1 कुरिन्थियों 10:16 - Sirmouri

¹⁶ सेजा धन्यबाद का बैलुवा जिन्दे गाशी आँमें धन्यबाद करह्; कियों से मसीया के लह्ऊँ दी हिस्सेदारी आथी ने? अरह् सेजी रोटी जिनू आँमें च़ुड़ियों आपु मुँझी बाँडों, कियो से मसीया की देह्-शरीर की हिस्सेदारी आथी ने?

सिरमौरी नौवाँ नियम

¹⁶ जोबै आमै यीशु मसीह कै मौत खै याद कौरणौ कारिए कौठै हौंव, तौ आमै छानै पौरैशौ अंगूर कौ रस पियौं, जिथकारिए आमै पौरमेशवर खै धन्यवाद दैय राए औरौ आमै तियौं रोटी खै बै खोऊं जू टुकड़ो दै तौड़ै राए। ऐजी ऐक याद औसौ कै आमै मसीह खै लोऊ औरौ शोरीर शै जू आर्शीवाद आंव तियौं साझैदारी दै शामिल होए रै।

1 कुरिन्थियों 10:16 ပူးပေါင်းရင်းမြစ်များ

लूका 22:17

तबे प्रभू यीशू ऐ अंगूरोह् के रंस शा भरा अंदा बैलुवा करा, अरह् प्रार्थना करियों धन्यबाद देऐयों बुलो, “ऐथू आगू करह्, अरह् आपु मुँझी बाँडी पाव।”

प्रेरितो कै काम 2:42

तबे: सेजे बादे लोग खास-चैले की शिक्षा शुँण्दें, अरह् संत्त-संग दे आँदे; अरह् प्रभू भोज की रोटी खाँदे; अरह् प्रार्थना कर्दे लींन-मंगन रंह्दे लागे।

प्रेरितो कै काम 2:46

सेजे बादे बिश्वाषी लोग रोज ऐक मंन हऐयों देऊँठी दे कट्ठै हों थिऐ, अरह् घरह्-घरह् प्रभू भोज की रोटी खाँव थिऐ; अरह् से खुशी-आँनन्द मंनाँव थिऐ; अरह् नींष-कपट् मंन शो से बादे झोणें साथी भोजन करह् थिऐ।

प्रेरितो कै काम 20:11

तबे: संत्त-पौलुस पाछू ऊबा आया, रोटी खाई; अरह् तबे से लोगों आरी हजों पंह्लदा लागा, अरह् ऐत्ते ज़ुगा पह्ला के बियाँणीं तोड़ी बुल्दा ही रूवा; अरह् देस आँणों गाशी से तेथै शा तबे आगू हुटा।

प्रेरितो कै काम 20:7

संह्पता के आगले देसे जबे आँमें रोटी खाँदें कठै हऐ रूऐ थिऐ, तअ संत्त-पौलुस जुण्जा दुज़ै का ज़ाणों वाल़ा थिया; तेने बिश्वाषी भाऐ-बंईणों कैई शी पंण्मिश्वर के बचन के बारे दी चर्चा करी लंऐ थी: अरह् से आधी रात्ती तोड़ी तिनू सोभी आरी पंह्ली रूऐ थिऐ।

1 कुरिन्थियों 1:9

पंणमिश्वर बिश्वाष कर्णो ज़ूगा असो जिन्ऐं तुँओं आप्णे बैटे अमाँरे प्रभू यीशू मसीया की संगत्ति दे बऐदी थुऐ।

1 कुरिन्थियों 10:15

हाँव तुँओं खे बुद्धिमाँन जाँणियों ऐजो बुलू: के जू किऐ हाँव बुलू तेथू तुँऐं जाँचों अरह् पर्खो।

1 कुरिन्थियों 12:13

किन्देंखे के आँमें सभिऐं भाँव यहूदी भाँव यूनानी, भाँव दास भाँव अजाद, ऐकी पबित्र-आत्त्मा के जाँणें ऐक देह्-शरीर हंणों खे नहाँण-नहाँऐं थो, अरह् आँमों सोभी कैई शी ऐक ही आत्त्मा पियाऐं थऐ।

इब्रानियों 3:14

किन्देंखे के आँमें बिश्वाष दे मसीया के हिस्सेदार हऐ रूऐ, जे आँमें आप्णे आगले भुर्षे गाशी आखरी तोड़ी पाक्कै हऐयों अट्ल़ रंह्।

1 यूहन्ना 1:3

जू किऐ आँमें दे:खो, अरह् शुणी थुओ, तिन्दे की खुषख्बरी तुँओं खे भे दियों, ईन्देंखे के तुँऐं भे अमाँरी गईलो अमाँरे साजी बंणों; अरह् अमाँरो ऐजो साथ सर्गो के परमं-पिता पंण्मिश्वर अरह् तिनके बैटे प्रभू यीशू मसीया आरी असो।

1 यूहन्ना 1:7

परह् जे जैष्णें से प्रकाषो दे असो, तैष्णें ही आँमें भे प्रकाषो दे चालो, तअ ओका ओकी का साजी बंणों, अरह् पंण्मिश्वर के बैटे प्रभू यीशू को लह्ऊँ आँमों सोभी पापो शे शुद्ध करह्।