1 कुरिन्थियों 12:18 - Sirmouri

¹⁸ परह् सत्तिखे पंणमिश्वर ऐक नाँम अंग आप्णी हिछ़या शे ऐक-ऐक करियों, देह्-शरीर दे थऐ थुऐं।

सिरमौरी नौवाँ नियम

¹⁸ पौरौ सौथीखै पौरमेशवरे अमारै शोरीर कै सौबै अंग खै आपणी इछा कै हिसाब शै शोरीरो दा तैशणाई ठाँव दैय राए।

1 कुरिन्थियों 12:18 ပူးပေါင်းရင်းမြစ်များ

लूका 10:21

तैख्णी प्रभू यीशू पबित्र-आत्त्मा की खुशी शे भरपुर हऐयों बुलो; “हे पिता! स्वर्ग अरह् धर्त्ती के प्रभू! हाँव तुवाँरी प्रार्थना करू, किन्देंखे के तुऐं ऐजी बात्तो ज्ञाँनियों, अरह् बुद्धीमाँनों शी चुप्पी थंई; परह् नहाँन्ड़िया गाशी पर्गट कअरी; होर, पिता, तुओं ऐजो ही आच्छ़ो लागो।

लूका 12:32

“ओ, छुटा दल़! डरे ने; किन्देंखे के तुवाँरे स्वर्गो के बाबा के ऐजो भाऐ रूओ, के तुओं खे राज देंणों।

रोमियों 12:3

किन्देंखे के हाँव तियों कृपा के जाँणें जू मुँह भेटी, तुँओं मुझ्शे ऐक नाँम खे बुलू, के जेष्णों सम्झणों पड़ो, तिन्दें शो बड़ियों कुँऐं भे आपु-आप्खे ने सम्झे; परह् जेष्णों पंणमिश्वर ऐकी नाँमों खे बिश्वाष के नंतिजे के हिसाब शो बाँडी थो, तेष्णें ही आच्छ़ी बुद्धी आरी आपु-आप्खे संम्झे।

रोमियों 12:6

जबे के तियों कृपा के मुँताबिक जू आँमों खे देऐ थंऐ, आँमों किस्म-किस्म के बर्दांण भेंटी रूऐ, तअ जेस्खे पंणमिश्वर का संन्देश देंणों का बर्दांन भेंटी रूआ, से बिश्वाष के मुँताबिक सेजा संन्देश लोगो तोड़ी पंहिचाल़ो;

1 कुरिन्थियों 12:11

परह् ऐजी बादी शक्त्ति-शाली काँम-काज़ तियों ही ऐक पबित्र-आत्त्मा शा दिया ज़ाँव, अरह् से जेस्खे जुण्जों किऐं देंणों चहाँव सेजो बाँडा-बाँडियों दियों।

1 कुरिन्थियों 12:17

जे बादी देह्-शरीर आँख ही हंदी तअ शुण्णों कियों-कियों थियो? अरह् जे बादी देह्-शरीर काँन ही हंदे तअ शिंग्णों कियो-कियो थियो?

1 कुरिन्थियों 12:19

जे से बादे अंग ऐक ही अंग हंदे, तअ देह्-शरीर कैऐ-कैऐ बंण्दी थी?

1 कुरिन्थियों 12:24

जबे के अमाँरे शुभाल़े अंग के ईन्दें के किऐ जरूरत ने आथी। परह् प्रभू पंणमिश्वर देह्-शरीर दे ऐक नाँम अंग ऐशे बंणाऐं थुऐ, के तुछ़ छुटे अंगों खे भे आदर भेटो।

1 कुरिन्थियों 12:28

कलीसिया दे पंणमिश्वरे ज़ई-ज़ई आदमी चुणी थुऐ: आगें प्रभू यीशू के खास-चैले, दुज़े ऋषी, चीज़े शिक्क्षा देणों वाल़े, अरह् तिनू पाछ़ी शक्त्तिशाली काँम-काज़ चंगा कर्णो वाल़े, भलाई कर्णो वाल़े, अरह् अगुवाही कर्णो वाल़े, अरह् साँत्त-भाँती अंण-जाँण भाषा बुल्णों वाल़े।

1 कुरिन्थियों 15:38

परह् पंणमिश्वर आप्णी ही हिछ़या के मुँताबिक तेस्खे देह्-शरीर दियों, अरह् ऐक नाँम बीज़ो खे तिनका ही ऐक खास सरूप दिया ज़ाँव।

1 कुरिन्थियों 3:5

अपुल्लोस कुँण असो? अरह् पौलुस का असो? सिर्फ पंणमिश्वर के दास, जिनके जाँणें तुँऐं बिश्वाष करा, जैष्णी के सेवा कर्णो के जुम्मेबारी प्रभू ऐ आँमों खे दिती।

इफिसियों 1:5

तिन्ऐं प्यार के जाँणें आप्णी आच्छ़ी हिछ़या के मुँताबिक शुरू दो ही ढाणी थुओं थियों, के आँमों यीशू मसीया के जाँणें तिनके गोद लुऐ बैटे बंण्दे;

इफिसियों 1:9

किन्देंखे के तिन्ऐं आप्णी हिछ़या का भेद् तेसी भले हिछ़या के जाँणें आँमों कैई बुला, जेसी से मसीया के जाँणें आँमों कैई शा देखाणा चहाँव थिऐ।

प्रकाशितवाक्य 4:11

“हे अमाँरें प्रभू अरह् पंण्मिश्वर: तू ही बड़ियाऐ अरह् आदर अरह् शक्त्ति ज़ूगा असो; किन्देंखे के तुँऐं ही बादी चींजो सिर्जी, अरह् बंणाँई, से तुँवारी ही हिछ़या शी थी, अरह् सिर्जी गई।”