1 कुरिन्थियों 14:1 - Sirmouri

¹ पियार कर्णो की कोशिष करह्, अरह् आत्त्मिक बर्दांनों की लगंन दे रंह्, खास करियों ऐजो के बरंम्बाणीं करह्।

सिरमौरी नौवाँ नियम

¹ इथकारिए प्यार का स्‍वभाव राखदै बैई आत्मिक वरदानो कै बौड़ै इछा कौरदै रौव खास कौरेयौ पौरमेशवर कै बातौ बौताणौवाल़ै कै वरदान कै।

1 कुरिन्थियों 14:1 ပူးပေါင်းရင်းမြစ်များ

रोमियों 12:6

जबे के तियों कृपा के मुँताबिक जू आँमों खे देऐ थंऐ, आँमों किस्म-किस्म के बर्दांण भेंटी रूऐ, तअ जेस्खे पंणमिश्वर का संन्देश देंणों का बर्दांन भेंटी रूआ, से बिश्वाष के मुँताबिक सेजा संन्देश लोगो तोड़ी पंहिचाल़ो;

रोमियों 14:19

ईन्देंखे आँमें ईनू बातो दे लागे रंह्, जिन्दे लई मेल-मिलाप अरह् ओका ओकी के भे बिश्वाष दी बढ़्त्री हों।

रोमियों 9:30

तअ: ईन्दें के बारे दो आँमें का बुलो? ईन्दें का जबाब ऐजा असो, के गऐर यहूदियों ऐ जुण्णे पंणमिश्वर की नंजर दे बै-कसूर बंण्णों की खोज दे ने थी; सेजे लोग आप्णें बिश्वाष के जाँणें शे पंणमिश्वर की नंजर दे बेकसूर बंणाँऐं गुऐं।

1 कुरिन्थियों 12:1

हे भाऐ-बंईणों, हाँव चहाँऊ, के तुँऐं पबित्र-आत्त्मा के बर्दांनों के बारे दे अंण-जाँण ने रंह्।

1 कुरिन्थियों 12:31

ठीक तअ ऐजो असो, के तुऐं बादे झुणें बड़े बर्दांनों की लगंन दे रंह्। परह् ऐबे हाँव तुँओं कैई शी ईन्दें शी भे जादा आच्छ़ी बाट् बैताँऊबा।

1 कुरिन्थियों 13:13

परह् ऐबे बिश्वाष, भूर्षा, अरह् पियार, ऐजे चींन्ने अट्ल़ असो, परह् ईन्दों सोभी शो जादा पियार बोढ़ो असो।

1 कुरिन्थियों 13:2

अरह् जे हाँव बरंम्बाणीं करी सकू, अरह् बादे भैद् अरह् साँत-भाँते ज्ञाँन जाँणू सम्झू, अरह् मुँह ऐथै तोड़ी पुरा बिश्वाष हों, के हाँव धार-टिम्बड़ी भे हटाऐ देऊँ, अरह् हाँव पियार ने करू, तअ हाँव किऐ ने आथी।

1 कुरिन्थियों 14:22

ईन्देंखे अंण-जाँण भाषा बिश्वाषी खे ने आथी, परह् अबिश्वाषी खे ऐक चींन-छाप असो; अरह् बरंम्बाणीं अबिश्वाषी खे ने परह् बिश्वाषी खे ऐक चींन-छाप असो।

1 कुरिन्थियों 14:37

जे कुँऐं आदमी आप्खे-आपु ऋषी के आत्त्मिक जंण सम्झों, तअ ऐजो जाँणी पाँव के जुण्जी बातो हाँव तुँओं खे लिखू, सेजी प्रभू की अज्ञाँ असो।

1 कुरिन्थियों 14:39

तअ: हे भाऐ बंईणों, बरंम्बाणीं की लगंन दे रूऐ, अरह् अंण-जाँण भाषा बुल्णों खे मंना ने करे;

1 कुरिन्थियों 16:14

जुण्जो किऐ करह् सेजो पियार शो करह्।

इफिसियों 1:3

धन्यबाद हों अमाँरे प्रभू यीशू मसीया के पंण्मिश्वर अरह् बाबा का! जिन्ऐ मसीया के जाँणें आँमों लोगों खे स्वर्गो के साँत्त-भात्ते आत्त्मिक बरदाँन देऐ दित्ते।

1 थिस्सलुनीकियों 5:20

ऋषियों की बरंम्बाणीं छुटी ने जाँणें।

1 तीमुथियुस 4:14

ताँव कैई जुण्जा दाँण-बरंदाँण असो, जुण्जा के ताँव्खे बरंम्बाँणी के जाँणें, कलीसिया के दाँनें-माँनें पुराँणिऐं लोगो के हाँथ ताँव गाशी थंणों लंई भेंटा थिया; तू तेसी बरंदाँन सुवाँ करियों तिन्दी ही लंई सेंवा करे।

1 तीमुथियुस 5:10

अरह् जिऐं आप्णें भले काँम-काज़ लंई आपु खे नाँव कंमाँऐ थुवा हला, जिंऐ आप्णें नहाँन्ड़िया का आच्छ़ा पालना-पोष्ण करी थुवा हला; अरह् जिऐ पाँऊँणें-पंई का आच्छ़ा आदर-संत्तकार करी थुवा हला, अरह् जिऐं पबित्र लोगो के लात्त धोऐ थुऐ हंले; अरह् कोसी दींन, दु:खिया की मंद्दत्त करी थंऐ हली, अरह् जुण्जी सोभी आच्छ़ै काँम-काज़ दी मंगन रंह् हले।

1 तीमुथियुस 6:11

परह् हे पंण्मिश्वर के जंण, तू ईनू बातो शा भाग, अरह् धर्म, भगत्ति, बिश्वाष, प्यार, धीरज, अरह् नंरमाँऐं पाछी पड़।

2 तीमुथियुस 2:22

परह् तू जवाँनी की हिछ़याओं शा दुरका भाग; अरह् जुण्जी बात पंण्मिश्वर के आच्छ़ी लागो, तिन्दे पाछ़ी चाल। जेष्णें के बिश्वाष, प्यार, अरह् मेल-झोल तिनू आदमी आरी करह्; जुण्जे पंण्मिश्वर कैई साफ़ मंन शी पुकार करह्।

इब्रानियों 12:14

सोभी आरी शाँण्त्ति शे रंहणों अरह् पबित्रत्ता के खोजी बंणों, किन्देंखे के ईन्देंके बिना कुँऐ भे आदमी प्रभू का दर्शण ने करी सक्दा।

2 पतरस 1:7

अरह् भग्त्ति गाशी भाई-चारे को पियार, अरह् भाई चारे के पियारो गाशी हजो भे पियार बड़ाँदे ज़ाँव।

3 यूहन्ना 1:11

हे प्यारों, बुराई के ने, परह् भलाई के साथी बणों। किन्देंखे के भला कर्णो वाल़े का पंण्मिश्वर असो; परह् जुण्जा बुराई कर्णो वाल़ा असो, तेने पंण्मिश्वर ने दे:खी थई।