1 कुरिन्थियों 11:26 - Sirmouri

²⁶ किन्देंखे के जबे कद्दी तुँऐं ऐजी रोटी खाँव, अरह् ऐसी बैलुऐ, शो पीयों, तअ प्रभू की मंऊत जाँव तोड़ी से आपु ने आँव प्रचार कर्दें रूऐ।

सिरमौरी नौवाँ नियम

²⁶ हर सौमय जोबै तुऐं ऐजी रोटी खालै औरौ ऐसी छानै पौरैशौ अंगूर का रस पिलै, तौ प्रभु कै मौत खै जांव तौड़ी सै ना आंव, तुऐं प्रचार कौरौ।

1 कुरिन्थियों 11:26 ပူးပေါင်းရင်းမြစ်များ

यूहन्ना 14:3

तेथै ज़ाऐयों हाँव तुओं खे जागा तियार करियों, हजो पाछ़ू आँऊबा; अरह् तुओं भे आप्णी गंईलो तेथै नींह्ऊँबा जेथै हाँव असो, अरह् तबे तुऐं भे मेरी गंईलो तैथी ही रंह्ले।

यूहन्ना 21:22

प्रभू यीशू ऐ तेस्खे बुलो, “जे हाँव चहाँऊ, के ऐ मेरी आँणों तोड़ी ईथै रंह्, तअ तेरे ईन्दे शो का लोणों? तू मुँह पाछी चाल।”

यूहन्ना 21:23

ईन्देंखे बिश्वाषी भाऐ-बंईणों मुँझी सेजी बात फऐली गऐ, के ऐजा चैला कंद्दी ने मंर्दी, तबे भे प्रभू यीशू ऐ तेस्खे ऐजो ने बुली; के तू कंद्दी ने मर्दी; परह् तिन्ऐ ऐजो बुलो, के “जे हाँव चहाँऊ, के ऐ मेरे पाछू आणों तोड़ी ईथी रंह्दा, तअ तेरे ईन्दें शो का लणों?”

प्रेरितो कै काम 1:11

अरह् तिनखे बुल्दे लागे, “ओ गलीली मंर्दो! तुँऐं खह्ल़ियों अस्माँनों की ढबे कैई देखी लों? सेजा ही प्रभू यीशू जिनू तुवाँरे बीच शे ऊँबे स्वर्गो दे थागी थुऐ; तिनू तुऐं ऐष्णें ही स्वर्गो शे हजो ऊँदे आँदे भे देख्ले, जेष्णें तुऐं तिनू स्वर्गो दे ऊँबे ज़ाँदे देखी थुऐ।”

1 कुरिन्थियों 15:23

परह् ऐक नाँम आप्णी बारी शे: आगला फल़ मसीया, तबे मसीया के आँणों गाशी तिनके लोग हंदे।

1 कुरिन्थियों 4:5

ईन्देंखे जाँव तोड़ी प्रभू ने आँव, तेसी बख्तो शा आगे कोसी भी बातो का नियाँव ने करे: किन्देंखे के से ईनाँरे दी दब्बी अंदी बातो आपु पियाशै दी दे:खाले, अरह् आदमी के मंन के बिचार भे आपु पर्गट कर्लें, तबे पंणमिश्वर की ढबे शी ऐकी नाँमों के बड़ियाऐ हली।

1 थिस्सलुनीकियों 4:16

किन्देंखे के प्रभू आपु ही स्वर्गो शे ऊदे आँदे; तेसी बख्ते लेल्लापूर, अरह् मुँख्या दूत का शब्द शुँणाई पड़दा, अरह् पंण्मिश्वर की तूरी फूकरी ज़ाँदी; अरह् जू मसीया दे मँरी रूऐ, सेजे ही आगे ऊबे जीऊँदे।

2 थिस्सलुनीकियों 1:10

ऐजो तेसी देसे होंदो, जबे से आप्णे पबित्र लोगो शी बड़ियाऐ अरह् बादे बिश्वाष कर्णें वाल़े मुँझ़ी हेरानी के कारण आँदे; किन्देंखे के तुँऐं अमाँरी गुवाह्-शाज़्त्त गाशी बिश्वाष करा।

इब्रानियों 9:28

तेष्णा ही मसीया भे भहीते के पापो थागणों खे ऐकी बई बल़ीदाँण हुऐ, अरह् जुण्जे लोग तिनकी बाट-बाट जुहों, तिनके पाप के छ़ुट्कारे खे, हजो से दुज़ाल़िऐ बिना पाप के थागी देखाई पड़्दे।

2 पतरस 3:10

परह् प्रभू को देस चुप्पी चोर जिया आँदा, तेसी देसे अस्माँनों दी बैजाऐ बैशुमाँर-बड़ी-बडी गुड़ाको लई अस्माँन लुप्त होंदो, अरह् अस्माँनों के ग्रह्-पीन्ड आगी लई पगल़ी ज़ाँदे, अरह् धर्ती अरह् धर्ती गाष्ली बादी चींजो अरह् काँम-काज़ जल़ी ज़ाँदी।

1 यूहन्ना 2:28

हे प्यारे नहाँन्ड़िया, तिन्दी पाक्के बंणें अंदे अट्ल़ रूऐ, के जबे प्रभू पर्गट हों, तअ आँमें निडर हुऐ चेंई, अरह् तिनके आँव्णों गाशी आँमें शर्मिन्दें ने हुऐ चेंई।

यहूदा 1:14

हनोक ऐ भे जू आदम शी साँत्तवें पीड़ी-गड़ी का थिया, तिनके बारे दी ऐजी बरंम्बाणीं करी, “दे:खो, प्रभू आप्णें लाखो पबित्रों की गईलो आया,

प्रकाशितवाक्य 1:7

देखो, से बाद्ल़ो आरी आँणों वाल़े असो, अरह् ऐक नाँम आँख तिनू देख्ली, परह् जिन्ऐं तिनू भिने थिऐ, से भे तिनू देख्लें, अरह् संईसारी-धर्ती के बादे कुल़ो के आदमी रूऐयों आप्णी-आप्णी छ़ाती-हिकुड़े पिट्ले। ऐष्णों जरूर हंदों। आमीन!

प्रकाशितवाक्य 22:20

ईनू बातो की गुवाऐ-शाज़्त्त देणों वाल़ा ऐजो बुलो, “हाँव जरूर शीघा ही आँदा लागा।” आमीन! हे प्रभू यीशू आओ!