1 कुरिन्थियों 13:12 - Sirmouri

¹² हेभी अमाँरे सीसे दो झाँमंरो दे:खियों, परह् तेसी बख्ते आँम्णें-सहाँम्णें दे:ख्दे: ऐसी बख्ते मेरा ज्ञाँन आधा-अ; धुरा असो, परह् तेसी बख्ते सुवाँ करियों पछ़याँणुबा, जेष्णाँ मुँह पछ़याँणा गुवा।

सिरमौरी नौवाँ नियम

¹² आमै ऐसी जीवन दै सौबै ठुँ पूरी तरह शै ना सौमझौ। ऐजौ कोसी चीज़ कै शीशै दौ धुंधल़ो दैखणौ जैशणौ औसौ, पौरौ जोबै आमै स्वर्गो दै जोऊंबे, तौ आमै सौबै ठुँ सोही तरीकै शै सौमझदै। जिथुकै आमै पौरमेशवर खै आमणै सामणै दैखदै। इबी मैरा ज्ञान अधूरा औसौ। सिरफ आणौवाल़ै सौमय दा ही हांव पौरमेशवर खै पूरी तरह सै जाणै पांदा, जैशै पौरमेशवर आमु कै पूरी तरह सै जाणौए।

1 कुरिन्थियों 13:12 ပူးပေါင်းရင်းမြစ်များ

मत्ती 18:10

“ख्याल थुऐ, के तुँऐं ईनू छुटे मुँझ्षा कोसी भे छुटा छ़ूत्त जाँणियों ने दे:खो; हाव तुँओं खे बुल्णों चहाँऊ, के स्वर्गो दे ईनके स्वर्गदूत्त मेरे स्वर्गो के पिता को मुँह हमेशा दे:खो।”

मत्ती 5:8

भागोईत असो! सेजे जिनके मंन शुद्ध असो, किन्देखे के से पंणमिश्वर देख्दे।

यूहन्ना 10:15

जेष्णाँ बाबा मुँह पंह्छ़ियाँणों, अरह् हाँव बाबा पंह्छ़ियाँणू; तेष्णें ही हाँव आप्णीं भैंड़ो की ताँईऐ आप्णीं जीयाँन-प्राँण देऐ देंऊँ।

रोमियों 8:18

किन्देंखे के मेरे जाँणियों के ऐसी बख्तो की अमाँरी परेशानी अरह् कल़ेष तियों बड़ियाऐं के साम्णें किऐं ने आथी, जुण्जी के आँमों गाशी पर्गट हणों वाल़ी असो।

1 कुरिन्थियों 13:11

जबे हाँव बालक थिया, तअ हाँव बालक जिया बुलाँऊ थिया, मेरा बालक का जिया मंन थिया, मेरी बालक की जेऐ संम्झ थी; परह् जबे हाँव बड़ा हऐ गुआ, तबे मेरी बालक की जेऐ आद्त छुटी गई।

1 कुरिन्थियों 8:3

परह् जे कुँऐं पंणमिश्वर आरी पियार करह्, तअ पंणमिश्वर तेसी जाणों ऐ।

2 कुरिन्थियों 3:18

परह् जबे आँमों सोभी के खुलै मुँख्ड़े शा प्रभू का त्तेज-प्रकाष ऐशा दाँई पर्गट हों, जैष्णाँ के सिस्सै दा साफ नंजर आँव, तअ प्रभू के जाँणें जू आत्त्मा असो, आँमें तैसी ही त्तेजमंऐं सरूप दे अंष-अंष बदल़्दे ज़ाँव।

2 कुरिन्थियों 5:7

किन्देंखे के आँमें रूप दे:खियों ने, परह् बिश्वाष दे चालो;

फिलिप्पियों 3:12

ऐजा मतल्व ने आथी के मुँह् से भेटी रूऐ, के हाँव सिद्ध बंणीं गुवा; परह् हाँव तियों चींजो थाँमबड़णों खे दोऊँड़ी रूआ, जिन्दे की ताँईऐ मसीया यीशू ऐ मुँह थाँम्बड़ी थुवा।

याकूब 1:23

किन्देंखे के जू कुँऐं बचन का शुण्णों वाल़ा हों, अरह् तिदा चाल़णों वाल़ा ने हों, से तेसी आदमी जेष्णाँ असो, जू आप्णों मुँह हार्षी-सिसै दो दे:खो।

1 यूहन्ना 3:2

हे प्यारों, ऐबे आँमें पंण्मिश्वर की अलाद असो, अरह् हेबी तोड़ी ऐजो पर्गट ने हऐ रई, के आँमें आँणों वाल़े बख्तो दे का हंदे! परह् आँमें ऐजो जाँणों ऐ, के जबे से पर्गट हले, तअ आँमें भे तिनके जिऐं हंदे, किन्देंखे के तिनू आँमें तैष्णें ही दे:ख्दे जैष्णें से असो ऐ।

प्रकाशितवाक्य 22:4

से तिनू आप्णीं आखिऐ देख्ले, अरह् तिनको नाँव तिनू लोगों के माँथे गाशी लिखो अंदो हलो।