1 कुरिन्थियों 12:3 - Sirmouri

³ ईन्देंखे हाँव तुँओं कैई शो चित्ते कराऊँ के जुण्जा कुँऐं पंणमिश्वर की आत्त्मा की शक्त्ति शो बुलो, से ऐजो बुली ने सक्दा के यीशू श्रापित असो! अरह् ना कुँऐं पबित्र-आत्त्मा भेटे बिना ऐजो बुली ने सक्दा के यीशू ही प्रभू असो।

सिरमौरी नौवाँ नियम

³ इथकारिए हांव चोऊं कै तुऐं सौमझौ कै जू कुणिए पौरमेशवर कै आत्मा कै अगुवाई लैई बौल़ौ, सै ना बौल़ौ कै यीशु शरापित औसौ; सिरफ पवित्र आत्मा ही औसौ जू कोसी कै बै बौलणौ कारिए काबिल बाणै सौकौ, कै यीशु प्रभु औसौ।

1 कुरिन्थियों 12:3 ပူးပေါင်းရင်းမြစ်များ

मत्ती 22:43

प्रभू यीशू ऐ तिनशो पुछो, “तअ राजा दाऊद तअ पबित्र-आत्त्मा शो भरियों, मसीया खे प्रभू बुलो?

मरकुस 9:39

प्रभू यीशू ऐ चैले खे बुलो, “तेस्खे मंना ने करे, किन्देंखे के ऐशा कुँऐं ने आथी, जू मेरे नाँव शे चींन-चंम्त्तकार करह्, अरह् तबे तैख्णी मुँखे बुरो-भलो बुल़्ला।

यूहन्ना 13:13

तुँऐं मुँखे गुरू, अरह् प्रभू बुलो, ऐजो ठीक असो, किन्देंखे के ‘हाँव सेजा ही असो’।

यूहन्ना 13:14

ईन्देंखे जे मुँऐं, तुवाँरे गुरू, अरह् प्रभू, हऐयों भे तुओं सोभी चैले के लात्त धुऐ; तअ तुँऐं भे आपु मुँझी ओका ओकी के लात्त ऐष्णें ही धुऐ चैई।

यूहन्ना 15:26

“परह् जबे सेजा मद्त्तगार मंतल्व सच्चाई की आत्त्मा आली, जियों हाँव तुओं खे बाबा कैई शी डेयाल़ूबा; तअ से मेरे बारे दी गुवाऐ-शाज़्त्त देली;

प्रेरितो कै काम 8:37

(तबे फिलिप्पुस ऐ जबाब दिता, के “जे तू आप्णें साच्चै अरह् बादे मंन शा बिश्वाष करे, तअ नहाँण-नहाँणों दे किऐ रूकावट ने आथी।” ईन्दे गाशी तेने बुलो, “हाँव बिश्वाष करू, के यीशू मसीया ही पंण्मिश्वर का बैटा असो।”)

रोमियों 10:9

के जे तू आप्णे मुँहों शा यीशू खे प्रभू जाँणियों माँनें, अरह् आप्णे मंन शा बिश्वाष करे, के पंणमिश्वर तिनू मरे अंदे मुँझ्षे ऊबे जींयाल़े, तअ तू जरूर मुँक्त्ति पाँईदा।

रोमियों 9:3

किन्देंखे के हाँव ऐते ज़ुगौ चहाँऊ, के इस्राएली लोग जू मेरे देह्-शरीर के भाव शे भाऐ-बंईण, अरह् मेरे कुढ़्बे के असो, तिनकी भलाई खे हाँव मसीया का श्राँप-फींटकारा आपु गाशी लंणों खे; अरह् तिन्दें शा ज़ई रंहणों खे भे तियार असो।

1 कुरिन्थियों 16:22

जे कुँऐं प्रभू शो पियार ने करह्, तअ से निर्भाग असो। हे अमाँरे प्रभू आव!

1 कुरिन्थियों 8:6

परह् आँमों खे तअ ऐक ही पंणमिश्वर असो: मतल्व परंम-पिता पंणमिश्वर जिनके जाँणें बादी चींजो असो, अरह् आँमें तिनके ही असो। अरह् ऐक ही प्रभू असो, मतल्व प्रभू यीशू मसीया जिनके जाँणें बादी चींजो बंणी, अरह् आँमें तिन्हीं के जाँणें असो।

2 कुरिन्थियों 11:4

जे कुँऐं तुँओं कैई आऐयों, कोसी ओकी यीशू का प्रचार करह्, जिन्दें का प्रचार आँमें ने करी थई; के कुऐं ओकी आत्त्मा तुँओं भेटो, जू आगे भेटी ने रंई थी; के ओकी कुऐं खुषख्बरी शुणाँव जुण्जी तुँऐं आगे ने माँनी थई थी; तअ तुँऐं तियों सह्ऐन करी पाँव।

2 कुरिन्थियों 3:5

ऐजो ने के आँमें आपु-आप्खे ईन्दें ज़ूगै असो, के आप्णी ढबे शे कोसी बातो दा बिचार करी सको, परह् अमाँरी काबलिय्त्त पंण्मिश्वर की ढबे शी असो,

गलातियौं 3:13

मसीया ऐ जिन्ऐं अमाँरी निरभागऐता के अब्ल़ी आपु गाशी लऐयों, मूसा खे भेटे गुऐ अज्ञा-निय्म के रित्ती के निरभागऐता शे आँमों छुडाऐ दिते। किन्देंखे के पबित्र ग्रन्थो दो लिखी थो; के जुण्जा “काठो गाशी टाँगा गुवा, से निरभाग असो!”

प्रकाशितवाक्य 1:10

हाँव प्रभू के देसे पबित्र-आत्त्मा दा भरा गुवा, अरह् आपु पाछी मुँऐ रंणशिंगें-कनाँल़ी के जेऐ बड़ी गूँह्ज शुँणाँई पड़ी।