1 कुरिन्थियों 13:1 - Sirmouri

¹ जे हाँव आदमी अरह् स्वर्गदूत्तो की बुली बुलू, परह् पियार ने करू, तअ हाँव ठंणठणाँदों पीतल, अरह् छण-छणाँदी खाँजरी असो।

सिरमौरी नौवाँ नियम

¹ जै हांव आदमी औरौ स्‍वर्गदूतौ कै भाषाओं दै बातौ कौरु पौरौ जै हांव लोगौ शै प्यार ना राखु, तौ मैरा भाषण दैणा कुणजाई मतलब ना राखौ। जैशै बासणौ कै बौज़णौ कै आवाज़ कुणजाई मतलब ना दैंव।

1 कुरिन्थियों 13:1 ပူးပေါင်းရင်းမြစ်များ

मत्ती 25:45

तबे राजा तिनखे जबाब देला, ‘हाँव तुओं खे खास बात बुलू, के जुण्जो तुऐं मेरे ईनू छोटे शे छोटे लोगो खे ने करी थंई, सेजो तुऐं मुँखे भे करीने थंई।’

मरकुस 16:17

जिन्ऐ बिश्वाष करी थुवा, तिनदी चींन-चंम्त्तकार दे:खाणों की शक्त्ति देऐ ज़ाली, अरह् से मेरे नाँव शी दुष्ट-आत्त्मा गाड़ले, अरह् से नंई-नंई भाषा दी बातो कर्ले।

रोमियों 14:15

जे तेरा भाऐ-बंईण तेरे भोजन के कारण उदास हों, तअ तबे तू पियारो के हिसाब शा ने चाल्दा; जिन्दें की ताँईऐं मसीया मरे, तेथू पियार तू आप्णे भोजन के कारण नाँष ने करे।

1 कुरिन्थियों 12:10

तबे भे कोसी खे शक्त्ति की काँम-काज़ कर्णो के शक्त्ति देंई, अरह् कोसी खे बरंम्बाणीं कर्णो का दाँण, अरह् कोसी खे आत्त्मों की परख-पछयाँण कर्णो का बर्दांण, अरह् कोसी खे साँत-भाँती अंण-जाँण भाषा, अरह् कोसी खे तिनू साँत-भाँती अंण-जाँण भाषा सम्झाँणों का बर्दांण दिया ज़ाँव।

1 कुरिन्थियों 12:16

अरह् जे काँन बुलो के “हाँव आँख कैई ने आथी? तअ तबे कियों से तियों देह्-शरीर का अंग आथी ने?”

1 कुरिन्थियों 12:8

जैष्णी के ऐकी खे पबित्र-आत्त्मा के जाँणें बुद्धी की बातो देंई, अरह् ओकी खे तियों ही पबित्र-आत्त्मा के जाँणें ज्ञाँन की बातो देई ज़ाँव।

1 कुरिन्थियों 13:8

पियार कद्दी-कद्दी भे टल़्दो ने; भर्मबाँणी हों, तअ से खत्त्म हंदी; भाषा हों, तअ से भे ज़ाँदी रंह्दी; अरह् जे ज्ञाँन हों, तअ से भे मिटी ज़ाँदा।

1 कुरिन्थियों 14:2

किन्देंखे के जुण्जा अंण-जाँण भाषा दी बातो करह्; से आदमी शी ने परह् पंणमिश्वर शी बातो करह्, ईन्देंखे सेजी बातो कुँऐं आदमी ने सम्झों दा, किन्देंखे के ऐजी बादी भैद् की बातो हों, जुण्जी पबित्र-आत्त्मा के जाँणें बुली ज़ाँव।

1 कुरिन्थियों 14:4

जुण्जा अंण-जाँण भाषा दी बातो करह्, से आप्णी ही बड़ोत्री करह्; परह् जू बरंम्बाणीं करह् से कलीसिया के आत्त्मिक बड़ोत्री करह्।

1 कुरिन्थियों 14:5

हाँव चहाऊँ के तुँऐं बादे अंण-जाँण भाषा दी बात करह्, परह् ईन्दें शो आछो ऐजो चहाँऊ, के तुँऐं बरंम्बाणीं करह्: किन्देंखे के अंण-जाँण भाषा बोल्णों वाल़ा, जे कलीसिया की बड़ोत्री खे तिन्दे का अनुबाद अरह् मतल्व ने सम्झाँव, तअ बरंम्बाणीं कर्णो वाल़ा तेसशा बड़ियों असो।

1 कुरिन्थियों 8:1

ऐबे मुर्त्तियों के साम्णें चड़ाई अंदी बल़ी, के बारे दो आँमें जाँणों के आँमों सोभी कैई ज्ञाँन असो। अरह् ज्ञाँन लई तारीफ पय्दा हों; परह् पियारो लई आप्णी बड़ोत्री हों।

2 कुरिन्थियों 12:4

स्वर्गो दा ऊबा टिपा गुवा, अरह् तेथै तेने ऐशी पबित्र बात्तो शुणीं; जिनू बातो के बारे दो किऐ बुलो ने ज़ाँदो; अरह् सेजी पबित्र बातो आदमी खे आप्णें मुँह ज़ात्ती शी बुल्णों के भे अज्ञाँ ने आथी।

गलातियौं 5:22

परह् पबित्र-आत्त्मा का फल़ पियार, खुशी, शाँण्त्ति, धीरज, कृपा, भलाऐ, बिश्वाष,

गलातियौं 5:6

प्रभू यीशू मसीया दा बिश्वाष कर्णो लई, ना खतना, अरह् ना बिना खतने का, तिन्दें का किऐ मतल्व ने आथी; परह् जे मतल्व असो, तअ सिर्फ बिश्वाष का, जुण्जा पियारो लई करा ज़ाँव।

1 तीमुथियुस 1:5

अज्ञाँ का मंतल्व ऐजा असो, के शुद्ध मंन अरह् आछे बरताव, अरह् बिना कऊँट्ल़े बिश्वाषों लई प्यार पय्दा हों।

1 पतरस 4:8

सोभी शी बड़ी प्रभू यीशू के बात ऐजी असो, के ओका ओकी शो बैजाऐ पियार करह्, किन्देंखे के पियार कऐयों पाप दबाऐ दियों।

2 पतरस 2:18

से बै-कार के तारीफ की बातो करी-करियों चप्लूसी की काँम-काज़ के जाँणें, तिनू लोग देह्-शरीर की हिछ़या दे फशाँऐं दियों, जू भट्के अंदे मुझ्शे हेभी नीकल़ी ही ने रंई।

प्रकाशितवाक्य 14:2

अरह् स्वर्गो शी मेरे ऐक धाव शुँणाँई पड़ी, जू पाँणी के बैजाऐ बड़े ओजाल़ों के गड़गड़ाट की गूँह्ज थी, अरह् जुण्जा गूँह्ज मुँऐं शुँणी, से तेष्णी थी, जैष्णें बैजाऐ भहिते लोग रंण्शिंगें-कनाँल़ी बजाणों वाल़े साथी ऐकी बई भहिते रंण्शिगें-कनाँल़ी बजाँदें लागो।