1 कुरिन्थियों 14:15 - Sirmouri

¹⁵ तबे: का कर्णो पड़ो? हाँव आत्त्मा शी भे प्रार्थना करूबा, अरह् आप्णी बुद्धी-सम्झ शी भे प्रार्थना करूबा; अरह् हाँव आत्त्मा शो गाऊँबा, अरह् आप्णी बुद्धी-सम्झ शो भे गाऊँबा।

सिरमौरी नौवाँ नियम

¹⁵ इयौं बौजैह शै, हांव पवित्र आत्मा लैई प्रार्थना कौरणा चोऊं, पौरौ हांव ऐजौ बै चोऊं कै औकै लोग ऐजौ सौमझौ कै मोऐं का कौरे लो। औरौ जोबै हांव गौऊं, तौ हांव चोऊं कै मैरौ गाणौ पवित्र आत्मा कै ढौबौशौ हौंव, पौरौ ऐजौ बै जौरुरी औसौ कै मोऐं जू गाए लो सै ओकी कै बै सौमझ मै आंव।

1 कुरिन्थियों 14:15 ပူးပေါင်းရင်းမြစ်များ

प्रेरितो कै काम 21:22

तअ ऐबे का करो ज़ाँव? ऐ जरूर शुँण्दें के तुऐं ईथै आऐ रूऐ।

रोमियों 1:9

पंणमिश्वर जिनकी सेवा हाँव आप्णें पुरे दिल शी तिनके बैटे की खुषख्बरी के बारे दी करू, से मेरे गुवाह्-शाज़्त असो, के हाँव तुँओं केष्णें हमेशा चिंतोंदा रंहू।

रोमियों 3:5

ईन्देंखे जे अमाँरा पाप पंणमिश्वर के धार्मिक्त्ता दे:खाव, तअ मुँऐं आदमी के हिसाब शो बुली लो, के पंणमिश्वर अनियाँऐं कर्दें ने, जबे से आँमों खे सजा दियो?

रोमियों 8:31

तअ: आँमें ईनू बातो के बारे दो का बुलो? जे पंणमिश्वर अमाँरी ढबे असो, तअ अमाँरा बिरोधी कुँण हऐ सको?

1 कुरिन्थियों 10:19

तअ मेरे बुल्णों का मंतल्व ऐजा असो? के मुर्त्तियों गाशी चड़ाई अंदी बल़ी किऐ ने आथी, अरह् ना किऐ मुर्त्तियों आथी?

1 कुरिन्थियों 14:14

ईन्देंखे जे हाँव अंण-जाँण भाषा दी प्रार्थना करू, तअ मेरी आत्त्मा प्रार्थना करह्, परह् मेरी बुद्धी-सम्झ बै-सुद्ध हों।

1 कुरिन्थियों 14:19

परह् कलीसिया दी अंण-जाँण दष हजार बातो बुल्णों शी मेरे ऐजो बैगे ही आछो लागो, के ओकी कैई शो शिखाँणों खे हाँव आप्णी बुद्धी शी पाँचे ही बातो बुलू।

1 कुरिन्थियों 14:26

ईन्देंखे हे भाऐ बंईणों, का कर्णो पड़ो? के जबे तुँऐं कठे हों, तअ ऐकी नाँमों के मंन दा भजन के शिक्क्षा, के प्रकाष के अंण-जाँण भाषा, अरह् अंण-जाँण भाषा का मतल्व सम्झाँदा रंह्। सब-कुछ कलीसिया की आत्त्मिक बड़ोत्री खे हुओ चेंई।

इफिसियों 6:18

हर बख्ते, अरह् हर ढंग शे पबित्र-आत्त्मा दी प्रार्थना, अरह् बिन्त्ती कर्दे रंह्, अरह् ईन्देंखे बीऊँजी रंह्ं, के बादे पबित्र लोगो खे लगातार बिन्त्ती, करिया करह्,

फिलिप्पियों 1:18

तबे का हुओं? सिर्फ ऐजो असो, के हर तरेह् शे, भाव भाने शे भाँव सच्चाई शे, परह् हों तअ मसीया का ही प्रचार हों; अरह् हाँव ईन्देशा खुशी असो, अरह् खुशी रंह्ऊँबा भे।

कुलुस्सियों 3:16

मसीया की शिक्क्षा ठीक-ढंग शा तुँओं दा बास करह्, तुँऐं बड़ी सम्झदारी शे ओका ओकी खे शिक्क्षा अरह् ज्ञाँन देईया करह्; अरह् आप्णें-आप्णें मंन दा कृपा आरी पंण्मिश्वर का धन्यबाद देंदे-देंदे, तिनके भजन; सतुति अरह् आत्त्मिक गीत गाया करह्;

याकूब 5:13

जे तुँओं मुँझी कुँऐं दु:ख-तख्लिफ दा असो, तअ से प्रार्थना करह्, जे कुँऐं सु:खी-मंजे दा असो, तअ से दिल शे स्तुति-अरार्धना के भजन गाँव।

यहूदा 1:20

परह् हे प्यारों! तुँऐं आपु आप्णे आप के बैजाऐ पबित्र बिश्वाष दे बढ़्दे ज़ाव, अरह् पबित्र-आत्त्मा दे प्रार्थना कर्दे रंह्।