1 कुरिन्थियों 13:5 - Sirmouri

⁵ से गलत चाल ने चाल्दा, से आप्णी भलाऐ ने चहाँदा, से घिप्दा-काँणिंदा ने, से बुरो ने माँन्दा।

सिरमौरी नौवाँ नियम

⁵ सै ओकी कै साथै गौलत बर्ताव औरौ अनादर ना दिखांव, सै सिरफ खुद कै खुश कौरणौ कै बारै मुंजी ना सुंचौ, सै तावल़ै गुस्से ना हौंव औरौ तिनु तिनकै खिलाफ कौरेयौंदी बुरी बातौ याद ना रौंव।

1 कुरिन्थियों 13:5 ပူးပေါင်းရင်းမြစ်များ

मत्ती 5:22

परह् हाँव तुँओं खे ऐजो बुलू, के जू कुँऐं आप्णें भाई गाशी कुरूध करला, से दाल्ती दा सजा ज़ुगा हला। अरह् जुण्जा कुँऐ आप्णें भाई खे निकारा बुल्ला, से बड़ी खुम्ल़ी दा सजा ज़ुगा हला, अरह् जुण्जा कुँऐं बुलो, के ‘ओ मुरूख’, से नंगरक की आगी की सजा ज़ुगा हला।

मत्ती 9:4

प्रभू यीशू ऐ तिनके मंन की बात जाँणियों बुलो, “तुँऐं लोगे आप्णे मंन दा बुरा बिचार कैई करी लुवा?

मरकुस 3:5

प्रभू यीशू ऐ तिनके सासो के कुठूरता दे:खियों, दु:खी हऐयों घीपियों चफेर दे:खो, अरह् तेसी आदमी खे बुलो, “आप्णा हाथ दे”, अरह् तेस्का हाथ चाँगा हुआ।

लूका 7:39

जैसी यहूदी भाट-बाँम्णों कागी प्रभू यीशू पाऊँणें थिऐ, तेने ऐजो दे:खियों मंन ही मंन दो बुलो, के “जे ऐजा आदमी ऋषी हंदा, तअ ऐजो जरूर जाँण्दा के ऐजी तिरंऐ जिऐ ऐसी छुऐ लुवा ऐ कुँण अरह् कैष्णी असो; ऐ तअ पापिण असो।”

1 कुरिन्थियों 10:24

तुऐं आप्णी ही भलाऐ ने, परह् ओकी की भलाऐ कर्णो का भे ख्याल थुऐ।

1 कुरिन्थियों 10:33

जेष्णें हाँव सोभी बातो दे बादे लोग खुशी थंऊँ, अरह् आप्णा ही भला ने, परह् ओकी भहिते लोगों के फाय्दे का ख्याल थंऊँ, के तिनू सोभी खे छुट्कारा भेटो।

1 कुरिन्थियों 11:18

किन्देंखे के आगे तअ हाँव ऐजो शुणू थिया, के जबे तुँऐं कलीसिया दे कठै हों, तअ तुँओं मुँझी फूट पड़ो, अरह् हाँव भे ईदा दाँणिक-दाँणिक बिश्वाष करू।

1 कुरिन्थियों 12:25

जू अमाँरे देह्-शरीर दी किऐ फूट ने पड़ो, परह् ऐक नाँम अंग ओका ओकी की बराबर दे:ख भाल़ करह्।

1 कुरिन्थियों 7:36

अरह् जे कुँऐं ऐशो जाँणों के मुँऐं आप्णी कुवाँरी बैटी के बियाव कर्णो दी देरी करियों ईयों गाशी अनियाँऐं करी लऐ; किन्देंखे के ईयाँरी जुवाँनी ढल़्दी लागी, तअ से सेजो ही करह्, जुण्जो जरूरी ही संम्झो, से तियाँरा बियाव कराँव किन्देंखे के ईन्दा किऐ पाप ने आथी।

2 कुरिन्थियों 5:19

अमाँरी खुषख्बरी ऐजी असो, के पंण्मिश्वर लोगो के पाप अंनदे:खे करियों यीशू मसीया के बल़ीदाँण के जाँणें, तिनू आपु आरी मिलाऐं दिते, तिनके पाप माँफ करे; अरह् मिलाप कराँणों वाल़ा बचन आँमों कैई दिता।

गलातियौं 5:13

हे भाऐ बंईणों, तुँओं अजाद हणों खे बय्दी थुऐ, परह् कद्दी ऐशो ने हईयों के ऐजी अजादी तुँऐं देह्-शरीर के बुरी हिछा कर्णो का साधन ने बाँणें; परह् पियार शे ओका ओकी का सेवा दा मदत्तगार बंणों।

फिलिप्पियों 2:21

किन्देंखे के बादे आप्णे-आप्णे मतल्व की खोज दे रंह्, ना के यीशू मसीया की खोज दे।

फिलिप्पियों 4:8

ईन्देंखे हे भाऐ-बईणों जू-जू बातो साची असो, अरह् जू-जू बातो ईज्जत की असो, अरह् जू-जू बातो पबित्र असो, अरह् जू-जू बातो मंन लुभाणी असो, अरह् जू-जू बातो मंन दी भाँव, मतल्व जू भे सत्तगुण, अरह् तारीफ की बातो असो, तिन्दे गाशी ध्याँन लाव।

2 थिस्सलुनीकियों 3:7

किन्देंखे के तुँऐं आपु भे जाँणों ऐ, के केष्णी तुओं आँमों जेष्णी चाल चाल्णी पड़ो, किन्देंखे के आँमें तुँओं मुँझी रंह्ऐयों आच्छ़े काँम-काज़ कर्णों खे आल़सी ने बंणी,

2 तीमुथियुस 2:10

ईन्देंके कारण हाँव च़ूंणें-छाटे अंदें लोगो की ताँईऐं सब-कुछ सऐन करू, के से भे तेसी छ़ुट्कारा जुण्जा के मसीया यीशू दा असो; से तेसी भे सदा की बड़ियाई आरी पाँव।

2 तीमुथियुस 4:16

शुरू दा जबे मुँऐं आप्णा बंचाव करणा चाया, तअ मेरी ढबे शा कुँऐं भे मेरी मंद्दत्त करदा ने आई; परह् सोभिऐ मुँह ऐकली छुड़ा, पंण्मिश्वर ऐशो करह् के कोसी भे तिन्देका किऐ भे लेखा-ज़ोंखा ने देणाँ पड़ो!

याकूब 1:19

हे मेरे प्यारे भाऐ बंईणों, ऐजी बात जाँणी पाव: के बादे आदमी शुण्णों खे सक्न्नै अरह् बुल्णों खे सबैर, अरह् झोको-गुस्सै खे धीरज-बंन्त्त चेंईं।