1 कुरिन्थियों 1:9 - Sirmouri

⁹ पंणमिश्वर बिश्वाष कर्णो ज़ूगा असो जिन्ऐं तुँओं आप्णे बैटे अमाँरे प्रभू यीशू मसीया की संगत्ति दे बऐदी थुऐ।

सिरमौरी नौवाँ नियम

⁹ पौरमेशवरे आपणै बैटै, प्रभु यीशु मसीह कै साथै आमु एकजुट हौणौ कारिए चोणे राए, औरौ सै बिशवाश लायक औरौ वादै का पाका औसौ। इथकारिए तुऐं ऐजौ निशोंक हौयौ जाणै सौकौ कै सै तोंवारै खातिर आपणा वादा पूरा कौरदा।

1 कुरिन्थियों 1:9 ပူးပေါင်းရင်းမြစ်များ

मत्ती 24:35

अस्माँन अरह् धर्ती टल़ी ज़ाली, परह् मेरी बातो कद्दी ने टल़्दी।

यूहन्ना 17:21

हे बाबा! ऐजे बादे झुणें ऐक हों; जेष्णें तुऐं मुँह्दे, अरह् हाँव तुओं दा; तेष्णें ही ऐ बादे झुणें, आँमों आरी ऐक हों; जिन्दें लंई ऐजी संईसारी बिश्वाष करह्, के मुँह डेयाल़्णों वाल़े तुँऐं ही असो।

रोमियों 11:17

जे किऐं डाल़ी च़ूड़ियों ज़ई करी थंई, अरह् तुँऐं लोग जू बाड़ूई तेरमोंल़ी जेष्णें असो, अरह् जे तुँवारी तिनू डाल़ी के जागें दी कलंम लाईली, जू तुँऐं भे तेरमोंल़ी के पाचै तेरमोंल़ों के हिस्सेदार बंणों।

रोमियों 8:28

आँमें जाँणोंऐं के जू लोग पंणमिश्वर शो पियार करह्, तिनखे बादी बातो मीलियों भलाऐ पय्दा करह्; मतल्व तिनही खे जू तिनकी हिछ़या के मुँताबिक शे बय्दी थुऐ।

रोमियों 8:30

तबे जिनू आगे ही बंणाऐं थुऐ, तिनू बय्दी भे थुऐ; अरह् जिनू बय्दी थुऐ, तिनू आप्णी नंजरी दे बेकसूर भे बंणाऐं, अरह् जिनू आप्णी नंजरी दे बै-कसूर बंणाऐं तिनखे बड़ियाऐं भे दिती।

रोमियों 9:24

मतल्व आँमों गाशी; जिनू तिन्ऐ सिर्फ यहूदियों ही मुझ्षे ने, परह् गऐर यहूदी मुँझ्शे भे बय्दी थुऐ।

1 कुरिन्थियों 1:30

परह् तेस्की ही ढबे शे तुँऐं मसीया यीशू के असो, जू पंणमिश्वर की ढबे शा आँमों खे ज्ञाँन बंणा, मतल्व धर्म, अरह् पबित्रता, अरह् मुँक्त्ति;

1 कुरिन्थियों 10:13

कुऐं ऐशी परख तुँओं गाशी ने पढ़ो, जुण्जी सोभी खे ऐक भाँत्ती ने हों, पंणमिश्वर बिश्वाष ज़ूगै असो; से तुँओं कोसी ऐशी परख दे ने पढ़णों दियों, जुण्जी परख तुँवारी सहणों जूगी ने हों, परह् से परख आरी तिन्दा का ऊपाया भे कर्दे; जू तुऐं सह्ऐन करी सको।

1 कुरिन्थियों 10:16

सेजा धन्यबाद का बैलुवा जिन्दे गाशी आँमें धन्यबाद करह्; कियों से मसीया के लह्ऊँ दी हिस्सेदारी आथी ने? अरह् सेजी रोटी जिनू आँमें च़ुड़ियों आपु मुँझी बाँडों, कियो से मसीया की देह्-शरीर की हिस्सेदारी आथी ने?

2 कुरिन्थियों 1:18

पंण्मिश्वर साच्चा गुवाह्-शाज़्त असो, के अमाँरे तेसी बचन दा जू तुँओं कैई बुला गुआ, के “हाँ” अरह् “नहाँ” दुईनें ने हई चेंई।

गलातियौं 1:15

परह् पंण्मिश्वर ऐं जिन्ऐं मुँह माँई खी कुँखी शा ही मुँह छाँटी-चूणी थुवा थिया, अरह् आप्णी कृपा शा बय्दी थुवा;

गलातियौं 2:20

किन्देंखे के मुँह मसीया की गईलो शुँल़ी-फ़ाँशी चड़ाया गुआ, परह् ऐबे हाँव जीऊँदी ने आथी, परह् मसीया मुँह्दें जीऊँदी असो; अरह् हाँव देह्-शरीर दा ऐबे जू जीऊँदा असो, तअ सिर्फ तेसी बिश्वाष दा जीऊँदा असो; जू पंण्मिश्वर के बैटे गाशी असो, जिन्ऐं मुँह शो पियार करह्; अरह् मेरी ताँईऐं आप्णी जीयाँन दिती।

इफिसियों 3:6

सेजा गुप्त भेद् ऐजा असो, के खुषख्बरी के जाँणें यहूदियों की गईलो गऐर यहूदी लोग भे पंण्मिश्वर के राज्य के बारीस, अरह् पुरे हंकदार बंणी गुऐ; अरह् से दुन्ने ड़ूंग ऐक ही देह्-शरीर का अंग असो, अरह् प्रभू यीशू मसीया के जाँणें करे गुऐ बाय्दे के साथी बंणें।

कुलुस्सियों 1:24

ऐबे हाँव तिनू दु:खो के जाँणें आँनन्द करू, जू हाँव तुँवारी ताँईऐं ऊठाऊँ; मसीया ऐ आप्णी देह्-शरीर मतल्व कलीसिया की ताँईऐं जू दु:ख भोगी थुवा, तिन्दी जुण्जी किऐ कंम्मीं-पैशी रंऐ रई, हाँव तियों आप्णी देह्-शरीर दी पुरी करूबा।

1 थिस्सलुनीकियों 2:12

के तुँवारी चाल-ढाल पंण्मिश्वर ज़ूगी हों, जुण्जे तुँओं आप्णे राज अरह् बड़ियाई खे बईदो।

2 थिस्सलुनीकियों 2:14

जिन्दे खे तिन्ऐ तुँओं अमाँरी खुषख्बरी खे बय्दी थुऐ, के तुँऐं अमाँरे प्रभू यीशू मसीया दे बड़ियाऐं पाँव।

2 थिस्सलुनीकियों 3:3

परह् प्रभू साच्चा, असो; से तुँओं बिल्कुल पाक्कै करदा, अरह् दुष्टो शे बंचाऐयों थोंदा।

2 तीमुथियुस 1:9

जिन्ऐं आँमों खे छ़ुट्कारा दिता, अरह् पबित्र बुलावे लंई बईदे, ऐष्णों अमाँरी काँम-काज़ के कारण ने हई; परह् तिनके ईरादे अरह् तेसी कृपा के मुँताबिक असो, जू मसीया यीशू के कारण ज़ूगौ-ज़ूगौ शा ऊँबा आँमों गाशी हुआ।

2 तीमुथियुस 2:13

आँमें भाँव बंईमाँन भे बंणों: तबे भे से ईमाँनदार असो, किन्देंखे के से आप्णा स्वभाव ने बंद्ल़ी सक्दे।

तीतुस 1:2

तेसी अमर हणों के भुर्षे गाशी, जिन्देका बाय्दा पंण्मिश्वर ऐ, करा जू झूठो ने बुली सक्दा, तेने ज़ूगौ-ज़ूगौ शा करी थुवा।

इब्रानियों 10:23

ऐबे आँमें बिना शंक-शुभे के आप्णाँ तेसी भूर्षे दे पाक्कै अट्ल़ रंह, जेसी आँमें धारण करी थुवा; किन्देंखे के जिन्ऐं बाय्दा करी थुवा, से बिश्वाष ज़ूगै असो।

इब्रानियों 11:11

बिश्वाष के कारण ही बुड़ापा आँणों गाशी भे बाबा-अब्राहम ऐ नहाँन्ड़िया हुवाँल़णों के शँक्त्ति पाऐ, अरह् तेस्की घरवाल़ी सारा भे शुँन्नीं थी; किन्देंखे के तेस्का ऐजा बिश्वाष थिया, के जेने मुँह आरी बाय्दा करी थुवा; से बिश्वाष ज़ूगा असो!

इब्रानियों 2:17

ईन्दीखे हर ऐक ढंग शो प्रभू यीशू मसीया खे ऐष्णों जरूरी ही थियों, के से भी आप्णें भाऐ-बंईणों जेष्णें ही बंणों; के सोभी की पापों की ताँईऐ से पंस्ताँवे कर्णो खे आप्णा बंल़ीदाँण करियों, पंण्मिश्वर के सहाँम्णें कृपा कर्णो वाल़ा, अरह् बिश्वाष ज़ूगा महाँ-याजक बंणीं ज़ाँव।

इब्रानियों 3:1

ईन्देंखे हे, पबित्र भाऐ-बंईणों तुँऐ जुण्जे स्वर्गो दे बईदी थुऐ, अरह् तुऐं स्वर्गो के हिस्सेदार असो; तेसी जुण्जा पंण्मिश्वर ऐं डेयाल़ा, तेसी महाँ-याजक प्रभू यीशू गाशी जिनकी आँमें माँनता करह्, तिनका ख्याल करिया करह्।

इब्रानियों 3:14

किन्देंखे के आँमें बिश्वाष दे मसीया के हिस्सेदार हऐ रूऐ, जे आँमें आप्णे आगले भुर्षे गाशी आखरी तोड़ी पाक्कै हऐयों अट्ल़ रंह्।

इब्रानियों 6:18

परह् दो अट्ल़ बातो, के कारण, जिन्देके बारे दे पंण्मिश्वर झूठे बाँण्णें कठीण असो, किन्देखे के आँमों खे तिन्ऐं शंरण देऐ थंऐ, अरह् सेजा ही भोरषा पाक्का हंणों खे आँमो दीड़-हिम्मत्त भेंटो; जुण्जी दोऊँड़ अमाँरे सहाँम्णें तिन्ऐ थंऐ।

1 पतरस 5:10

ऐबे पंणमिश्वर जू बादी कृपा का दाता असो, जिन्ऐं तुँओं मसीया दे आप्णी सदा की बड़ियाऐ खे बय्दी थुऐं, तुवाँरे ऐगड़ी खे दु:ख भूगणों पाछ़ी, आपु ही तुँओं साचे-पाके अरह् तागतबर कर्ले।

1 यूहन्ना 1:3

जू किऐ आँमें दे:खो, अरह् शुणी थुओ, तिन्दे की खुषख्बरी तुँओं खे भे दियों, ईन्देंखे के तुँऐं भे अमाँरी गईलो अमाँरे साजी बंणों; अरह् अमाँरो ऐजो साथ सर्गो के परमं-पिता पंण्मिश्वर अरह् तिनके बैटे प्रभू यीशू मसीया आरी असो।

1 यूहन्ना 1:7

परह् जे जैष्णें से प्रकाषो दे असो, तैष्णें ही आँमें भे प्रकाषो दे चालो, तअ ओका ओकी का साजी बंणों, अरह् पंण्मिश्वर के बैटे प्रभू यीशू को लह्ऊँ आँमों सोभी पापो शे शुद्ध करह्।

1 यूहन्ना 4:13

ईन्दें लई ऐजो जाणी ज़ाँव के आँमें तिन्दा अरह् से आँमों दा बास करह्; किन्देंखे के तिन्ऐं आप्णी आत्त्मा आँमों खे देऐ थऐ।

प्रकाशितवाक्य 19:11

तबे मुँऐ स्वर्ग खुलो अंदो देखो, अरह् का देखू के ऐक चीट्टा घोड़ा असो; अरह् तेसी गाशी ऐक अशवार असो, जू बिश्वाष ज़ूगा, अरह् साच्चो बुलो, अरह् से धर्म आरी नियाँव अरह् लड़ाऐ-ज़ूद्ध करह्।