1 कुरिन्थियों 14:2 - Sirmouri

² किन्देंखे के जुण्जा अंण-जाँण भाषा दी बातो करह्; से आदमी शी ने परह् पंणमिश्वर शी बातो करह्, ईन्देंखे सेजी बातो कुँऐं आदमी ने सम्झों दा, किन्देंखे के ऐजी बादी भैद् की बातो हों, जुण्जी पबित्र-आत्त्मा के जाँणें बुली ज़ाँव।

सिरमौरी नौवाँ नियम

² जिथुकै सैजा जू ओकी भाषा दै विचार प्रकट कौरौ, आदमी शै नी, पौरौ पौरमेशवर आरी बातौ कौरौ, सौचाई तौ ऐजै औसौ कै कुणिए बै शुणणौ वाल़ा तैसकै भाषा ना सौमझौ जिथुकै सै पवित्र आत्मा कै शौकतै कै दवारा छिपैयौंदी बातौ खै बौल़ौ।

1 कुरिन्थियों 14:2 ပူးပေါင်းရင်းမြစ်များ

मत्ती 13:11

तबे प्रभू यीशू ऐं जबाब दिता, “तुँओं खे स्वर्गो के राज्य के भेद् की संम्झ देऐ थंऐ, परह् ईनखे ने देऐ थंई।

मरकुस 16:17

जिन्ऐ बिश्वाष करी थुवा, तिनदी चींन-चंम्त्तकार दे:खाणों की शक्त्ति देऐ ज़ाली, अरह् से मेरे नाँव शी दुष्ट-आत्त्मा गाड़ले, अरह् से नंई-नंई भाषा दी बातो कर्ले।

मरकुस 4:11

तबे प्रभू यीशू ऐ तिनखे बुलो, “तुँओं कैई तअ पंणमिश्वर के राज्य का भेद् सम्झ देऐ थऐ, परह् बाईले लोगो खे ऐजी बादी बातो अनाँणें दी बुली।

प्रेरितो कै काम 10:46

किन्देंखे के गऐर-यहूदियों खे अपरियाँण भाषाओं दे बुल्दे, अरह् पंण्मिश्वर की बड़ियाऐ कर्दे शुँणियों, तबे: संत्त-पतरस ऐं बुलो,

प्रेरितो कै काम 19:6

जबे संत्त-पौलुस ऐ तिनू गाशी आप्णें हाथ थुऐं, तअ तिनू गाशी पबित्र-आत्त्मा ऊत्री, अरह् से साँत्त-भाँत्ति भाषा बुल्दे अरह् बरंम्बाँणीं कर्दे लागे।

प्रेरितो कै काम 22:9

मेरे साथी ऐ भे बिजूल़ी जेऐ चंमम्कोंदे तअ देखी, परह् जुण्जी धाव मेरे शुँणाँई पड़ी, सेजी धाव तिनके शुँणाँई दी ने पड़ी।

रोमियों 16:25

ऐबे जू तुँओं मेरी खुषख्बरी मतल्व प्रभू यीशू मसीया के शिक्क्षा के प्रचार के मुँताबिक शे पाक्के करी सको, तेसी भेद् के प्रकाष के मुँताबिक जू ज़ूगौ शा चुप्पी रूआ,

1 कुरिन्थियों 12:10

तबे भे कोसी खे शक्त्ति की काँम-काज़ कर्णो के शक्त्ति देंई, अरह् कोसी खे बरंम्बाणीं कर्णो का दाँण, अरह् कोसी खे आत्त्मों की परख-पछयाँण कर्णो का बर्दांण, अरह् कोसी खे साँत-भाँती अंण-जाँण भाषा, अरह् कोसी खे तिनू साँत-भाँती अंण-जाँण भाषा सम्झाँणों का बर्दांण दिया ज़ाँव।

1 कुरिन्थियों 12:28

कलीसिया दे पंणमिश्वरे ज़ई-ज़ई आदमी चुणी थुऐ: आगें प्रभू यीशू के खास-चैले, दुज़े ऋषी, चीज़े शिक्क्षा देणों वाल़े, अरह् तिनू पाछ़ी शक्त्तिशाली काँम-काज़ चंगा कर्णो वाल़े, भलाई कर्णो वाल़े, अरह् अगुवाही कर्णो वाल़े, अरह् साँत्त-भाँती अंण-जाँण भाषा बुल्णों वाल़े।

1 कुरिन्थियों 13:1

जे हाँव आदमी अरह् स्वर्गदूत्तो की बुली बुलू, परह् पियार ने करू, तअ हाँव ठंणठणाँदों पीतल, अरह् छण-छणाँदी खाँजरी असो।

1 कुरिन्थियों 13:2

अरह् जे हाँव बरंम्बाणीं करी सकू, अरह् बादे भैद् अरह् साँत-भाँते ज्ञाँन जाँणू सम्झू, अरह् मुँह ऐथै तोड़ी पुरा बिश्वाष हों, के हाँव धार-टिम्बड़ी भे हटाऐ देऊँ, अरह् हाँव पियार ने करू, तअ हाँव किऐ ने आथी।

1 कुरिन्थियों 14:16

ना, तअ जे तू आत्त्मा ही शा पंणमिश्वर का धन्यबाद करला, तअ तबे अजाँण्दे लोग तेरे धन्यबाद गाशी आमीन किया-किया बुल्दे? किन्देंखे के सेजे लोग तअ जाँण्दे ने के तुँऐं का बुली लो?

1 कुरिन्थियों 14:26

ईन्देंखे हे भाऐ बंईणों, का कर्णो पड़ो? के जबे तुँऐं कठे हों, तअ ऐकी नाँमों के मंन दा भजन के शिक्क्षा, के प्रकाष के अंण-जाँण भाषा, अरह् अंण-जाँण भाषा का मतल्व सम्झाँदा रंह्। सब-कुछ कलीसिया की आत्त्मिक बड़ोत्री खे हुओ चेंई।

1 कुरिन्थियों 15:51

दे:खो, हाँव तुँओं कैई ऐक राज भेद् की बात बुलू: आँमें बादे ने मर्दे परह् बादे बद्ल़ी ज़ाँदे,

1 कुरिन्थियों 2:10

परह् पंणमिश्वर ऐ तिनू बातो आप्णी आत्त्मा के जाँणें आँमों गाशी पर्गट करी, किन्देखे के पबित्र-आत्त्मा बादी बातो, मतल्व पंणमिश्वर की गईराई की बातो भी जाँचो-पर्खो ऐ।

1 कुरिन्थियों 2:7

परह् आँमें पंणमिश्वर का गुप्त ज्ञाँन, भेद् की रित्ती शा ने बुल्दे, जेसी पंणमिश्वर ज़ुगौ शी अमाँरी बड़ियाऐ की ताँईऐं बंणाऐं थुवा।

इफिसियों 6:19

अरह् मुँखे भे! के मेरे बुल्दी बई ऐशा असरदार बचन देईला, के हाँव हिम्मत्त आरी खुषख्बरी का भेद् बुली सकू;

कुलुस्सियों 2:2

जू तिनके मँन खे होंसला भेटो, अरह् से ओका ओकी के प्यारो दा बंदी ज़ाँव; अरह् बिश्वाष का सेजा बादा धंन जुण्जा साच्चै ज्ञाँन शा भेटो, सेजा धंन तिनू भेटो, मतल्व पंण्मिश्वर की भेद् का साच्चा ज्ञाँन हों; जुण्जा आपु मसीया असो।

1 तीमुथियुस 3:16

ईदा किऐ षक-शुभा ने आथी, के भगत्ति का भेद् गऐरा असो: मंतल्व से जू देह्-शरीर दे पर्गट हुऐ, अरह् पबित्र-आत्त्मा दे धर्मी बंणें; अरह् से स्वर्गदूत्तो कैई शे ऊडे देखाई पडे, अरह् गंऐर यहूदियों मुँझ़ी तिनका प्रचार हुआ; अरह् संईसारी दा तिनू गाशी बिश्वाष करा गुवा, अरह् बड़ियाऐ आरी तिनू स्वर्गो दे ऊबै टीपै गुऐ।

1 तीमुथियुस 3:9

परह् से बिश्वाष के भेद् के जाँण्कारी शुद्ध बिचार शी सुऐं कंरियों थंह्।

प्रकाशितवाक्य 10:7

परह् सात्तवें स्वर्गदूत्त के रंणशिंगें-कनाँल़ी फुकर्णो लई जुण्जा गूँह्ज के देसो दा पंण्मिश्वर आप्णें मंन दे चुप्पीं के पलाँण पुरा करला, जिन्दें की घोष्णाँ तिन्ऐं आप्णें दास-सेवकों अरह् ऋषियों कैई करी।”