1 कुरिन्थियों 14:26 - Sirmouri

²⁶ ईन्देंखे हे भाऐ बंईणों, का कर्णो पड़ो? के जबे तुँऐं कठे हों, तअ ऐकी नाँमों के मंन दा भजन के शिक्क्षा, के प्रकाष के अंण-जाँण भाषा, अरह् अंण-जाँण भाषा का मतल्व सम्झाँदा रंह्। सब-कुछ कलीसिया की आत्त्मिक बड़ोत्री खे हुओ चेंई।

सिरमौरी नौवाँ नियम

²⁶ इथकारिए ओए रै बिशवाशी भाईयों, शुणौ कै कामौ खै कैशै कौरणै चैंई? जोबै तुऐं आराधना कौरणौ कारिए कौठै हौंव तौ तुऔं मुंजीदै कुणिए तौ गीत गाओ, कुणिए उपदैश दौ, कुणिए प्रभु कै दवारा दैययौंदे वचन कै प्रकट कौरौ, कुणिए जौई-जौई भाषा दी बातौ कौरेयौ तिथका मतलब सोमझाव। तुऐं जू किछै कौरौ सैजौ कलीसिया कै तरककी कारिए हौंव।

1 कुरिन्थियों 14:26 ပူးပေါင်းရင်းမြစ်များ

रोमियों 1:13

हे भाऐ बंईणों, हाँव ने चहाँदा के तुँऐं ईन्दें अंण-जाँण रंह्, के मुँऐं बार-बार तुँओं कैई आँणों चहाँव, के जेष्णें ओके गऐर यहूदी मुझ़ शी बिश्वाष दे लोग आऐं, तेष्णें ही तुँओं मुझ़ शी भे लोग बिश्वाष दे आऐ चैईं थिऐ। परह् हेभी तोड़ी मुँह रूका गुवा।

रोमियों 12:7

जे सेवा कर्णो का दाँण भेंटी रूआ, तअ से सेवा दा लागा अंदा रंह्; जे कुँऐं शिखाँणों वाल़ा असो, तअ से शिखाँदा लागा रंह्;

रोमियों 14:19

ईन्देंखे आँमें ईनू बातो दे लागे रंह्, जिन्दे लई मेल-मिलाप अरह् ओका ओकी के भे बिश्वाष दी बढ़्त्री हों।

रोमियों 15:2

आँमों मुझशे ऐक नाँम आप्णे पड़ोसी की भलाई खे तेसी खुश करह्; जू तेस्की बिश्वाष दी बड़ोत्री हों।

1 कुरिन्थियों 14:15

तबे: का कर्णो पड़ो? हाँव आत्त्मा शी भे प्रार्थना करूबा, अरह् आप्णी बुद्धी-सम्झ शी भे प्रार्थना करूबा; अरह् हाँव आत्त्मा शो गाऊँबा, अरह् आप्णी बुद्धी-सम्झ शो भे गाऊँबा।

1 कुरिन्थियों 14:2

किन्देंखे के जुण्जा अंण-जाँण भाषा दी बातो करह्; से आदमी शी ने परह् पंणमिश्वर शी बातो करह्, ईन्देंखे सेजी बातो कुँऐं आदमी ने सम्झों दा, किन्देंखे के ऐजी बादी भैद् की बातो हों, जुण्जी पबित्र-आत्त्मा के जाँणें बुली ज़ाँव।

1 कुरिन्थियों 14:27

तअ जे कुँऐं अंण-जाँण भाषो दी बातो कर्णी चहाँव तअ दो, के च़ीन लोग बारी-बारी शो बुले, अरह् ऐक आदमी तिनू अंण-जाँण बातो का मतल्व भे सोभी कैई शा सम्झाँदा रंह्।

1 कुरिन्थियों 14:40

परह् बादी बातो सुई करियों अरह् शाँन्त्त रूप शी करी ज़ाँव।

2 कुरिन्थियों 12:19

तुँऐं हेभी तोड़ी समझी रूऐ हले, के आँमें तुँओं कैई सफाऐ देऐ लऐ। आँमें तअ पंण्मिश्वर हाजिर जाँणिंयों मसीया दो बुलो; अरह् हे प्यारे, भाऐ बंईणों बादी बातो तुँवारी ही बड़ोत्री खे करह्।

2 कुरिन्थियों 13:10

मुँऐं दुर्के रंऐयों ऐजी बातो ईन्देखे लिखी लई, के तेथै हाजीर हणों गाशी मुँह प्रभू के जाँणें दिते गुऐ हंक-अधिकार ईसत्तेमाल़ शक्त्ती शा ने करणा पड़ो; ऐसी हंक-अधिका का मंतलव बड़ोत्री असो, नाष करणा ने आथी।

इफिसियों 4:12

जिन्दें लंई पबित्र लोग सीद्ध बंणीं ज़ाव, अरह् सेवा का काँम-काज़ करा ज़ाँव; अरह् ईन्दें लंई मसीया की देंह्-शरीर बंड़ोत्री पाँव,

इफिसियों 4:16

मसीया दी ही बादी देह्-शरीर खे तागत भेटो, अरह् देह्-शरीर के बादे अंग जुड़दे ज़ाँव, अरह् ऐक नाँम अंग आप्णा-आप्णा काँम-काज़ ठीक-ठीक करह् जुण्जा तिन्दे का हों; अरह् से आप्णें आप बड़दे ज़ाँव, के से प्यार दे भे बड़्दे ज़ाँव।

इफिसियों 4:29

किऐ गाँदी बात तुँवाँरे मुँहों शी ने निकल़ो, परह् जरूरत के मुँताबिक सेजी ही बात तुवाँरे मुँहों शी ओकी की भलाई के ताँईऐं तिनकी आत्त्मिक बड़ोत्री खे नीकल़ो, जू तिन्दे शुँण्णों वाल़े गाशी कृपा हों।

इफिसियों 5:19

अरह् आपु मुझी भजन, अरह् स्तुति गाँन, अरह् आत्त्मिक गीत गाऐया करह्, अरह् आप्णें-आप्णें मंन दे प्रभू के साम्णें गाँदे अरह् बजाँदे रंह्।

1 थिस्सलुनीकियों 5:11

ईन्देंखे ओकी खे होंस्ला दियों, अरह् ओकी की बड़ोत्री का कारण बंणों; जेष्णों के तुँऐं करी भे लुओ।