1 कुरिन्थियों 1:18 - Sirmouri

¹⁸ किन्देंखे के मसीया के शुँल़ी-फ़ाँशी के बल़ी-कुरबाँणीं की खबर नष्ट हंणों वाल़े लोग बैकार जाँणों, परह् आँमों मुँक्त्ति पाणों वाल़े खे पंणमिश्वर के शक्त्ति असो।

सिरमौरी नौवाँ नियम

¹⁸ जोबै लोग ऐजा सौंदेश शुणौए कै मसीह क्रूसो पांदी मौरे गौआ, तौ तिनुमुंजी दै किछै सुंचौए कै ऐजा सौंदेश बकवास औसौ। ऐशैखै सुंचणौ वाल़ै लोग सैजै औसौ जू नरक कै ढौबौ जांदै लागै रौवै। पौरौ अमारै खातिर जू तैसी सौंदेश पांदी बिशवाश कौरौ, अमारा बौचाया जाणा पौरमेशवर कै अनौखी शौकतै का सबूत औसौ।

1 कुरिन्थियों 1:18 ပူးပေါင်းရင်းမြစ်များ

प्रेरितो कै काम 13:41

ओ, नींदया कर्णो वाल़े! देखो, अरह् हरान हो; अरह् दूर्के हुटो! किन्देंखे के हाँव ईनू देसो दे सेजे काँम-काज़ पुरे कर्णो वाल़ा असो; जिन्दें के बारे दो जे कुँऐ तुओं कैई बुल्दा, तअ तुऐं तिन्दें गाशी कंद्दी भे बिश्वाष ने कर्दे।”

प्रेरितो कै काम 17:18

तबे इपिकूरी अरह् स्तोईकी दर्शण देख्णों वाल़े लोग, भे तेस्की गईलो सवाल जबाब कर्दे लागे; अरह् कंई लोगे ऐ बुलो, “ऐजा बकबादी का बुल्णों चहाँव?” परह् ओकी ऐ बुलो, के “ऐ कोसी ओकी देव्त्ते का प्रचार कर्णो वाल़ा हंणाँ” किन्देंखे के संत्त-पौलुस प्रभू यीशू का अरह् दुज़ाल़िऐं ऊबे जीऊँणों की खुषख्बरी शुँणाँव थिया।

प्रेरितो कै काम 17:32

मरियों ऊबे जीऊदें हणों वाल़ी बातो शुँणियों, बादे आदमी ठाठे पाड़दे लागे; अरह् कंई ऐं बुलो, “ऐजी बातो आँमें ताँव कैई शी हजो जादा शुँण्णीं चहाँव।”

प्रेरितो कै काम 2:47

सेजे बादे बिश्वाषी लोग पंण्मिश्वर की अरार्धना-धन्यबाद करिया करह् थिऐ, अरह् तेथै की बादी जंनत्ता तिनका बैजाऐ माँन-संमाँन करह् थिऐ; अरह् प्रभू हर-रोज तिनकी मंडल़ी दे नुंऐं लोग मिलाँव थिऐ, जिनू लोग आप्णें पाप शा छ़ूट्कारा-मुँक्त्ति भेटो थी।

रोमियों 1:16

किन्देंखे के हाँव यीशु मसीया की खुषख्बरी दा सरमाँदा ने, ईन्देंखे के से ऐक नाँम बिश्वाष कर्णो वाल़े खे आगे यहूदी खे, तबे यूनानी खे, मुँक्त्ति के मुँताबिक शी पंणमिश्वर के शक्त्ति असो।

1 कुरिन्थियों 1:21

किन्देंखे के जबे पंणमिश्वर के ज्ञाँन के मुँताबिक संईसारी के लोगे ज्ञाँन शा पंणमिश्वर ने जाँणी, तअ पंणमिश्वर के ऐजो आछो लागो, के ऐसी प्रचार के जाँणें जेसी लोग मुरूख्ता जाँणो, ईन्दें के जाँणें बिश्वाष कर्णो वाल़े लोगो खे मुँक्त्ति दियों।

1 कुरिन्थियों 15:2

तियों ही खुषख्बरी के जाँणें तुवाँरे मुँक्त्ति भे हों; अरह् जे तुँऐं तियों ही खुषख्बरी दे अट्ल़ हों, जुण्जी मुँऐ तुँओं कैई शी शुणाऐ थऐ, तअ तुवाँरा बिश्वाष बै-कार ने ज़ाँदी।

1 कुरिन्थियों 2:14

परह् बै-बिश्वाषी लोग पंणमिश्वर की आत्त्मा की बातो माँन्दें ने; किन्देंखे के सेजी बातो तिन के नंजरी दी बै-कार असो, अरह् ना तिनके सेजी बातो संम्झ आँदी किन्देंखे के सेजी बातो पबित्र-आत्त्मा की शक्त्ति शी ही सम्झ दी आँव।

1 कुरिन्थियों 2:2

किन्देंखे के मुँऐं ऐजो ठाणी पाव थियो, के तुँओं मुँझी यीशू मसीया जिनू शुँल़ी-फ़ाँशी चढ़ाऐं गुवे थिऐ; हाँव तिन्के सुवाऐ ओकी किऐ बात ने जाँणू।

1 कुरिन्थियों 3:19

किन्देंखे के ईयों संईसारी का ज्ञाँन पंणमिश्वर की नंजरी दा मुरूख्ता असो, जैष्णों के पबित्र-ग्रन्थों दो लिखी थो, के “पंणमिश्वर ज्ञाँनी लोग तिनकी ही चलाकी दे फशाँऐं दियों”

1 कुरिन्थियों 4:10

आँमें मसीया खे ज़ोगर मुरूख असो, अरह् तुँऐं मसीया दे ऐक हऐयों बुद्धी-मान असो! आँमें कंमजोर असो, अरह् तुँऐं बलवान असो! तुँओं आदर-ईज्जत भेंटो, अरह् अमाँरी बैस्त्ति हों।

2 कुरिन्थियों 10:4

किन्देंखे के अमाँरी लड़ाई के हथ्यार देह्-शरीर के ने आथी, परह् गढ़ ढाल़्णों खे पंण्मिश्वर के कारण शक्त्तिशाली असो।

2 कुरिन्थियों 4:3

परह् जे अमाँरी खुषख्बरी दा पड़्दा असो, तअ ऐ नाँष हंणों वाल़े खे ही पड़ी रूआ।

1 थिस्सलुनीकियों 1:5

किन्देंखे के अमाँरी खुषख्बरी तुँओं कैई सिर्फ शब्द मात्र ही ने आथी, परह् शक्त्ति अरह् पबित्र-आत्त्मा दे, अरह् पाक्कै इरादे आरी पऊँची रंऐ; जेष्णों तुँऐं जाँणों ऐ के आँमें तुँवारी ताँईऐ तुँओं मुझी कैष्णें बंणी रंह् थिऐ।

2 थिस्सलुनीकियों 2:10

अरह् नाँष हंणों वाल़े खे अधर्म के साँत-भाँते, छल़-कप्ट आरी हंदा; किन्देंखे के तिन्ऐ संच्चाई शो प्यार ने करी, जिन्दें लंई तिन खे छुट्कारा भेंट्दा।

इब्रानियों 12:2

आँमें आप्णीं नंजर प्रभू यीशू दे थंह्, जुण्जे अमाँरे बिश्वाष के अगुवाल़ असो, अरह् सिद्ध कर्णो वाल़े असो; जिन्ऐं तेसी आँनन्द खे जुण्जा तिनखे आगे ही बंणाँऐ थुवा थिया; अरह् तिन्ऐं आप्णीं बैस्त्ति का किऐ भे फीकर ने करी, अरह् सेजी शुँल़ी-फ़ाँशी की मंऊँत्त संह्ऐन करी; अरह् पंण्मिश्वर के सिगाँस्णों के सुऐं ढंबै बंईठी गुऐ।

इब्रानियों 4:12

किन्देंखे के पंण्मिश्वर का बचन जीऊँदा, शक्त्ति-शाली, अरह् ऐक नाँम दू-धारी तरवारी शा भे बैगे पंईना असो; अरह् से पराँण, आत्त्मा, अरह् अमाँरे भेत्रें के बादे अंग छीन-भीन करियों आर-पार करह्; अरह् अमाँरे मंन की भाँवना अरह् मंन के बिचारो की परख करह्।