तीतस 3:14 - घले नयाँ करार

¹⁴ ङीनजे मीयू ज्‍य काम चेब लोम्स्‍य, येर्‌बे सोरो हर्‌जो पर्‌तेब बीलने थमयूदे सूजोयूने तोङ्मे खूस्‍य। थमयू चेकम्तेब जीया च अम्पर्‌तीस्य।

तीतस 3:14 ပူးပေါင်းရင်းမြစ်များ

मत्ती 21:19

येशूदे लम् नने अञ्जीरजे तङ्बो तङ्दे। येशू हम्‍ब तङ्बोजे ट्‌याने रदे, तर हम्‍ब तङ्बोजे लेम्त्‍या तङ्दे सूजो चैत्‍याये अन्तङ्। होर्‌दे ङूदे हम्‍ब तङ्बोने यदे, “जेम्‍से नने सी कलङ्बेये अन्लोस्‍य” मेस्‍ये हम्‍ब अञ्जीरजे तङ्बो खात्‍याने खरी।

मत्ती 7:19

सी सोरो ज्‍य अन्‍ल्‍वब तङ्बोयू टक्कने टील्‍देबे मी भोप्‍प्रोने छाबीय।

यूहन्‍ना 15:16

नमयूदे ङैने अन्‍सेल्, तर ङैदे नमयूने सेल्‍दे मेस्‍ये नमयू प्रदेबे येतार्‌ने क्‍यून्‍नब फल लोलाबे चेने ङैदे भर्‌न चीत्‍दे, येरेचील्‍लो नमयूदे पप्रे ङैजे मीन्‍ने च स्‍येय, हम्‍ब पदे नमयूने पीन्‍क्‍य।

यूहन्‍ना 15:8

नमयू ङैजे स्यूस्स्या ख्यङ् यदेबे तनने नमयूदे कूम फल पीन्‍देयलो हम्‍ब फलदेने ङैजे पजे महिमा क्‍यूक्‍क्‍य।

मूल स्यूस्स्यायूजे कामजे किताब 18:3

त्याप्र काम चेब क्‍यूत्‍देबे पावलये थमयूप्रे टूङ्देबे काम चीत्‍दे। चेनेयलो थमयूजे काम पाल बन्‍देब ख्‍य।

मूल स्यूस्स्यायूजे कामजे किताब 20:35

ङैदे साप्‍ता पोने नमयूने नमूना पीन ख्यङ्, नमयूदेये येर्‌बेने बोङ्बे काम फर्‌देबे बोङ् त्‍वब मीयूने तोङ्मे पर्‌दीय। प्रभु येशूजे वचन ह्‍वे ची, केरे ङू रङ्सेदेने य ख्यङ्, “यी कीन यली पीनबदे अझ असी प्रेक्‍क्‍य।”

रोमी 12:13

परमेश्‍वरजे पवित्र मीयूने हर्‌जो पर्‌दीब तोङ्मी, कीम्ने रब ङ्योवयूने गेसेन् ची।

रोमी 15:28

येरेक्‍यूत्‍देबे अम्‍ब काम चे चन्‍कमेस्‍ये लङ्ब भेटी थमयूजे लाने पीन्‍देबे नमयू ट्‌याने रदेबे स्‍पेन प्रीय।

एफिसी 4:28

खूमान्दे जेम्से अन्खूस्‍य। बरू ङूदे छेम्प्रे चीत्देबे ईमानदार क्यूत्देबे रङ्से लादे काम चीस्‍स्‍य, मेस्‍ये हर्‌जोने पर्‌देब मीयूने पीन खूस्‍य।

फिलिप्पी 1:11

परमेश्‍वरजे महिमा मेस्‍ये सार्‌याजे लागि नमयूजे जीया येशू ख्रीष्‍टदे फल लोस्ये पीनब सोरो ज्‍य स्वभावयूदे फ्यानब क्‍यूस्‍स्‍य।

फिलिप्पी 4:16

चेनेयलो ङ थेसलोनिकेने ख्यङ्बये नमयूदे ङैने हर्‌‍जो क्यूप्प त्याफेत्या दीलाबे कूमफे साक्‍तीमीदे।

फिलिप्पी 4:17

ङैदे नमयूट्‍यादे सूजो दान प्रेने दी, तर नमयूदे पीनब दानजे कारणदे परमेश्‍वरदे नमयूने इनाम पीन्स्य मन ख्यङ्।

कलस्सी 1:10

येरे ङूने बेस्‍से सूग्‍ला चेने नमयूदे प्रभुने सेम् पर्‌देब जीया चदेबे सोरो ज्‍य कामयूने फलीफप् क्‍यूत्‍देबे परमेश्‍वरजे ज्ञानने नमयू बोल्यो क्‍यूक्‍के खूस्‍स्‍य।

१ थेसलोनिकी 2:9

अत-अची च्योन्‌यू, ङीदे चेब सकस् होर्‌दे छेम्‍प्रे नमयूने थाने ख्यङ्। नमयू सूनेये क्‍वी अङ्-कल्‍लाचीदे यदेबे नो-मून् काम फर्‌देबे परमेश्‍वरजे सूगब खबर ङीदे नमयूने स्‍य्वेत्‍दे।

२ थेसलोनिकी 3:8

ङीदे सूजेये चसे होरेने अन्‍च। तर नमयू सूनेये क्वी अन्क्‍यूस्‍स्‍य यदेबे ङीदे नो-मून् बेस्‍से छेम्‍प्रे चीत्‍देबे काम फर्‌दे।

तीतस 2:8

शिक्षा पीन्ब तम्दम् मेस्‍ये ज्‍य बोली ची, सूदेये पो च अन्ख्वब पक्‍क शिक्षायू पीन्। होरेक्‍यूल्‍लो शत्रुयूये चैये य अन्‍खूदेबे रङ्सेने त्‍वा पर्‌दीस्य।

तीतस 3:8

अम्‍ब तम्दम् पो ख्यङ्। नदे अम्‍ब पोयूने बोङ् ची, थमयू सुदे परमेश्‍वरने विश्‍वास चे ख्यङ्, रङ्सेदे ज्‍य काम चेने येतार्‌ने चङ्‍ख क्‍यून्‍नू, चेनेयलो अम्‍ब पो मीयूजे लागि सोरो ज्‍य मेस्‍ये फाइदाजे ख्यङ्।

२ पत्रुस 1:8

चेनेयलो अम्‍ब गुणयू नमयूप्रे बेस्‍से कूम म्‍यूर्‌न ख्यङ् यलो ङीन्जे प्रभु येशू ख्रीष्‍टजे ज्ञानने अम्‍ब गुणयूदे नमयूने चैकम्‍ते मेस्‍ये फल पीन अङ्ख्‍व क्‍यूस्‍स्ये अम्‍पीन्।