1 कुरिन्थियों 13:13 - Sirmouri

¹³ परह् ऐबे बिश्वाष, भूर्षा, अरह् पियार, ऐजे चींन्ने अट्ल़ असो, परह् ईन्दों सोभी शो जादा पियार बोढ़ो असो।

सिरमौरी नौवाँ नियम

¹³ इथकारिए, ऐबै, इनु ती भान्त कै कामौ खै आमु कौरणा चैंई: पौरमेशवर पांदी बिशवाश कौरौ, पौरमेशवर कै वादै पांदी आशा राखौ, औरौ ओकीआरी प्यार कौरौ। पौरौ इनु ती बातो मुंजी दी, ओकीआरी प्यार कौरणा ही सौबिदी बौड़ी बात औसौ।

1 कुरिन्थियों 13:13 ပူးပေါင်းရင်းမြစ်များ

लूका 10:27

तेने जबाब दिता, के “आप्णें प्रभू पंण्मिश्वर आप्णे पुरे मंन-दिल, पुरे प्राण, पुरी शक्त्ति, अरह् पुरी बुद्धी शो पियार कअरो, अरह् आप्णें पड़ोसी आरी आपु जैष्णों पियार करह्।”

लूका 22:32

परह् शमौन, मुँऐ ताँव्खें प्रार्थना करी थऐ, के तेरा बिश्वाष खत्त्म ने हों; अरह् जबे तू होशौ दा आऐला, तअ आप्णें भाऐ-बंईण बिश्वाष दे पाक्कै करला।

रोमियों 15:13

पंणमिश्वर जू भुर्षे का दाता असो, से तुँओं खे बिश्वाष के जाँणें साँत्त-भात्ते आँनन्द अरह् शाँण्त्ति शे भरपुर करह्, जिन्दें लई पबित्र-आत्त्मा की शक्त्ति शा तुवाँरा भुर्षा शुरा-पुरा हों।

1 कुरिन्थियों 14:1

पियार कर्णो की कोशिष करह्, अरह् आत्त्मिक बर्दांनों की लगंन दे रंह्, खास करियों ऐजो के बरंम्बाणीं करह्।

1 कुरिन्थियों 16:14

जुण्जो किऐ करह् सेजो पियार शो करह्।

1 कुरिन्थियों 3:14

जेस्की काँम-काज़ तियों पह्-नींव गाशी पाक्की हली; तेसी ही प्रत्ति-फल़ भेट्दा।

1 कुरिन्थियों 8:1

ऐबे मुर्त्तियों के साम्णें चड़ाई अंदी बल़ी, के बारे दो आँमें जाँणों के आँमों सोभी कैई ज्ञाँन असो। अरह् ज्ञाँन लई तारीफ पय्दा हों; परह् पियारो लई आप्णी बड़ोत्री हों।

1 कुरिन्थियों 8:3

परह् जे कुँऐं पंणमिश्वर आरी पियार करह्, तअ पंणमिश्वर तेसी जाणों ऐ।

2 कुरिन्थियों 5:10

किन्देंखे के जरूरी असो, के आँमों सोभी का हाल मसीया के नियाँव के सिगास्णों के साम्णें खुली ज़ाँदा, के ऐक नाँम आदमी आप्णी-आप्णी भली बुरी काँम-काज़ का बद्ल़ा, जू तिन्ऐं देह्-शरीर के जाँणें करी थुवा, तिन्दें का लेखा दियों।

2 कुरिन्थियों 5:15

अरह् से सोभी की ताँईऐं मरे, जू जीऊँदें असो, से हजो आपु खे ने जींयों, परह् तिनखे जू तिनकी ताँईऐं मरे, अरह् हजो पाछु ऊबा जींयों।

गलातियौं 5:6

प्रभू यीशू मसीया दा बिश्वाष कर्णो लई, ना खतना, अरह् ना बिना खतने का, तिन्दें का किऐ मतल्व ने आथी; परह् जे मतल्व असो, तअ सिर्फ बिश्वाष का, जुण्जा पियारो लई करा ज़ाँव।

फिलिप्पियों 1:9

हाँव ऐजी प्रार्थना करू, के तुवाँरा प्यार ज्ञाँन अरह् बादी सम्झ आरी हजो भे बढ़दा ज़ाऊँ,

कुलुस्सियों 1:27

जिन कैई पंण्मिश्वर ऐ पर्गट करणा चाया, के तिन कैई ऐजा ज्ञाँन हों, के गऐर यहूदी कैई तेसी भेद् की बड़ियाऐ का मोल का असो, अरह् से ऐजो असो, के मसीया जेस्दा बड़ियाऐ का भूर्षा असो, से तुँओं दे बास करह्।

कुलुस्सियों 1:5

तुवाँरा बिश्वाष अरह् प्यार तियों भुर्षें गाशी असो, जू स्वर्गो दो तुँओं खे असो, अरह् जिन्दे के बारे दो तुँऐं साच्ची खुषख्बरी के प्रचारो दो शुँणी थो;

कुलुस्सियों 3:14

ईनू सोभी गाशी प्यार जू ऐक्त्ता का चींन असो, सदा तुँऐं ईदे बाँनिऐं अंदें रूऐ।

1 थिस्सलुनीकियों 1:3

अरह् आप्णें परंम पिता-पंण्मिश्वर के सहाँम्णें तुवाँरे बिश्वाष के काँम-अरह् प्यारों के मेंहन्त्त अरह् अमाँरे प्रभू यीशू मसीया दे अटल भोर्षे के धिरज दे हमेशा चींत्ते थंह्।

1 थिस्सलुनीकियों 5:8

परह् आँमें जू देसो के असो, बिश्वाष अरह् प्यार का चौग्गा बाँम्बियों अरह् छुट्कारे के भोर्षे का टूप्पा लाऐयों संकने रंह्।

1 तीमुथियुस 1:5

अज्ञाँ का मंतल्व ऐजा असो, के शुद्ध मंन अरह् आछे बरताव, अरह् बिना कऊँट्ल़े बिश्वाषों लई प्यार पय्दा हों।

2 तीमुथियुस 1:7

ऐजो ईन्देंखे के पंण्मिश्वर ऐं आँमों खे डर-भंऐ के ने, परह् शक्त्ति, प्यार, अरह् सऐन के आत्त्मा देऐ थऐ।

इब्रानियों 10:35

ईन्देंखे आप्णें पाक्कै बिश्वाष शे दूर ने हुऐ, जिन्दें का प्रत्तिफ़ल़ बड़ा असो।

इब्रानियों 10:39

आँमें तिनू लोगो मुँझ़्शे ने आथी, जुण्जे पाछ़ू फीरियों नाँष हंऐ ज़ाँव; परह् आँमें तिनू लोगों मुँझ़्शे असो, जिनखे आप्णें बिश्वाष के कारण जीवन भेंटो।

इब्रानियों 6:11

परह् आँमें हजो बैजाऐ ऐशो चहाँव, के तुँओं मुँझ़्शे ऐक नाँम जंण आखरी तोड़ी ऐसी ही भोर्षे दे रंहणों के कोशिष कर्दे रंह्।

इब्रानियों 6:19

सेजा बिश्वाष अमाँरे पराँणों खे पाक्ड़ असो, जू अट्ल़ अरह् पाक्का असो, अरह् तेसी पड़्दे के भित्त्ले शे भित्त्ले जागें दे पंईचाल़ी दियों।

1 पतरस 1:21

तिनू मसीया के जाँणें ही तुँऐं तिनू पंणमिश्वर गाशी बिश्वाष करह्, जिन्ऐं तिनू मरे अंदे मुँझ्शे ऊबे जीयाल़े, अरह् बड़ियाऐं दिती, के तुँवारा बिश्वाष अरह् भूर्षा पंणमिश्वर गाशी हों।

1 यूहन्ना 2:10

जुण्जा कुँऐं आप्णे बिश्वाषी भाऐ बंऐणों आरी पियार करह्, से ज्योत्ति-प्रकाष दा रंह्, अरह् तैस्दी कद्दी भे ठूकर ने लागदी, अरह् ना से कद्दी धोखा खाँदा।

1 यूहन्ना 2:14

प्रभू दे नुऐं पय्दा हुऐं नहाँन्ड़िया, हाँव तुँओं खें ईन्देंखे लिखू, के तुँऐं पिता जाँणों ऐ, अरह् तुँऐं जुण्जे देह्-धारी पिता असो, तुँओं खे ईन्देंखे लिखू, के तुँऐं तिनू जाँणों ऐ, जुण्जे जूगौ शे आदि शे असो, तुँऐं जुण्जे जुवाँन असो, तुँओं खे ईन्देंखे लिखू, के तुँऐं तागतबर असो, पंण्मिश्वर के बचन तुँओं दा आप्णा बास करह्, जिन्दें लई तुँऐं शैतान हराऐ दिता।

1 यूहन्ना 2:24

ईन्दें का ख्याल थुऐ, के तुँओं दी सेजी ही शिक्क्षा पाक्की रंऐ च़ेंई, जुण्जी तुँऐं आगे शुभी शुणीं थऐ, अरह् जे तुँऐं तियों ही शिक्क्षा दे पाके अट्ल़ रंह्ले; तअ तुँऐं बैटे अरह् स्वर्गो के पिता दे भे बंणें अंदे रंह्दे।

1 यूहन्ना 3:3

अरह् जू कुँऐं तिनू गाशी ऐजा भूर्षा थंह्, से आपु-आप्खे तैष्णा ही पबित्र थंह् जैष्णें से पबित्र असो।

1 यूहन्ना 3:9

पंण्मिश्वर शा पय्दा हुवा अंदा, पाप ने करदा रंह्दा, किन्देंखे के से पंण्मिश्वर का अंष अरह् तिनकी अलाद हों; तअ तिन्दी पाप कर्णो की तअ किऐं गुजाऐश ही ने हंदी।