1 कुरिन्थियों 1:14 - Sirmouri

¹⁴ हाँव पंणमिश्वर का धन्यबाद करू, के क्रिस्पुस अरह् गयुस के सुवाऐ मुँऐ तुँओं मुझ्शो कोसी को भे नहाँण ने कराऐ थई।

सिरमौरी नौवाँ नियम

¹⁴ हांव पौरमेशवर का धन्यवाद कौरु, कै इनु दौ भाईयों कै छोड़ेयौ कै यानी कै क्रिस्पुस औरौ गयुस खै मोऐं तुऔं कोसी कै बै बपतिस्मा ना दी।

1 कुरिन्थियों 1:14 ပူးပေါင်းရင်းမြစ်များ

प्रेरितो कै काम 10:48

अरह् संत्त-पतरस ऐं अज्ञाँ दिती, के यीशू मसीया के नाँव शो ईनको नहाँण-कराव; तबे तिन्ऐं संत्त-पतरस शी ऐजी अरज करी, के “तुऐं कुछ देसो तोड़ी ईथी अमाँरी गंईलो रंह्।”

प्रेरितो कै काम 18:8

तबे यहूदी के चौत्रे का ढिमेंदार क्रिस्पुस ऐ आप्णे बादे टाबरे समेत प्रभू गाशी बिश्वाष करा, अरह् भहीते कुरिन्थ के रंहणों वाल़े; ऐ भे संत्त-पौलुस की बातो शुँणियों बिश्वाष करा, अरह् नहाँण-नहाँव।

रोमियों 16:23

गयुस जू मेरी अरह् कलीसिया का पाऊँणाई कर्णो वाल़ा असो, तेस्का तुँओं खे नमंष्कार। इरास्तुस जू नगर का भडारी असो, अरह् भाऐ क्वारतुस का तुँओं खे नमंष्कार।

1 कुरिन्थियों 1:15

कद्दी ऐशो ने हईयों के कुँऐं बुलो के ताँव्खे मेरे नाँव गाशी नहाँण भेटी रूओ।

1 कुरिन्थियों 1:4

हाँव तुवाँरे बारे दा आप्णे पंणमिश्वर का धन्यबाद सदा करदा रंह्ऊँ, ईन्देंखे के पंणमिश्वर के ऐजी कृपा तुँओं गाशी प्रभू यीशू मसीया के जाँणें हऐ

1 कुरिन्थियों 14:18

हाँव आप्णे पंणमिश्वर का धन्यबाद करू, के हाँव तुँओं शी जादा अंण-जाँण भाषा बुलू।

2 कुरिन्थियों 2:14

परह् पंण्मिश्वर का धन्यबाद हों, जू मसीया दी सदा आँमों खे जय की खुशी दे नियों फिरह्, अरह् आप्णें ज्ञाँन की खुष्बू अमाँरे जाँणें ढिक्को हर जागे दी फईलाऐ दियो।

इफिसियों 5:20

अरह् सदा बादी बातो खे अमाँरे प्रभू यीशू मसीया के नाँव शे पंण्मिश्वर का धन्यबाद कर्दे रंह्।

कुलुस्सियों 3:15

मसीया की शाँण्त्ति तुवाँरें दिल-सासो दो राज करह्, ईयों ही शाँण्त्ति खे; तुँऐं ऐक देह्-शरीर के अंग बणियों बय्दी थुऐ, अरह् तुँऐं सदा धन्यबाद कर्दे रंह्।

कुलुस्सियों 3:17

तुँऐं भाँव किऐ बुलो, भाँव किऐ करह्, सब-कुछ प्रभू यीशू के नाँव शो करिया करह्, तुँऐं तिन्ही के जाँणें पिता पंण्मिश्वर खे धन्यबाद देंदे रंह्।

1 थिस्सलुनीकियों 5:18

बादी बातो दा प्रभू का धन्यबाद करह्; किन्देंखे के तुँओं खे प्रभू यीशू मसीया दी पंण्मिश्वर की ऐजी ही हिछ़या असो।

1 तीमुथियुस 1:12

हाँव आप्णे प्रभू मसीया का जिन्ऐं मुँखे शक्त्ति देऐ थऐ, धन्यबाद करू, के तिन्ऐ मुँह बिश्वाष ज़ूगा सम्झियों आप्णी सेंवा कर्णो वाल़ा बाँणा।

फिलेमोन 1:4

हाँव सदा पंण्मिश्वर का धन्यबाद करू, अरह् आप्णी प्रार्थना दा भे ताँव चित्तै करू,