तीतस 2:11 - घले नयाँ करार

¹¹ चेनेयलो परमेश्‍वरजे अनुग्रह मीयू क्‍वानेने मुक्ति पीनजे लागि तङ्‍क ख्यङ्।

तीतस 2:11 ပူးပေါင်းရင်းမြစ်များ

मत्ती 28:19

येरेक्‍यूत्‍देबे प्र, मेस्‍ये देश देशजे मीयूने स्यूस्स्या बन्‍दी, परमेश्‍वर, च मेस्‍ये पवित्र आत्माजे मीन्‍ने थमयूने बप्‍तिस्मा पीन्,

मर्कूस 16:15

होर्‌दे ङूदे थमयूने यदे, “नमयू का-मुलुक संसारने प्रदेबे मीयू क्‍वानेने सूगब खबर स्‍य्‍वे।

लूका 24:47

होर्‌दे यरूशलेमदेमेस्‍ये सुरु चीत्‍देबे साप्‍ता थर्‌जे मीयूने ख्रीष्‍टजे मीन्‍ने पश्‍चाताप मेस्ये पाप क्षमाजे प्रचार क्‍यूर पर्‌दीय।

लूका 3:6

मेस्‍ये मीयू क्वादेने परमेश्‍वरजे मुक्ति तङ्क्‍य।”

यूहन्‍ना 1:14

वचन ङ्व क्‍यूत्‍देबे रदे, मेस्‍ये अनुग्रह मेस्‍ये तम्दम्‍दे फ्यादेबे ङीनजे अन्द्रने बास टूङ्दे। ङीनदे ङूजे महिमा तङ्दे, हम्‍ब महिमा प ट्‌यादे रब तीत्‍या चजेप्र ख्‍य।

यूहन्‍ना 1:9

मीयू क्‍वानेने ज्ञान पीनब तम्दम्जे ओथ्याङ् संसारने रेन ख्‍य।

मूल स्यूस्स्यायूजे कामजे किताब 11:23

ङू हैयाने रदेबे परमेश्‍वरजे अनुग्रह तङ्देबे सूग्‍दे, मेस्ये थमयू क्वानेने ङूदे प्रभुतेले पूरा सेम्‍दे विश्‍वास ची यदेबे बोङ् पीन्‍दे।

मूल स्यूस्स्यायूजे कामजे किताब 13:43

सभा जेङ्‍कङ्येदे कूम यहूदीयू मेस्‍ये यहूदी धर्म मन्‍देब मीयू पावल मेस्ये बारनाबासजे ङ्‍ये-ङ्‍ये रदे, मेस्‍ये थमयूदे थमयूप्रे बात् सेत्देबे येतार्‌ने परमेश्‍वरजे अनुग्रहने टूनू यदेबे बिन्‍ती चीत्‍दे।

मूल स्यूस्स्यायूजे कामजे किताब 13:47

चेनेयलो प्रभुदे ङीने येरे ची यदेबे आज्ञा पीन ख्यङ्, ‘पृथ्वीजे का-मुलुक‍ने मुक्तिजे खबर स्‍य्‍वेने ङैदे नने यहूदी तेबयूजे लागि ओथ्याङ् चेने सेल ख्यङ्’।”

मूल स्यूस्स्यायूजे कामजे किताब 17:30

होरेक्‍यूत्‍देबे थाने त्‍व अन्स्येदेबे चीक्‍कब काम‍ने परमेश्‍वरदे ध्‍यान् अम्‍पीन्, तर जेम्से टक्क नेने मी क्वानेने ‘रङ्से-रङ्सेजे पापजे पश्‍चात्ताप चेब आज्ञा पीन ख्यङ्।

मूल स्यूस्स्यायूजे कामजे किताब 20:24

तर ङैजे रङ्से जीयाजे चैये ख्याल् अन्‍ची, मेस्‍ये ङ रङ्सेने माया अन्‍चील्‍लाबे रदे। परमेश्‍वरजे अनुग्रहदे सूगब खबरजे गवाही पीनने प्रब ङैजे काम मेस्ये प्रभु येशूदे पीनब ङैजे जिम्मा ङैदे पूरा चे खूस्‍य यदेबे, अन्छूत्यात्या मन ख्यङ्।

रोमी 10:18

तर ङ लोक्‍क्‍य, “च थमयूदे सूगब खबर अन्‍त?” थमयूदे सूगब खबर तम्दम्ने त ख्यङ्, चेनेयले “थमयूजे के पृथ्वी भरी, मेस्‍ये थमयूजे सूगब खबर संसारजे कून-कूनसेमे फ्‍योये ख्यङ्।”

रोमी 5:15

होरेने प्रेब बर मेस्‍ये अपराधने कूम फरक ख्यङ्। चेनेयलो मीत्याजे पापदे चीत्‍देबे कूम मीयू सीइदे यलो झन् थेप् परमेश्‍वरजे अनुग्रह मेस्‍ये मीत्‍याजे, या येशू ख्रीष्‍टने क्‍यूत्‍देबे होरेने प्रेब बर कूम मीयूजे लागि सोरो थेप् क्‍यूत्‍दे।

रोमी 5:2

ङूप्रे क्यूत्देबे ङीनदे विश्‍वास चीत्‍देबे परमेश्‍वरजे अनुग्रह प्रेख्यङ्। हम्‍ब अनुग्रहने ङीन बच्‍दे ख्यङ्, मेस्‍ये परमेश्‍वरजे महिमाने क्‍व प्रेक्‍क्‍य यब पोने आशा चेब क्‍यूत्‍देबे ङीन सूग प्रेख्‍य।

२ कोरिन्थी 6:1

ङी परमेश्‍वरप्रे-प्रेने काम फरब मीयू ख्यङ्, येरेक्‍यूत्‍देबे परमेश्‍वरजे अनुग्रह खेर प्रस्ये अम्‍पीन्‍लाची यदेबे नमयूने बिन्‍ती चीक्‍क्‍य,

गलाती 2:21

परमेश्‍वर‌जे अनुग्रहने ङ ह्‍यल चे अन्‍खू, चेनेयलो मोशाजे नियमदे धर्मी ठर्‌दे ख्‍व यलो ख्रीष्‍ट धन्‍ने सीइदे।

एफिसी 2:5

येरेक्‍यूत्‍देबे पापने ङी सीइलीने ङूदे ङीनने ख्रीष्‍टप्रे सूला चीत्‍दे, परमेश्‍वरजे अनुग्रहदेने नमयूदे उद्धार प्रेख्यङ्।

एफिसी 2:8

परमेश्‍वरजे अनुग्रहदेने नमयूदे विश्‍वास चीत्‍देबे उद्धार प्रे ख्यङ्। मेस्‍ये अम्‍ब नमयू रङ्सेदेने धम चीत्‍देबे दी, अम्‍ब परमेश्‍वरदे पीनब बर ख्यङ्-

कलस्सी 1:23

तम्दम्ने नमयू रङ्से विश्‍वासने अन्‍क्यापीलाबे बोल्यो क्‍यून्‍नू, मेस्ये नमयूदे सूगब खबर ङ्‍यीन्‍देबे प्रेब आशा अन्‍क्यापीलाची। अम्‍ब सूगब खबर का-मुलुक संसारजे मीयूने स्‍योक्‍क ख्यङ्। ङ, पावल अम्‍ब सूगब खबर स्‍य्‍वेब त्वो क्‍यूर ख्यङ्।

कलस्सी 1:6

अम्‍ब सूगब खबर नमयूट्‌याने फ्‍योर ख्यङ्, मेस्‍ये तम्दम्ने अम्‍बदे संसारजे का-मुलुकने असी पीन्‍देबे थेप् क्‍यूप्‍पीन ख्यङ्। परमेश्‍वरदे चेब अनुग्रहजे तम्दम् पो तदेबे क्‍वब दिनदेछोमेस्‍ये नमयूजे अन्‍द्रनेये सूगब खबरदे होरप्रने काम चीन्‍न ख्यङ्।

२ थेसलोनिकी 2:16

होर्‌दे ङ्‍येदे ङीनने प्रेम चेब मेस्ये अनुग्रह चीत्देबे कलङ्बेये अन्जेनब सान्त्वना मेस्ये सोरो ज्य आशा पीनब ङीन्जे प्रभु येशू ख्रीष्‍ट रङ्सेदेने मेस्ये परमेश्‍वर ङीनजे पदे,

१ तिमोथी 1:14

ख्रीष्‍ट येशूने ख्‍यब विश्‍वास मेस्‍ये माया प्रे-प्रे ङीन प्रभुजे अनुग्रह ङैजे लागि बेस्‍से कूम फैम्‍मीदे।

१ तिमोथी 2:4

मीयू क्‍वादेने मुक्ति प्रेस्‍स्‍य मेस्‍ये थमयूदे तम्दम्‍जे ज्ञान क्‍व खूस्‍य यदेबे परमेश्‍वरदे सेम् चे ख्यङ्।

२ तिमोथी 1:10

तर ङीनने मुक्ति पीनब ख्रीष्‍ट येशू रदेबे हम्‍ब उदेश्य मेस्ये अनुग्रह तम्‍मीक ख्यङ्। येशूदे सीबब काल नाश चीत्‍देबे कलङ्बेये अन्सीबब जीयाने सूगब खबर स्योत्देबे तङ्लाबे चीम्‍मीदे।

२ तिमोथी 4:17

तर यहूदी तेब मीयू क्‍वादेने ङ्‍यीन प्रेस्‍स्‍य यदेबे प्रभू ङैप्रे-प्रे क्‍यूत्‍दे, मेस्‍ये पूरा रूप्ने वचन प्रचार चेब शक्ति ङैने पीन्‍दे। येर्‌बे ङूदे ङैने डेन्‍याजे ङूरदे जूक्‍दीमीदे।

हिब्रू 12:15

होस्स्यार क्‍यूर, परमेश्‍वरजे अनुग्रह सूमीदेये अम्‍प्रे अन्क्यूस्स्य, मेस्ये सेम्ने अन्‍ज्‍य पोजे छ डोम्‍बदेबे हम्‍ब अन्‍ज्‍य छदे त्‍यात्‍याने अन्‍थून अन्‍चीस्‍स्‍य, मेस्‍ये कूम मीयूने अशुद्ध अन्‍चीस्‍स्‍य।

हिब्रू 2:9

तर ङीनदे येशूने तङ्क्‍य। ङूने खात्‍यात्‍यामे स्‍वर्गदूतयू यली ते-चीद चीम्‍मीदे, सीब पर्‌दे सकस् भोक्‍तीकदेबे महिमा मेस्‍ये गेसेन्जे मुकुट ङूने कूमीदे। येर्‌बे परमेश्‍वरजे अनुग्रहदे चीत्देबे मीयू क्‍वाजे लागि ङू सेक्‍कदे।