तेष्णा ही आँमें भे तुँओं मुँझ्षा, ऐकी नाँम खे शिक्क्षा दियों, अरह् शाँण्ति देंदे सम्झाँव थिऐ

1 थिस्सलुनीकियों 2:3

किन्देंखे के अमाँरी शिक्क्षा ना तअ धोखे शी आथी, अरह् ना गंन्दगी शी, अरह् ना छ़ल़ आरी आथी;

1 थिस्सलुनीकियों 3:2

अरह् आँमें तीमुथियुस, जू मसीया की खुषख्बरी दा अमाँरा भाऐ अरह् पंण्मिश्वर का दास असो; तेसी ईन्देंखे डेयाल़ा के से तुँओं पाक्के करह्, अरह् तुवाँरे बिश्वाष के बारे दे तुँओं सम्झाँव।

1 थिस्सलुनीकियों 4:1

ईन्देंखे हे भाऐ-बंईणों, आँमें तुँओं खे ढाल-अरज करह्, अरह् तुँओं प्रभू यीशू दे सम्झाँव, के जैष्णी तुँऐं आँमों शी आच्छ़ी चाल चाल्णी अरह् पंण्मिश्वर खुशी करणा शिखा, अरह् जैष्णें तुँऐं चालो भे ऐ, तेष्णे ही हजो भे बढ़्दे रंह्।

1 थिस्सलुनीकियों 4:18

ऐशा ही दाँई ईनू बातो लंई ओका ओकी खे होंस्ला देऐया करह्।

2 थिस्सलुनीकियों 3:12

ऐष्णे खे आँमें प्रभू यीशू मसीया दी ऐजी अज्ञाँ दियों, अरह् सम्झाँव ऐ, के चुप-चाँण किऐ काँम-काज़ करियों आप्णी रोटी खाया करह्।

1 तीमुथियुस 1:4

अरह् तिनू कथा-काँणियों अरह् चाली अंदी गड़ी-पिड़ी की बातो दा आप्णाँ मंन ने लाऐ, जिन्दे लई बाद-बिबाद हों, अरह् अमाँरे छुट्कारे खे पंण्मिश्वर ऐ जुण्जी योजना बाँणीं थंऐ; से तियों आगे ने बड़णों देंदी, जू बिश्वाष के मुँताबिक शो असो, तैष्णों ही हजो भे बुलू।

1 तीमुथियुस 4:13

जाँव तोड़ी हाँव ने आँऊ, ताँव-तोड़ी तू पबित्र-ग्रन्थों के पाठ पढ़दे अरह् शिक्क्षा देंदा; अरह् संहम्झ़ाँदा लागा अंदा रंह्।

1 तीमुथियुस 6:2

अरह् जिनके माँलिक बिश्वाषी असो, से भे आप्णें माँलिक के बैस्त्ती ने करह्; के ऐबे तअ मेरा माँलिक भे मुँह जेष्णाँ बिश्वाषी असो, परह् से ऐबे तअ तिनकी सेंवा हंजों भे बैगेही मंन लाऐयों करह्; किन्देंखे के तिन्ऐं जियों सेवा का फ़ाऐदा लंऐ लुवा, से आपु मुँझ़ी बिश्वाषी अरह् प्यारे साथी असो, ईनही बातो का तिनखे भाष्ण देऐया करह्, अरह् तिनू संहम्झ़ाँदा रंह्।

2 तीमुथियुस 4:2

के तू बचन का प्रचार करह्, अरह् कोसी भी हाल दा तैयार रंह्, हर ढंग के संऐनशिल्त्ता, अरह् शिक्क्षा आरी, हिमम्त्त दे, अरह् डाँट-झाड़ अरह् संहमझाऐ दे।

तीतुस 1:9

अरह् से भुर्षें कर्णो ज़ूगा हुआ चेंई, जू बचन गाशी धर्मो के शिक्क्षा के मुँताबिक शिखाऐ सको, अरह् बिरोध कर्णो वाल़े के मुँह बंन्द करी सको।

तीतुस 2:15

आप्णें बादे हंकधिकार आरी ऐजी बातो बुल, अरह् सम्झा, अरह् शिखाँदा रंह्। जिन्दें लंई कुँऐं ताँव्खे छोटा ने जाँणों।

तीतुस 2:6

तेष्णें ही जवाँन मरोद् भे सम्झाया करह्, के से भे झ़ूकै-शियाँगी अंदे ने हों।

तीतुस 2:9

दास, दासी, सम्झाँव के आप्णे-आप्णे स्वामी-माँलिक के बंष दी रंह्, अरह् बादी बातो दे तिनू खुशी थंह्, अरह् पाछू फिरियों तिनखे जबाब ने दियों।

इब्रानियों 10:25

अरह् ओका ओकी आरी कोट्ठो हणों ने छुड़ो, जेष्णो के कंऐयों लोग करह्; परह् तुऐ तेष्णों ने करे, अरह् ओका ओकी खे हमेशा होंस्ला देंदा रंह्; अरह् जैई-जैई सेजो देस नंजीक आँदे देखो, तैई-तैई हजों भे जादा ऐष्णों ही करिया करह्।

इब्रानियों 13:22

हे भाऐ-बईणों हाँव तुँओं खे ढाल-अरज करू, के शिक्क्षा देणों वाल़े मेरे ऐजे बचन गेशी अमल करह्, मुँऐं तुँओं खे ऐजी लिखी अंदी पत्री बैजाऐ कंम लिखी थऐ।

इब्रानियों 3:13

परह् जाँव तोड़ी सेजो देस, मंतल्व जिन्देंखे ऐत्त्लो को देस बुली; से अमाँरे सहाँम्णें रोज ओका ओकी संहम्झाँदे रंह्, के कोद्दी ऐशो ने हईयों के तुँओं मुँझ़्शा कुँऐं जंण पाप के छल़-कप्ट, दा आऐयों भट्की ने ज़ाँव।

1 पतरस 5:12

मुँऐं सिलवानुस के हाथे, जेसी हाँव बिश्वाष ज़ूगा भाऐ जाँणू, दाँणिंक लिखियों तुँओं सम्झाऐ थुऐ, अरह् ऐजी गुवाऐ-शाज़्त देऐ थऐ, के पंणमिश्वर की साची कृपा ऐजी ही असो, ईन्दी ही पाक्के डटे अंदे रूऐ।

यहूदा 1:20

परह् हे प्यारों! तुँऐं आपु आप्णे आप के बैजाऐ पबित्र बिश्वाष दे बढ़्दे ज़ाव, अरह् पबित्र-आत्त्मा दे प्रार्थना कर्दे रंह्।