1 कुरिन्थियों 12:31 - Sirmouri

³¹ ठीक तअ ऐजो असो, के तुऐं बादे झुणें बड़े बर्दांनों की लगंन दे रंह्। परह् ऐबे हाँव तुँओं कैई शी ईन्दें शी भे जादा आच्छ़ी बाट् बैताँऊबा।

सिरमौरी नौवाँ नियम

³¹ सौबवे भाषा का मतलब बौताणौ वाल़ै ना आथी, इथकारिए तुऔं ईमानदारी शै सौबीआरी इस्तैमाल हौणौवाल़ै वरदानो कै इछा कौरणै चैंई। पौरौ ऐबै आंव तुऔं सौबी दी आछै बाट दिखोऊ।

1 कुरिन्थियों 12:31 ပူးပေါင်းရင်းမြစ်များ

मत्ती 5:6

भागोईत असो! सेजे जू धर्म के भूखे-च़ीषे असो, किन्देखे के तिनू छ़कऐं देई दे।

लूका 10:42

परह् ऐक ऐजी बात जरूर असो, के सोभी शा आच्छ़ा शुद्ध भाग हिस्सा मरियम ऐ चूंणी थुवा, अरह् ऐजा भाग हिस्सा ईयों कैई शा कुँऐं ने दड़ी सक्दा।”

1 कुरिन्थियों 13:1

जे हाँव आदमी अरह् स्वर्गदूत्तो की बुली बुलू, परह् पियार ने करू, तअ हाँव ठंणठणाँदों पीतल, अरह् छण-छणाँदी खाँजरी असो।

1 कुरिन्थियों 14:1

पियार कर्णो की कोशिष करह्, अरह् आत्त्मिक बर्दांनों की लगंन दे रंह्, खास करियों ऐजो के बरंम्बाणीं करह्।

1 कुरिन्थियों 14:39

तअ: हे भाऐ बंईणों, बरंम्बाणीं की लगंन दे रूऐ, अरह् अंण-जाँण भाषा बुल्णों खे मंना ने करे;

1 कुरिन्थियों 8:1

ऐबे मुर्त्तियों के साम्णें चड़ाई अंदी बल़ी, के बारे दो आँमें जाँणों के आँमों सोभी कैई ज्ञाँन असो। अरह् ज्ञाँन लई तारीफ पय्दा हों; परह् पियारो लई आप्णी बड़ोत्री हों।

फिलिप्पियों 3:8

ऐती ने, परह् हाँव आप्णें प्रभू मसीया यीशू पंह्छ़याँण्णों खे सोभी शा आछा फाय्दा जाँणू; अरह् ऐसी ज्ञाँन की बरा-बरी दी ऐक नाँम चींजो नुकसाँन ही जाँणू, तिनही के कारण मुँऐ हर ऐक च़ीज छ़ुड़ी दित्ती, अरह् सेजो सब-कुछ़ मुँऐ कुडा़-कर्क्ट जाँणों, जिन्दे लई मुँह मसीया भेटी सको;

इब्रानियों 11:4

बिश्वाष के कारण हाबिल ऐ कैन की बरा-बरी दे बैजाऐ बड़ी भेंट-बल़ी चढ़ाऐ। अरह् तेसी ही बिश्वाष के कारण हाबिल ऐक धरंमाँत्त्माँ माँना गुवा, किन्देंखे के पंण्मिश्वर ऐ तेस्की भेंट-बल़ी स्वीरार करी; अरह् से मँरी गुवा, परह् तेसी ही बिश्वाष के कारण ऐत्त्लो भे आँमें ऐजी ऐक गुवाऐ-शाज़्त्त दियों।