1 कुरिन्थियों 14:20 - Sirmouri

²⁰ हे भाईयों-बंईणों, तुऐं सम्झदे बालक ने बंणें, बुराई खे तअ बालक बंणों परह् संम्झदें ठग्ड़े बंणों।

सिरमौरी नौवाँ नियम

²⁰ ओए रै बिशवाशी भाईयों, इनु मामलै कै बारै मुंजी ऐक नानड़िया कै जैशणौ सुंचणौ बंद कौरौ। नानड़िया कै जैशणै निर्दोष हौया औरौ जौल़ौ ऐशणै बुराई कै बात आंव, तोलो ऐशणै मामलै खै सौमझाणौ दै सौमझदार बौणैया।

1 कुरिन्थियों 14:20 ပူးပေါင်းရင်းမြစ်များ

मत्ती 11:25

तेसी ही बख्ते प्रभू यीशू ऐ बुलो, “हे पिता पंणमिश्वर, स्वर्गो अरह् धर्ती के प्रभू तेरा धन्यबाद करू; के तुऐं ईनू बातो ज्ञाँनियों अरह् सम्झदारों शी चुप्पी थंई, अरह् बालक जेष्णें लोगो गाशी पर्गट करी थंई।

मत्ती 18:3

“हाँव तुँओं कैई ऐक खास बात बुल्णीं चहाँऊ, जाव तोड़ी तुँऐं आप्णा मंन बद्ल़ियों, ऐसी नहाँन्ड़िया जेष्णें ने बंणों, ताँव-तोड़ी तुँऐं स्वर्गो के राज्य दे कद्दी भे दाखिल ने हंऐ सक्दे।

मत्ती 19:14

प्रभू यीशू ऐ बुलो, “नहाँन्ड़िया मुँह कैई आँणों दियों, अरह् ईनू ने रूके, किन्देखे के स्वर्गो को राज्य ऐष्णें को ही असो।”

मत्ती 19:4

तबे प्रभू यीशू ऐं जबाब दिता, “कियों तुँऐं पबित्र-ग्रन्थों दो पढ़ी ने थई, के जिन्ऐं तिनू बंणाई, तिनिऐं शुरू ही उत्पत्ति शी नरं अरह् नारीं बंणाऐयों बुलो,

मरकुस 10:15

हाँव तुँओं खे खास बात बुलू, के जू कुँऐं पंणमिश्वर को राज्य नहाँन्ड़िया जेष्णों ने माँन्दा, तअ सेजा आदमी कद्दी भे पंणमिश्वर के राज्य दा ज़ाऐं ने सक्दा।”

लूका 18:17

हाँव तुँओं खे खास बात बुलू, के जू कुँऐं पंण्मिश्वर को राज्य नहाँन्ड़िया, छ़ैढ़ू जैष्णों ने माँन्ला, से कद्दी भे पंण्मिश्वर के राज्य दा ने ज़ाऐ सक्दा।”

रोमियों 1:13

हे भाऐ बंईणों, हाँव ने चहाँदा के तुँऐं ईन्दें अंण-जाँण रंह्, के मुँऐं बार-बार तुँओं कैई आँणों चहाँव, के जेष्णें ओके गऐर यहूदी मुझ़ शी बिश्वाष दे लोग आऐं, तेष्णें ही तुँओं मुझ़ शी भे लोग बिश्वाष दे आऐ चैईं थिऐ। परह् हेभी तोड़ी मुँह रूका गुवा।

रोमियों 16:19

तुवाँरे अज्ञाँ माँन्णों की चर्चा बादे लोगो मुझी फऐली रंऐ, ईन्देंखे हाँव तुँआरे बारे दा आँनन्द करू परह् हाँव ऐशो चहाँऊ, के तुँऐं भलाई खे बुद्धी-मान, परह् बुराई खे भोल़े बंणे अंदें रूऐ।

1 कुरिन्थियों 13:11

जबे हाँव बालक थिया, तअ हाँव बालक जिया बुलाँऊ थिया, मेरा बालक का जिया मंन थिया, मेरी बालक की जेऐ संम्झ थी; परह् जबे हाँव बड़ा हऐ गुआ, तबे मेरी बालक की जेऐ आद्त छुटी गई।

1 कुरिन्थियों 14:19

परह् कलीसिया दी अंण-जाँण दष हजार बातो बुल्णों शी मेरे ऐजो बैगे ही आछो लागो, के ओकी कैई शो शिखाँणों खे हाँव आप्णी बुद्धी शी पाँचे ही बातो बुलू।

1 कुरिन्थियों 2:6

तबे भे संम्झदार लोगो मुँझी आँमें ज्ञाँन की बात शुणाँव, परह् ऐजा ईयों संईसारी का अरह् ईयों संईसारी के नाँष हंणों वाल़े हाक्मों का ज्ञाँन ने आथी;

इफिसियों 4:13

जाँव तोड़ी के आँमें बादे के बादे पंण्मिश्वर के बिश्वाष दे अरह् पंण्मिश्वर के बैटे के ज्ञाँन दे ऐक साच्चै सीद्ध-पाक्कै आदमी ने बंणी ज़ाँव, अरह् मसीया के पुरी बड़ियाऐ तोड़ी ने बड़ी ज़ाँव।

फिलिप्पियों 1:9

हाँव ऐजी प्रार्थना करू, के तुवाँरा प्यार ज्ञाँन अरह् बादी सम्झ आरी हजो भे बढ़दा ज़ाऊँ,

फिलिप्पियों 3:15

आँमों मुझ्शे केतोड़े लोग आपु आप्खे सीद्ध जाँणों, अरह् ऐजा ही बिचार थुऐं; अरह् जे कोसी बातो दे तुवाँरा ओका ही किऐ बिचार असो, तअ पंण्मिश्वर तेसी भे तुँओं गाशी पर्गट करह्।

1 पतरस 2:2

जेष्णें नुऐं जन्में नहाँन्ड़िया के दूधो की हिछ़या हों, तेष्णीं ही तुँऐं भे शुद्ध आत्त्मिक दूध की हिछ़या करह्; तिन्दे लई तुँवारी बड़ोत्री अरह् छूट्कारा हों।

2 पतरस 3:18

परह् अमाँरें प्रभू अरह् बंचाँणों वाल़े, प्रभू यीशू मसीया की कृपा अरह् पछ़याँण दे बढ़्दे ज़ाव। तिन्ही की बड़ियाऐ ऐबे भे हों; अरह् सदा ज़ूगौ-ज़ूगौ तोड़ी हंदी रंह्। आमीन।