1 कुरिन्थियों 10:13 - Sirmouri

¹³ कुऐं ऐशी परख तुँओं गाशी ने पढ़ो, जुण्जी सोभी खे ऐक भाँत्ती ने हों, पंणमिश्वर बिश्वाष ज़ूगै असो; से तुँओं कोसी ऐशी परख दे ने पढ़णों दियों, जुण्जी परख तुँवारी सहणों जूगी ने हों, परह् से परख आरी तिन्दा का ऊपाया भे कर्दे; जू तुऐं सह्ऐन करी सको।

सिरमौरी नौवाँ नियम

¹³ पाप कौरणौ की इछाएं आमु सौबी कै धोरे जौरुर आंव पौरौ पौरमेशवर वफादार औसौ सै तुऔं ऐशै पौरखणौ कै छूट ना दैंदा जिंदै लौड़णौ दै तुऐं लायक ना आथी, बल्कि सै तुऔं सैजै शौकतै दैंदा ताकि तुऐं पाप शै बौचणौ दै काबिल रौए सौकौ।

1 कुरिन्थियों 10:13 ပူးပေါင်းရင်းမြစ်များ

मत्ती 6:13

आँमों पाप कर्णो की परख दे ने पाऐ, परह् बुराई पाप शे बंचाऐ; (किन्देखे के राज्य अरह् प्राकर्म अरह् बड़ियाऐं सदा-सदा तेरी ही असो।’ आमीन।)

लूका 11:4

अमाँरे पाप माँफ करह्, किन्देंखे के आँमें भे आप्णे अपराधी खे माँफ करह्, अरह् आँमों परख-अजमाँऐष दे ने पाऐ।”

लूका 16:26

ईन्दें के अलावा, अमाँरे अरह् तुवाँरे बीच दी ऐक नींगुऐ खाऐ असो; ईन्देंखे जे कुँऐं तुओं कैई पाँडो आँणों चहाँव, तअ से आऐ ने सक्दा, अरह् ना कुँऐ ऐथै शा आँडा आँमों कैई आऐ सक्दा।’

लूका 22:46

तबे प्रभू यीशू ऐ तिनखे बुलो, “कियो रे, सुत्ती रूऐ? ऊबे बीऊँजो, अरह् प्रार्थना करह्; के तुँऐं परिक्षा दे ने पड़ो।”

प्रेरितो कै काम 27:44

अरह् ओके बादे लोग फाटैके, के जहाँजों की ऊँकी चींजों के सहाँरे पाछ़े शे पाँडे आँव; तेबे आँमें बादे के बादे लोग पाँडे पाईले ढबै सुऐ करियों पंह्ऊँची गुऐ।

1 कुरिन्थियों 1:9

पंणमिश्वर बिश्वाष कर्णो ज़ूगा असो जिन्ऐं तुँओं आप्णे बैटे अमाँरे प्रभू यीशू मसीया की संगत्ति दे बऐदी थुऐ।

2 कुरिन्थियों 1:10

तिन्ऐ ही आँमों मऊँत्ती के मुँहों शे बचाऐं; अरह् तिन गाशी अमाँरा ऐजा भूर्षा असो, के से हजों भे आँमों बचाँदें रंह्दे।

1 थिस्सलुनीकियों 5:24

तुवाँरा बईद्णों वाल़ा साच्चा असो; अरह् से ऐष्णो ही करला।

2 थिस्सलुनीकियों 3:3

परह् प्रभू साच्चा, असो; से तुँओं बिल्कुल पाक्कै करदा, अरह् दुष्टो शे बंचाऐयों थोंदा।

2 तीमुथियुस 4:18

अरह् प्रभू मुँह ऐक नाँम बुरे काँम शा छुड़ाऐ देले; अरह् मुँह आप्णें स्वर्गो के राज्य दा सुवाँ करियों पंईचाल़ी देले; तिनकी ही बड़ियाऐ ज़ूगौ-ज़ूगौ दी हंदी रंह्। आमीन।

इब्रानियों 10:23

ऐबे आँमें बिना शंक-शुभे के आप्णाँ तेसी भूर्षे दे पाक्कै अट्ल़ रंह, जेसी आँमें धारण करी थुवा; किन्देंखे के जिन्ऐं बाय्दा करी थुवा, से बिश्वाष ज़ूगै असो।

इब्रानियों 11:11

बिश्वाष के कारण ही बुड़ापा आँणों गाशी भे बाबा-अब्राहम ऐ नहाँन्ड़िया हुवाँल़णों के शँक्त्ति पाऐ, अरह् तेस्की घरवाल़ी सारा भे शुँन्नीं थी; किन्देंखे के तेस्का ऐजा बिश्वाष थिया, के जेने मुँह आरी बाय्दा करी थुवा; से बिश्वाष ज़ूगा असो!

इब्रानियों 12:4

हेबी तोड़ी तुऐं आप्णें पाप शो लड़्दी बई आप्णों लह्ऊँ ने बुवाऐ थिंई।

इब्रानियों 6:18

परह् दो अट्ल़ बातो, के कारण, जिन्देके बारे दे पंण्मिश्वर झूठे बाँण्णें कठीण असो, किन्देखे के आँमों खे तिन्ऐं शंरण देऐ थंऐ, अरह् सेजा ही भोरषा पाक्का हंणों खे आँमो दीड़-हिम्मत्त भेंटो; जुण्जी दोऊँड़ अमाँरे सहाँम्णें तिन्ऐ थंऐ।

1 पतरस 4:19

ईन्देंखे जू पंणमिश्वर के हिछ़या के मुताबिक दु:ख भूगौ, से भलाऐ कर्दे आप्णे-आप्णे आत्त्मा विश्वाष ज़ूगे पय्दा कर्णो वाल़े के हाथो दे देऐ दियों।

2 पतरस 2:9

ऐशो दाँई प्रभू जाँणों ऐ के भगत्त लोग कैशे दाँई नियाँव के देसो तोड़ी बंचाऐंयों थहणें, अरह् दुष्ट लोग कैशे दाँई सजा पाँणों खे थहणें;

1 यूहन्ना 1:9

जे आँमें आप्णे पाप कबूल करियों मानी पाँव, तअ से अमाँरे पाप माँफ करियों अरह् आँमों सोभी अ-धर्मो शे शुद्ध कर्णो खे प्रभू यीशू बिश्वाष ज़ूगै अरह् धर्मी असो।

प्रकाशितवाक्य 19:11

तबे मुँऐ स्वर्ग खुलो अंदो देखो, अरह् का देखू के ऐक चीट्टा घोड़ा असो; अरह् तेसी गाशी ऐक अशवार असो, जू बिश्वाष ज़ूगा, अरह् साच्चो बुलो, अरह् से धर्म आरी नियाँव अरह् लड़ाऐ-ज़ूद्ध करह्।

प्रकाशितवाक्य 2:10

जुण्जे दु:ख्ह ताँव झेल़्णें पड़ले, तिन्दा डरे ने। किन्देंखे के देखो, शैतान तुँओं मुँझ शे किऐ कय्दखाने दे पाँणें चहाँव जू तुँओं जाँच्चें-पर्खे ज़ाँव; अरह् तुँओं दष देसो तोड़ी कल़ेष भोग्णाँ पड़ो। पराँण देणों तोड़ी बिश्वाषी रंह्, तअ हाँव ताँव्खे जीवन को मुँकुट-ताज देऊँबा।

प्रकाशितवाक्य 3:10

तुँऐं मेरे धीरज के बचन थाँबी थुऐ, ईन्देंखे हाँव भे ताँव र्पख्णों के बख्त्ते बंचाऐयों थंऊँबा, जू धर्ती गाशी रंहणों वाल़े र्पखोंदा अरह् बादी संईसारी गाशी आँणों वाल़ा असो।