तीतस 3:1 - घले नयाँ करार

¹ सरकार मेस्ये सरकारजे मीयूजे हक नङ्ने टुङ पर्‌दीय यदेबे विश्‍वासीयूने लोम्‍मी। भलो चेब कर कामनेयली फरने तयार क्यूरो यदेबे थमयूने ह्‍वेरला चीम्मी।

तीतस 3:1 ပူးပေါင်းရင်းမြစ်များ

मत्ती 22:21

थमयूदे येशूने यदे, “कैसरजे फोटो।” होरदे ङूदे थमयूने यदे, “येरेक्‍यूत्‍देबे कम्‍ब से कैसरजे ख्यङ्, हम्‍ब कैसरने पीन्, मेस्‍ये कम्‍ब से परमेश्‍वरजे ख्यङ् हम्‍ब परमेश्‍वरने पीन्।”

१ कोरिन्थी 15:58

येरेक्‍यूत्‍देबे ङैजे छेब अत च्योनयू, सेम् केन् चीत्‍देबे ढल्मल् अन्‍क्‍यूल्‍लाबे टूङ्। प्रभुजे कामने येतार्‌ने सेम् पीन्‍देबे फर्‌नू, चेनेयलो प्रभुजे कामने चेब छेम्‍प्रे सीत्‍तीने खेर अम्‍प्र यदेबे नमयूदे स्‍ये ख्यङ्।

एफिसी 2:10

ङीन ज्‍य कामजे लागि ख्रीष्‍ट येशूने क्‍यूत्‍देबे बन्‍दीयेब ङूजे लाजे सीप ख्यङ्। ङीन हम्‍ब अनुसार प्रस्‍य यब कारणदे परमेश्‍वरदे खूम्‍देमेस्‍येने हम्‍ब तयार चीदे ख्‍य।

फिलिप्पी 1:11

परमेश्‍वरजे महिमा मेस्‍ये सार्‌याजे लागि नमयूजे जीया येशू ख्रीष्‍टदे फल लोस्ये पीनब सोरो ज्‍य स्वभावयूदे फ्यानब क्‍यूस्‍स्‍य।

कलस्सी 1:10

येरे ङूने बेस्‍से सूग्‍ला चेने नमयूदे प्रभुने सेम् पर्‌देब जीया चदेबे सोरो ज्‍य कामयूने फलीफप् क्‍यूत्‍देबे परमेश्‍वरजे ज्ञानने नमयू बोल्यो क्‍यूक्‍के खूस्‍स्‍य।

१ तिमोथी 2:2

मूरुम्‌यू मेस्ये केन् पदने टूङब मीयूजे लागिये प्रार्थना ची, मेस्‍ये येरक्‍यूस्‍स्‍य यी ङीन सेम् ढूक्‍क मेस्‍ये शान्ति क्‍यूत्‍देबे साप्‍ता तर्‌तीप्देने धर्मी मेस्ये मीदे ज्‍य गेसेन् चेब जीया च खूस्‍य।

१ तिमोथी 4:6

कादेये नदे अत-अची च्योन्‌यूजे खूम्‍ने येर पो लोम्‍मीदे यलो नदे मन्‍दीनब ज्‍य शिक्षा मेस्ये विश्‍वासजे वचनने बोल्यो क्‍यूत्‍देबे न ख्रीष्‍ट येशूजे लागि ज्‍य सेवा चेब क्‍यूक्‍क्‍य।

१ तिमोथी 5:10

अम्‍ब प्रेने ङूदे ज्‍य काम चेब, च-चीमीने चेलाबे छर्‌कब, ङ्योव-डोम्‍बयूने गेसेन् चीस्‍से रब, होर्‌दे परमेश्‍वरजे पवित्र मीयूजे तोप् ठूदेबे सेवा चीक्‍कब मेस्‍ये दूख्‍प्रेयूने तोङ्मीकब मेस्ये येरप्रने ज्‍य कामयू चेने सेम् चीन्‍नब यदेबे गवाही क्‍यूर पर्‌दीय।

२ तिमोथी 1:6

होरेक्‍यूत्‍देबे ङ नने ह्‍वे चीम्‍मीय, ङैदे नैफ्‍याने ला हीप्प नदे प्रेब परमेश्‍वरजे बर अम्‍मल्‍कालाबे काम चीन्‍नू।

२ तिमोथी 2:14

अम्‍ब पो थमयूने चेलाबे कोलाबे चीम्मी, पो त्‍या-त्‍या चूङ्देबे स्वाल्-जवाफ अन्‍चील्‍लाची यदेबे थमयूने परमेश्‍वरजे खूम्‍ने आज्ञा पीन्। येर स्वाल्-जवाफजे पोदे भलो अन्क्‍यूर्, तर पो तब मीयूने हानीत्या चीक्‍क्‍य।

२ तिमोथी 2:21

कादेये नदे रङ्सेने शुद्ध येल्‍लो परमेश्‍वरदे नने मान् गेसेन् चेब काम‍जे लागि चील्‍ले खूइय। नैजे जीया शुद्ध येन् मेस्‍ये कीम् नोबोजे लागि शुद्ध, काम लादेब, सूजो साप्‍ता ज्‍य कामजे लागिने तयार क्‍यूक्क्‍य।

तीतस 1:16

थमयूदे परमेश्‍वरने स्‍ये ख्यङ् यदेबे स्‍वाङ् त्‍या चीक्‍क्य, तर थमयूजे रङ्से कामदे‍ब परमेश्‍वरने अम्‍मन्देब तङ्क्य। थमयू अन्ज्‍य घिन मेस्ये आज्ञा अम्‍मन्‍दे क्यूक्क्य, मेस्‍ये कम्बनेये ज्‍य काम चेब लायकजे त्वो।

तीतस 2:14

येशू ख्रीष्‍टदे ङीनने साप्‍ता किसिमजे पापदे छुर्‌तेजे लागि रङ्से प्राणये पीन्‍दे। ङूदे ङीनने पवित्र चेने रङ्से मी बन्‍दीदे, मेस्‍ये ज्‍य काम चेने जोसीलो क्यूरने येरे चीत्दे।

तीतस 3:14

ङीनजे मीयू ज्‍य काम चेब लोम्स्‍य, येर्‌बे सोरो हर्‌जो पर्‌तेब बीलने थमयूदे सूजोयूने तोङ्मे खूस्‍य। थमयू चेकम्तेब जीया च अम्पर्‌तीस्य।

तीतस 3:8

अम्‍ब तम्दम् पो ख्यङ्। नदे अम्‍ब पोयूने बोङ् ची, थमयू सुदे परमेश्‍वरने विश्‍वास चे ख्यङ्, रङ्सेदे ज्‍य काम चेने येतार्‌ने चङ्‍ख क्‍यून्‍नू, चेनेयलो अम्‍ब पो मीयूजे लागि सोरो ज्‍य मेस्‍ये फाइदाजे ख्यङ्।

हिब्रू 13:21

नमयूजे सेम्ने सोरो ज्‍य गुणयू येम्‍मीस्‍य, मेस्‍ये नमयूदे ङूजे इच्‍छा पूरा चे खूस्‍स्‍य। परमेश्‍वरने च सेम् पर्‌ते ख्यङ्, येशू ख्रीष्‍टजे मीन्‍ने परमेश्‍वरदे नमयूने हम्‍ब चीम्‍मीस्‍य। जूग् जूग् सेमेने येशूजे महिमा क्‍यून्‍नूस्‍य। आमेन।

२ पत्रुस 1:12

येरेक्‍यूत्‍देबे अम्‍ब पोयू क्‍वाने नमयूदे स्‍येली मेस्‍ये नमयूदे लोम्‍कब तम्दम् पो सेम्ने बोल्यो चीत्‍देबे येन्‍नूलीने ङ नमयूने अम्‍ब पोयू येतार्‌ने ह्‍वेरलाबे चीम्‍मीय।

यहूदा 1:5

अम्‍ब साप्‍ता पो नमयूदे त्‍याफे स्‍ये ख्यङ्लीने, चूजो ङैदे फेरि त्‍याफे नमयूने ह्‍वेरलाबे चीम्‍मीतीङ् रख्यङ्, मीश्र देशदे योन्‍देबे रेब मीयू नङ्ने विश्‍वास अन्‍चेबयूने ङ्येदे परमप्रभूदे नाश चीत्‍दे।