1 कुरिन्थियों 1:30 - Sirmouri

³⁰ परह् तेस्की ही ढबे शे तुँऐं मसीया यीशू के असो, जू पंणमिश्वर की ढबे शा आँमों खे ज्ञाँन बंणा, मतल्व धर्म, अरह् पबित्रता, अरह् मुँक्त्ति;

सिरमौरी नौवाँ नियम

³⁰ पौरौ पौरमेशवरे तुऔं मसीह यीशु कै साथै एकजुट कौरे राए, औरौ मसीह कै दवारा सै आमु आपणा ज्ञान दैंव। पौरमेशवर बै आमु तैसकै नज़र दै धरमी बाणौ। मसीह कै दवारा आमु पवित्र बाणै जांव औरौ सै आमु पापौ शै आज़ाद कौरौ।

1 कुरिन्थियों 1:30 ပူးပေါင်းရင်းမြစ်များ

मत्ती 1:21

तियाँरे बैटा हंदा, अरह् तू तेस्को नाँव यीशू थुऐ, किन्देंखे के से आप्णें लोगो खे तिनके पापो शी छुट्कारा दियादा।”

लूका 11:49

ईन्देंखे पंण्मिश्वर की ज्ञाँन-बुद्धी ऐ ऐजो बुलो; हाँव तिन कैई ऋषियो, अरह् खास-चैले डियाल़ूबा; अरह् से तिन मुझ्के कंई लोगो के हंत्त्या कर्ले, अरह् कंई गाशी आप्णा अंत्त्याचार करियों सताले।

लूका 21:15

किन्देंखे के हाँव तुँओं खे ऐशो बुलू, के हाँव तुँओं खे ऐशा बोल, अरह् ज्ञाँन-बुद्धी देऊँबा के तुवाँरा बिरूध कर्णों वाल़ा; भे तुवाँरा किऐ बिरूध ने करी सको।

यूहन्ना 1:18

पंण्मिश्वर कुँणिऐं ने देखी थंई; सिर्फ पंण्मिश्वर के ऐक्लोत्ते बैटे ऐं ही देखी थुवा; जुण्जा आप्णें बाबा की हंगाल़ी दा असो, तेने ही पंण्मिश्वर पर्गट करा।

यूहन्ना 14:6

प्रभू यीशू ऐ तेस्खे जबाब दिता, “हाँव ही बाट्, सच्चाऐ अरह् जीवन असो; मेरे बीना कुँऐ भे बाबा कैई ने ज़ाँऐ सक्दा।

यूहन्ना 17:26

मुँऐ तुओं तिनू गाशी पर्गट करी पाऐ, अरह् पर्गट करदा रंह्ऊँबा; के जेसी प्यार शो तुऐं मुँह आरी प्यार करी थों, तेष्णों ही प्यार तिन मुँझीं भे बंसी ज़ाँव, अरह् हाँव भे तिन दा बास करू।”

यूहन्ना 17:8

किन्देंखे के तुओं कैई शी भेंटी अंदी, अज्ञाँऐं मुँऐं तिनखे देऐ थंई; अरह् तिन्ऐ सेजी अज्ञाँ धारण करी थई, अरह् खास करियों ऐजो भे सोत्तिखे जाँणीं पाव; के हाँव तुंओं कैई शा आऐ रूवा, अरह् तिन्ऐं ऐजा भे बिश्वाष करी थुवा; के तुऐं ही मुँह डेयाल़्णों वाल़े असो।

यूहन्ना 8:12

प्रभू यीशू ऐ हजो लोगो खे बुलो, “संईसारी खे ज्योंत्ति-प्रकाष हाँव असो; जुण्जा मुँह पाछी आला से ईनाँरे दा ने हाँड्दा, किन्देंखे के जीवन का प्रकाष ज्योत्ति हमेशा खे तेसी आरी रंह्दी।”

प्रेरितो कै काम 26:18

हाँव तिनकी आखी खोल्णों खे, तिनू ईनाँरे शे ज्योत्ति की ढंबै फ़ेर्णो खे; मतल्व शैतान की शक्त्ति शे दुर्के करियों; पंण्मिश्वर की ढबै कर्णो खे, ताँव तिन कैई डेयाल़ूबा; जिन्दें लंई से मुँदा बिश्वाष कर्णो के कारण आप्णें पापों की माफी पाँव, अरह् पबित्र करे अंदे भगत्तों आरी से भे मीरास पाँव।’

रोमियों 1:17

किन्देंखे के पंणमिश्वर के नंजरी दें लोग बै-कसूर बंणाँऐं गुऐं, यीशू मसीया की खुषख्बरी लई: जू बिश्वाष शी पर्गट हों; जेष्णों लिखी थो, “बिश्वाष शा पंणमिश्वर की नंजरी दा बै-कसूर ज़ण जीऊँदा रंह्दा।”

रोमियों 11:36

किन्देंखे के तिनकी ही ढबे शे, अरह् तीनी ही के जाँणें, अरह् तीनी हीं खे ही सब-कुछ असो। तिनकी बड़ियाऐ ज़ूगौ-ज़ूगौ दी हंदी रंह्: आमीन!

रोमियों 12:5

तेष्णें ही आँमें जू बैजाऐ भहिते असो, से मसीया दे ऐक ही देह्-शरीर अरह् ओका ओकी का अंग असो।

रोमियों 16:11

मेरे कुड़्बे के हेरोदियोन खे, नमंष्कार। नरकिस्सुस के घराने के जू लोग प्रभू दे असो, तिनखे नमंष्कार।

रोमियों 16:7

अन्द्रुनीकुस अरह् यूनियास खे जू मेरे कुड़्बे के असो, अरह् मेरी गईलो कय्द हुऐ थिऐ, अरह् प्रभू यीशू के खास-चेलै मुझी माँने-गीणें असो, अरह् मुँह शे आगे मसीही बंणें थिऐ, नमंष्कार।

रोमियों 4:25

तिनू अमाँरे अपराध की ताँईऐं थंम्ब्ड़ाऐ गुऐ, अरह् आँमों पंणमिश्वर की नंजरी दे बै-कसूर बंणाँणों की ताँईऐं ऊबे जीयाल़े भे गुऐ।

रोमियों 4:6

ऐशा ही दाँई राजा दाऊद भी तेसी आदमी खे भागोईत बुलो; जेस्खे बिना काँम-काज़ के पंणमिश्वर आप्णी नंजरी दा बेकसूर बंणाँव:

रोमियों 5:19

किन्देंखे के जेष्णाँ ऐकी आदमी की अज्ञाँ ने माँन्णों के जाँणें बेजाऐ लोग पापी बंणे, तेष्णें ही ऐकी आदमी की अज्ञाँ माँन्णों शे बेजाऐ लोग पंणमिश्वर की नंजरी दे बै-कसूर बंणे।

रोमियों 5:21

ऐशे दाँई पाप मऊँती के जाँणें राज्य करदा रूवा, परह् अमाँरे प्रभू यीशू मसीया के जाँणें, आँमों पंणमिश्वर की नंजरी दे बै-कसूर बंणाँऐंयों आप्णा राज्य की शुरूवात करले अरह् आँमों अमर-जीवन तोड़ी नींले।

रोमियों 8:1

तअ: ऐबे जू मसीया यीशू के असो, तिनू् गाशी पंणमिश्वर की सजा के अज्ञाँ ने आथी। (किन्देंखे के से देह्-शरीर के मंन की बुरी हिछ़ा शे ने, परह् पबित्र-आत्त्मा की हिछ़ा शे चालो।)

रोमियों 8:23

अरह् सिर्फ सेही ने, परह् आँमें भे जिन कैई पबित्र-आत्त्मा का आगला फल़ असो, आँमें भे सासो ऊदे ही सीटो; अरह् गोद् लणों की, मतल्व आप्णी देह्-शरीर के छुट्कारे की बाट जुओं।

रोमियों 8:9

जे पंणमिश्वर की आत्त्मा सत्तिखे तुँओं दा बास करह्, तअ तुँऐं आप्णें पाप वाल़े सुभाव के मुताबिक ने, परह् पबित्र-आत्त्मा के मुताबिक जींयों। अरह् जेसी आदमी दी मसीया की आत्त्मा ने बस्दी से मसीया का जंण ने आथी।

1 कुरिन्थियों 1:2

पंणमिश्वर की तियों कलीसिया खे जुण्जी कुरिन्थिस नगर दे असो, मतल्व तिनखे भे जुण्जे मसीया यीशू दे पबित्र करे गुऐ, अरह् पबित्र हंणों खे बईदे गुऐ; अरह् तिनू सोभी खे भे जुण्जे हर जागें दी अमाँरे प्रभू अरह् तिनके प्रभू यीशू मसीया के नाँव शी प्रार्थना करह्।

1 कुरिन्थियों 1:24

परह् जू बईदे अंदें असो, भाँव यहूदी भाव यूनानी, तिनखे मसीया पंणमिश्वर की शक्त्ति अरह् पंणमिश्वर का ज्ञाँन असो।

1 कुरिन्थियों 12:18

परह् सत्तिखे पंणमिश्वर ऐक नाँम अंग आप्णी हिछ़या शे ऐक-ऐक करियों, देह्-शरीर दे थऐ थुऐं।

1 कुरिन्थियों 12:27

तेष्णें ही तुँऐं बादे मीलियों मसीया की देह्-शरीर असो, अरह् ज़ई-ज़ई तिनके अंग असो;

1 कुरिन्थियों 12:8

जैष्णी के ऐकी खे पबित्र-आत्त्मा के जाँणें बुद्धी की बातो देंई, अरह् ओकी खे तियों ही पबित्र-आत्त्मा के जाँणें ज्ञाँन की बातो देई ज़ाँव।

1 कुरिन्थियों 4:15

किन्देंखे के जे मसीया दे तुवाँरे शिखाँणों वाल़े, दष हजार लोग भे हंदें, तबे भे तुवाँरे बाबा कऐयों ने हंदी थी; ईन्देंखे के मसीया यीशू दे खुषख्बरी के जाँणें हाँव तुवाँरा आत्त्मिक बाबा बंणी रूवा।

1 कुरिन्थियों 6:11

अरह् तुँओं मुझी ऐष्णें बेजाऐ थिऐ, परह् ऐबे तुँओं प्रभू यीशू मसीया के नाँव शे, अरह् अमाँरे पंणमिश्वर की आत्त्मा शे धुऐ गुऐ, अरह् तुँऐं पबित्र हुऐ अरह् पंणमिश्वर की नंजरी दे बै-कसूर बंणें।

2 कुरिन्थियों 12:2

हाँव मसीया का ऐक भगत्त जाँणू, जेसी च़ौऊँदो साल आगे च़ींज़ै स्वर्गो तोड़ी ऊबा टीपा गुवा; देह्-शरीर दा के बिना देह्-शरीर का; ऐजो हाँव ने जाँण्दा, परह् पंण्मिश्वर जाँणों।

2 कुरिन्थियों 4:6

किन्देंखे के पंण्मिश्वर ही असो, जिन्ऐं बुलो, “ईनाँरें मुँझ्शी ज्योत्ति-चंम्को,” अरह् सेही अमाँरे सासो दी चंम्की, के पंण्मिश्वर की बड़ियाऐ की पंछ़याँण की चंम्क यीशू मसीया के मुँख्ड़े शी प्रकाषमाँन हऐ।

गलातियौं 1:4

तिन्ऐ ही आपु-आप्खे अमाँरे पापो की ताँईऐं देऐ दिता, के जू कुँऐं अमाँरे पंण्मिश्वर के हिछ़या, के मुताबिक आँमों ईयों बुरी संईसारी शे छुड़ाऐ दियों।

गलातियौं 3:13

मसीया ऐ जिन्ऐं अमाँरी निरभागऐता के अब्ल़ी आपु गाशी लऐयों, मूसा खे भेटे गुऐ अज्ञा-निय्म के रित्ती के निरभागऐता शे आँमों छुडाऐ दिते। किन्देंखे के पबित्र ग्रन्थो दो लिखी थो; के जुण्जा “काठो गाशी टाँगा गुवा, से निरभाग असो!”

इफिसियों 1:10

पंण्मिश्वर का सेजा पलाण थिया के ठीक बख्त आँणों गाशी स्वर्गो की अरह् धर्ती गाशली बादी चींजो मसीया दी कंट्ठी करह्।

इफिसियों 1:14

से तिनके मोलै लुऐ अंदे छ़ुट्कारे खे अमाँरी जजाऐती का ऐक बियाना असो; के तिनकी बंड़ीयाई के संतुत्ति हों।

इफिसियों 1:7

अरह् तिनही दे आँमों खे बैजाऐ कृपा के मुँताबिक तिनके ही लंह्ऊँ के जाँणें छ़ुट्कारा अरह् अमाँरे अपराधों की माँफी भेटी।

इफिसियों 2:10

किन्देखे के पंण्मिश्वर ऐं अमाँरी रंचणाँ करी, अरह् तिन्ऐं प्रभू यीशू मसीया आरी बादी संईसारी की रंचणा करी; जिन्दें लंई आँमें सेजे बादे आच्छ़े काँम-काज़ पुरे कंर्दे रंह्, जुण्जे पंण्मिश्वर ऐ आगे ही आँमों खे तैयार करी थुऐ।

इफिसियों 4:30

पंण्मिश्वर की पबित्र-आत्त्मा दु:खी ने करे, जिन्दे लई तुँओं गाशी छुट्कारे के देसो खे छाप लाऐ थई।

इफिसियों 5:26

के तिनू बचन के जाँणें पाँणी के नहाँणों लेई शुद्ध करियों पबित्र बंणाऐं,

फिलिप्पियों 3:9

अरह् हाँव तिन्दा संमाँऐ ज़ाऊँ, के आप्णी तियों धार्मिक्त्ता आरी, जुण्जी अज्ञाँ-निय्म शी माँनी ज़ाँव; परह् तेसी धार्मिक्त्ता आरी, जुण्जें के मसीया दी बिश्वाष कर्णों के कारण असो; अरह् तेसी बिश्वाष लंई पंण्मिश्वर आँमों आप्णी नंजरी दे धर्मी बंणाँऐ दियों।

कुलुस्सियों 1:14

जिंन्दी आँमों खे छ़ुट्कारा मतल्व अमाँरे पापो के माँफी भेंटी।

कुलुस्सियों 3:16

मसीया की शिक्क्षा ठीक-ढंग शा तुँओं दा बास करह्, तुँऐं बड़ी सम्झदारी शे ओका ओकी खे शिक्क्षा अरह् ज्ञाँन देईया करह्; अरह् आप्णें-आप्णें मंन दा कृपा आरी पंण्मिश्वर का धन्यबाद देंदे-देंदे, तिनके भजन; सतुति अरह् आत्त्मिक गीत गाया करह्;

1 थिस्सलुनीकियों 5:23

शाँण्त्ति का दाता पंण्मिश्वर आपु ही तुँओं पुरी रित्ती शे पबित्र करह्; अरह् तुँवारी आत्त्मा अरह् जीयाँन-प्राँण अरह् देह्-शरीर अमाँरे प्रभू यीशू मसीया के आँणों तोड़ी शुरे-पुरे अरह् नीर्दोष आछे थों।

तीतुस 2:14

जिन्ऐं आपु-आप्खे अमाँरी ताँईऐं देऐ दिता, के आँमें हर प्रकार के पाप-अ-धर्म शे छुढ़ोऐ दियों, अरह् शुद्ध करियों आप्खे ऐक ऐशे लोग बाँणों, जू भले-भले काँम-काज़ खे तैयार रंह्।

इब्रानियों 9:12

खाड़ू, अरह् बाकरे के लह्ऊँ के कारण ने, परह् तिन्ऐं आप्णें लह्ऊँ के कारण ही ऐकी बंई पबित्र जागे दे हाजीर हंऐयों, हमेशा खे छ़ुट्कारा देयाया।

याकूब 1:5

परह् जे तुँओं मुँझी कोसी दे ज्ञाँन-बुद्धी कि कमी-घटी असो, तअ से पंणमिश्वर कैई शी माँगों, से तेस्खे खुशी शी दया-रंय्म करियों दियों, अरह् से तेस्खे ही देऐ ज़ाली।

1 पतरस 1:2

अरह् परमं-पिता पंणमिश्वर के हंणों वाल़े ज्ञाँन के मुताबिक, पबित्र-आत्त्मा के पबित्र कर्णो के जाँणें, प्रभू खे ज़ई करी थुऐ, सेजे मसीया प्रभू यीशू के अज्ञाकारी बंणों, अरह् तिनके लह्ऊँ का छ़िड़काँव लों: अरह् तुओं कृपा, अरह् शाँन्त्ति बैजाऐ भेटदी रंह्।

2 पतरस 1:1

शमौन संत्त-पतरस की ढबे शी, जू प्रभू यीशू मसीया का दास अरह् चूंणा-छ़ाटा अंदा प्रभू यीशू का खास-चैला थिया, तिनू लोगो के नाँम जिन्ऐं अमाँरे पंण्मिश्वर अरह् बंचाँणों वाल़े प्रभू यीशू मसीया के धार्मिक्त्ता के जाँणें आँमों जेष्णाँ किम्त्ति बिश्वाष करी थुवा।

1 यूहन्ना 5:6

से सेजा ही असो, जू पाँणी अरह् लह्ऊँ के जाँणें पर्गट हुऐ, मतल्व प्रभू यीशू मसीया: तिनकी आँवणीं सिर्फ पाँणी लई ने परह् पाँणी अरह् लह्ऊँ दुई के जाँणें हऐ, जिन्दें की गुवाह्-शाज़्त पबित्र-आत्त्मा असो, किन्देंखे के पबित्र-आत्त्मा ही सच्चाऐ असो।

प्रकाशितवाक्य 14:4

से सेजे लोग असो, जुण्जे तिरंई की गईलो हेबी तोड़ी अशुद्ध ने हऐ रंई थी, अरह् से कुँवाँरें असो; से सेजे ही असो, जुण्जे हमेशा छ़ैल़्टे पाछ़ी चालो भाँव छ़ैल़्टा कैथी भे ज़ाँव; तिनू पंण्मिश्वर अरह् छ़ैल़्टे खे बिश्वाष की आगली ही ऊपज का जिया फ़ल़ आदमी मुझ्शे चूणें-छ़ाँटे गुवे।

प्रकाशितवाक्य 5:9

से ऐजो नुंवों गीत्त गाँदे लागे: “तू ईयों कताबे कर्णो खे, अरह् ईन्देकी सिलो खुल्णों ज़ूगा असो, किन्देंखे के तुँऐं कुरबाँण हऐयों आप्णें लह्ऊँ शी ऐक नाँम कुल़-बंष अरह् भाषा बुली अरह् लोग अरह् हर जात्ती मुँझ़्शे पंण्मिश्वर खे लोग मोले-खरीदियों लुऐ;