तीतस 3:9 - घले नयाँ करार

⁹ तर मुर्ख स्वाल्-जवाफ, रेङ रेङ मेमेजे कथा, फुट् मेस्‍ये मोशाजे नियमजे बारेने च्‍य फाप्रे आलाक्के क्‍यूर्, चेनेयलो अम्‍ब क्‍वाने फाइदा त्‍वो, काम अन्‍लादेब पो क्यूक्क्य।

तीतस 3:9 ပူးပေါင်းရင်းမြစ်များ

१ कोरिन्थी 13:2

ङैप्रे अगमवाणी क्‍यम ख्‍वब शक्ति ख्यङ्स्ये, मेस्‍ये क्‍व अङ्ख्‍वब नङ्सू पोयू, साप्‍ता थर्‌जे ज्ञानयूये क्‍व खूस्ये, होर्‌दे केन् गङ्यूने हर्‍दे ख्‍वबसेमेजे पूरा विश्‍वास ङैप्रे ख्यङ्लीने, ङैजे सेम्ने प्रेम त्‍वोदेयलो ङ चैत्‍याये दी।

१ कोरिन्थी 8:1

जेम्‍से ङ मुर्तिने चेर्‌दीयेब चसेजे बारेने यीय, ङीन क्‍वाप्रेने ज्ञान ख्यङ् यदेबे ङीनदे स्‍येख्यङ्। ज्ञानदे केन् त्‍वे चीक्क्य, तर प्रेमदे उन्‍नती चीस्स्ये पीन्‍क्‍य।

१ तिमोथी 4:7

परमेश्‍वरने विश्‍वास अन्चेब मेस्ये सीतीजे कथायूने अम्‍मन्‍दीलाची तर परमेश्‍वरने मन्‍दीदेबे जीया चने तालिम पीन्।

२ तिमोथी 2:14

अम्‍ब पो थमयूने चेलाबे कोलाबे चीम्मी, पो त्‍या-त्‍या चूङ्देबे स्वाल्-जवाफ अन्‍चील्‍लाची यदेबे थमयूने परमेश्‍वरजे खूम्‍ने आज्ञा पीन्। येर स्वाल्-जवाफजे पोदे भलो अन्क्‍यूर्, तर पो तब मीयूने हानीत्या चीक्‍क्‍य।

२ तिमोथी 2:16

परमेश्‍वर अम्‍मन्‍देब मूर्ख पोयू क्यापी, चेनेयलो अम्‍बदे मीयूने परमेश्‍वरट्‍यादे झन् थेप् चीन्तङ् चीक्‍कीय।

२ तिमोथी 2:23

तर स्‍येने अन्‍स्‍येब मूर्ख पोयूजे स्‍वाल्-जवाफ अन्‍चील्‍लाची। नने थाने ख्यङ्, हम्‍बदे स्वाल्-जवाफ चीक्‍क्‍य।

तीतस 1:14

तम्दम् पोने अङ्-ङ्‍यीनब मीयूजे आज्ञा मेस्ये सीत्‍तीने बन्‍दीयेब यहूदीजे दन्त्याकथा अन्-ङ्‍यीन्‍लाची।

याकूब 4:1

चै पोदे नमयूजे अन्‍द्रने लडाइँ मेस्‍ये च्‍य-फा चीक्‍क्‍य? अम्‍ब टक्कने नमयूजे मोज-मजा चेब अन्‍ज्‍य इच्‍छायूदे योङ्‍रीय, अम्ब अन्ज्य इच्छायू नमयू नङ्ने लडाइँ चीन्‍नीय।