1 कुरिन्थियों 1:17 - Sirmouri

¹⁷ किन्देंखे के मसीया ऐ मुँह नहाँण-नुहाँणों खे ने, परह् पंणमिश्वर की खुषख्बरी शुणाँदा डियाल़ी थुवा, अरह् सेजा भे शब्दो के ज्ञाँन के मुताबिक ने, ऐशो ने हईयों के मसीया के शुँल़ी-फ़ाँशी कुरबाँणी बै-कार ज़ाँव।

सिरमौरी नौवाँ नियम

¹⁷ जिथुकै मसीहे मुखै बपतिस्मा दैणौ खै नी, पौरौ सुसमाचार शुणाणौ खै भैजै राए, औरौ जोबै हांव लोगौ खै पौरमेशवर का सौंदेश शुणौऊं, तौ हांव आदमी कै चलाक विचारो का इस्तैमाल ना कौरु, ना लोगौ खै मोनोऊ कै जू किछै हांव बुलू तिथपांदी बिशवाश कौरौ। जै ऐशैखै कौरदा, तौ लोग सिरफ इथकारिए बिशवाश कौरदै कै मोऐं बौड़ै चालाकी लैई बातो कौरी पोरौ तोबै क्रूसो पांदी मौरणौ वाल़ै मसीह का सौंदेश लोगौ कै जीवन दा शौकतीशाली तरीकै शै काम ना कौरदा।

1 कुरिन्थियों 1:17 ပူးပေါင်းရင်းမြစ်များ

यूहन्ना 4:1

जबे यहूदी भाट्-बाम्णों कैई ऐजा पता लागा, के प्रभू यीशू संत्त-यूहन्ना नहाँण-कराँणों वाल़े शे जादा चैले बणाँव; अरह् तिन कैई शो नहाँण-कराँव,

यूहन्ना 4:2

मतल्व प्रभू यीशू आपु ने, परह् तिनके चैले नहाँण-कराँव थिऐ,

प्रेरितो कै काम 10:48

अरह् संत्त-पतरस ऐं अज्ञाँ दिती, के यीशू मसीया के नाँव शो ईनको नहाँण-कराव; तबे तिन्ऐं संत्त-पतरस शी ऐजी अरज करी, के “तुऐं कुछ देसो तोड़ी ईथी अमाँरी गंईलो रंह्।”

1 कुरिन्थियों 2:1

हे भाऐ बंईणों, जबे हाँव पंणमिश्वर का भेद् शुणाँदें तुँओं कैई आया, तअ ना बातो की चतुराई लई आई; अरह् ना ज्ञाँन की देखावे खे आई।

1 कुरिन्थियों 2:13

आँमें तिनखे जू आत्त्मिक असो, आत्त्मिक बातो का बखाँण आदमी के ज्ञाँन की भाषा दा ने; परह् आत्त्मिक भाषा दा शुणाँव।

2 कुरिन्थियों 1:12

किन्देंखे के आँमें आप्णे बिचारो के गुवाऐ-शाज़्त गाशी तारीफ करह्, के संईसारी दे प्रभू यीशू के जाँणें तुवाँरे बिचो दा, अमाँरा चाल-चल्ण पंण्मिश्वर ज़ूगा ऐशा पबित्र अरह् सच्चाई आरी थिया, जू देह्-शरीर की अज्ञाँ शा ने परह् पंण्मिश्वर की कृपा आरी थिया।

2 कुरिन्थियों 10:10

किन्देंखे के कुछ लोग बुलो, “के पौलुस की चीट्ठी-पत्री गहीरी अरह् असरदार असो; परह् जबे से साम्णें हों, तअ से देह्-शरीर शा कंंमजोर अरह् बात-चींत्त कर्दे हल़्का जाँणियों।”

2 कुरिन्थियों 11:6

जे हाँव सोतिखे अजाँण्दा असो, तबे भे ज्ञाँन दा ने आथी। आँमें प्रभू यीशू हर बात दा हर ढंग शे तुँवारी ताँईऐं पर्गट करी थुऐ।

2 कुरिन्थियों 4:2

परह् आँमें बै-शर्मी की अरह् चुप्पी की काँम-काज़ छ़ुड़ी दिती, ना चपलुसी शे चाल्दे, अरह् ना पंण्मिश्वर के बचन दी किऐं मिलावट कर्दे; परह् सच्चाऐ पर्गट करियों, पंण्मिश्वर के साम्णें ऐक नाँम आदमी के मंन दी आप्णी भलाऐ बईठाल़ो।

2 पतरस 1:16

किन्देंखे के जबे आँमें तुँओं खे आप्णे प्रभू यीशू मसीया की शक्त्ति का अरह् आँणों का समाँचार देऐ थुवा, तअ से चलाकी की कथा का ने थी, परह् आँमें आप्णी आ:खिऐं तिनकी बड़ियाऐ दे:खी थऐ।