1 कुरिन्थियों 13:4 - Sirmouri

⁴ पियार सबैर असो, अरह् कृपा कर्णो वाल़ा असो; पियार डाह्-जल़्ण ने करदा; पियार आप्णी बड़ियाऐं ने करदा, अरह् शियाँगिन्दा ने आथी,

सिरमौरी नौवाँ नियम

⁴ जू लोग ओकीआरी प्यार कौरौ, सैजै सब्र औरौ दया कै साथै काम कौरौ, तिनु ज़लन ना हौंव, सैजै आपणै बारै मुंजी घमण्‍ड ना कौरौ औरौ ना तिनु गर्व हौंव।

1 कुरिन्थियों 13:4 ပူးပေါင်းရင်းမြစ်များ

मत्ती 27:18

पिपातुस ऐजो जाँणों थिया, के सिर्फ जल़ण के कारण ही ईन्ऐं यीशू तेस्के हाथो दा देऐ थुवा।

प्रेरितो कै काम 7:9

“तिनू कुल़ बाबा ऐ, डाह्-जल़्ण के कारण यूसुफ़ मिस्र देश दा बिकी दिता; परह् पंण्मिश्वर तेसी यूसुफ़ की गईलो थिया।

रोमियों 1:29

ईन्देंखे के से सेजी ही काँम-काज़ करह् थिऐं, जुण्जी पंणमिश्वर ने चहाँन्दें, जेष्णाँ के लोभ, बईर भाव शे भरे गुऐ; अरह् डाह अरह् हंत्या, अरह् झगड़े, छल़-कप्ट, अरह् रीष-मिष, दे भरे गुऐ, अरह् चुगल खोर बंणें,

रोमियों 13:13

जेष्णों देसो खे आछो लागो, तेष्णी ही आँमें साची चाल-चालो, ना के लिला-क्रिढ़ा अरह् ना पियाक्ड़पण दे, ना चोरी-जारी, अरह् ना लुच-पंण दे, अरह् ना झगड़े, डाह् दे।

1 कुरिन्थियों 3:3

किन्देंखे के तुँऐं ऐभी तोड़ी भे बै-बिश्वाषी असो। हेबी भी तुँओं मुँझी डाह, झगड़े असो, तअ कियों तुँऐं हेभी तोड़ी भे आप्णा पाप मंऐं बिचार दे आथी ने? अरह् कियों तुँऐं हेभी भी आदमी के अज्ञाँ-निय्म दे चाल्दे ने?

1 कुरिन्थियों 4:18

कऐयों लोग तअ तिऐं ज़ूगै शियाँगी रूऐ, के जैष्णाँ हाँव तुँओं कैई कद्दी ने आँदी।

1 कुरिन्थियों 4:6

हे मेरे भाऐ बंईणों, मुँऐ ईनू बातो तुँवारी ताँईऐं अनाँणें दी बुली, के जुण्जों तुँऐं किऐ मुँह अरह् अपुल्लोस कैईं शो शिखी थुओ, के पबित्र-ग्रन्थों दो जुण्जो किऐ लिखी थो, तिन्दें शे उडे-पुडे ने टल़ै, अरह् ना ऐकी के पक्क्ष दे, अरह् ना ओकी के बिरोध कर्णो दा किऐ तारीफ करे।

1 कुरिन्थियों 5:2

ईन्दें तुँऐं सरमाँदे ने, अरह् ऐष्णें काँम-काज़ कर्णो वाल़े तअ तुँओं मुझ शे आगु ही गाड़े चैई थिऐ; परह् तुँऐं तअ ईन्दें ऊल़टे शियाँगियों।

1 कुरिन्थियों 8:1

ऐबे मुर्त्तियों के साम्णें चड़ाई अंदी बल़ी, के बारे दो आँमें जाँणों के आँमों सोभी कैई ज्ञाँन असो। अरह् ज्ञाँन लई तारीफ पय्दा हों; परह् पियारो लई आप्णी बड़ोत्री हों।

2 कुरिन्थियों 12:20

किन्देंखे के मुँह डरह् असो, कद्दी ऐशो ने हईयों के हाँव आऐयों जेष्णों चहाँऊ, तेष्णें तुँओं ने दे:खू; अरह् मुँह भी जेष्णाँ तुँऐं ने चहाँदें तेष्णा ही दे:खो; अरह् तुँओं मुंझी झगड़ा, डाह, कोरूध, बिरोध, रीष, चुगली, घमन्ड, अरह् बखैड़ा हों;

2 कुरिन्थियों 6:6

पबित्रता दे, ज्ञाँन दे, सबेर दे, कृपा दे, पबित्र-आत्त्मा दे,

गलातियौं 5:26

आँमें घमंन्डी हऐयों ओका ओकी ने छेड़ो, अरह् ना ओका ओकी शी जल़्ण-डाह् करह्।

इफिसियों 4:2

मतल्व पुरी गरबाई आरी, अरह् नंरमाँऐं आरी, सबैर थईयों प्यार शे ओका ओकी की ऊदी सुऐ;

इफिसियों 4:32

ओका ओकी खे दया-रंय्म कर्णो वाल़े हों, अरह् जैष्णें पंण्मिश्वर ऐ मसीया दे तुवाँरे कसूर माँफ करे, तेष्णें ही तुँऐं भे ओका ओकी के कसूर माँफ करह्।

फिलिप्पियों 1:15

ऐजो साच्चो असो, के किऐ तअ डाँह्-झगड़े के कारण मसीया का प्रचार करह् अरह् कुँऐं भली हिछ़या शा मसीया का प्रचार करह्।

कुलुस्सियों 1:11

तिनके बड़ियाऐं के शक्त्ति के मुँताबिक शे हर तेरह् की तागत शे बलवाँन हंदे ज़ाव, ऐथै तोड़ी के खुशी आरी हर तरेह् शे सबैर, अरह् संह्ऐनशील्ता देखाऐं सको।

कुलुस्सियों 2:18

कुँऐं भे जुण्जा गंरबाई के देखावे खे, अरह् स्वर्गदूत्तों की पूजा करदा मंगन रंह्; अरह् से तुओं तियों दौड़ के ईनाँम शे दूर ने करी दियों; किन्देंखे के ऐष्णा आदमी देंखी अंदी बातो दा लागा अंदा रंह्; अरह आप्णी जाँण्कारी संहम्झ़ दा बैकार शियाँगियों।

कुलुस्सियों 3:12

ईन्देंखे पंण्मिश्वर के चूणें-छाँटे अंदें जैष्णें जू पबित्र अरह् प्यारे असो, बड़ी कृपा, भलाऐ, अरह् गरबाई-नींम्ताई, अरह् सय्नशिलता धारणा करह्।

1 थिस्सलुनीकियों 5:14

हे भाऐ-बंईणों, आँमें तुँओं सम्झाओं के जू ठीक चाल ने चाल्दे तिनू सम्झाव; अरह् डराड़ो खे दीड़-हिम्मत दियों, कंमजोर संभाल़ो, सोभी आरी संय्नशिल्त्ता देखाव।

1 तीमुथियुस 6:4

तअ सेजा घमंडी हऐ रूआ, अरह् से किऐ ने जाँण्दा; परह् तेसी बाद-बिबाद शब्दो गाशी जीदिणों की बीमारी असो, जिन्दे लई डाह्, झगड़े, नीदया की बातो, अरह् बुरे-बुरे शक,

2 तीमुथियुस 2:25

परह् से बिरोध कर्णो वाल़े लोग भे नंरमाँई शे संहम्झ़ाऐ दियों, किन्देखे के ऐजो कुँऐं ने जाँण्दा के कबे पंण्मिश्वर तिनका मंन पंसताँवे लंई बद्ल़ी दियों; अरह् तिनखे भे सच्चाई का ज्ञाँन भेंटी ज़ाँव;

2 तीमुथियुस 3:10

तुँऐं मेरी शिक्क्षा, बरताव, मंतल्व, बिश्वाष, संहऐनशील्त्ता, प्यार, धीरज, अरह् सताऐ ज़ाँणों के बंख्त्ते, सबैर करे,

2 तीमुथियुस 4:2

के तू बचन का प्रचार करह्, अरह् कोसी भी हाल दा तैयार रंह्, हर ढंग के संऐनशिल्त्ता, अरह् शिक्क्षा आरी, हिमम्त्त दे, अरह् डाँट-झाड़ अरह् संहमझाऐ दे।

तीतुस 3:3

किन्देंखे के आगे आँमें भे बै-अक्ले, अरह् अज्ञाँ ने माँनणों वाल़े थिऐ, धोखे अरह् ऊकी हिछ़या की सूख-विलास के कर्जदार थिऐ, बईर भाव, अरह् डाह-जल़ंन कर्णो दा जीवन बिताँव थिऐ, अरह् ओकी दे शंगाँव थिऐ, अरह् ओकी शो बईर करह् थिऐ।

याकूब 4:5

कियो तुँऐं ईयो जाँणों के पबित्र-ग्रन्थों का ऐसी कथंन का किऐ अर्थ ने आथी: सेजी आत्त्मा जियों “पंणमिश्वरे आँमों दी बसाऐ थऐ, से बैजाऐ आप्णी हिछ़या शी आँमों खे ऐजी काँमना करह् जिन्दें का प्रत्ति-फ़ल़ डाह्-जल़ण हों”।

1 पतरस 2:1

ईन्देंखे बादी साँत्त-भाँत्ती बुराई अरह् बईर भाव, छल़-कप्ट, जल़्ण-डाह्, अरह् नीदया-चुगली आपु शी दुर्की करह्,

1 पतरस 3:8

तअ: बादे के बादे ऐक मंन अरह् दया-बंत भाईचारे को पियार थणों वाल़े, कृपा, अरह् दीन-नीम्ताई वाल़ा बणों।

1 पतरस 4:8

सोभी शी बड़ी प्रभू यीशू के बात ऐजी असो, के ओका ओकी शो बैजाऐ पियार करह्, किन्देंखे के पियार कऐयों पाप दबाऐ दियों।

2 पतरस 1:7

अरह् भग्त्ति गाशी भाई-चारे को पियार, अरह् भाई चारे के पियारो गाशी हजो भे पियार बड़ाँदे ज़ाँव।

1 यूहन्ना 4:11

हे प्यारों, जबे पंण्मिश्वर आँमों आरी ऐष्णों पियार करह्, तअ आँमों भे आपु मुँझी ऐष्णों ही पियार थंणों पड़ो।