तीतस 1:15 - घले नयाँ करार

¹⁵ शुद्ध मीजे लागि साप्‍ता थोक‍ने शुद्धने क्यूक्क्य। तर अशुद्ध मेस्ये विश्‍वास अन्‍चेब मीयूजे लागि यलो चैपोये शुद्ध अङ्क्यूर्, थमयूजे सेम् मेस्ये विवेकये च्‍याप्‍पाने नोङ्येब क्यूक्क्य।

तीतस 1:15 ပူးပေါင်းရင်းမြစ်များ

मत्ती 15:18

तर कम्‍ब पोयू ङूर्‌दे फीने योङ्‍रीय, हम्‍ब सेम्‍देने योङ्‍रब क्‍यूक्‍क्‍य, मेस्‍ये हम्‍ब पोदेने मीयूने अशुद्ध चीक्‍क्‍य।

मूल स्यूस्स्यायूजे कामजे किताब 10:15

हम्‍ब आवाज फेरि ङ्‍ही खेप् पलोनेये ङूदे तदे, “परमेश्‍वरदे कम्‍ब शुद्ध चीक्‍क ख्यङ् हम्‍बने नदे अशुद्ध अम्‍मन्‍लाची।”

रोमी 14:14

ङ प्रभू येशूप्रे क्‍यूरब कारणदे, चसेयू रङ्सेदेने चूर अन्‍क्‍यूर यब पो पक्क ख्यङ्, तर सूदे हम्‍ब चसे चूर मन्‍क्‍य, ङूने हम्‍ब चसे चूर क्‍यूक्‍क्‍य।

रोमी 14:20

चसेजे लागि परमेश्‍वरजे काम नाश अन्‍चील्‍लाची। तम्दम्ने यलो साप्‍ता सेने चोखो ख्यङ्, तर रङ्सेदे चब सेदे सूजो मीने बाधा पीनब ज्‍य दी।

रोमी 14:23

तर कोइदे शङ्का चीत्‍देबे चसे चदे यलो परमेश्‍वरदे ङूने दोष ख्‍यब ठर्‌दीय, चेनेयलो ङूदे विश्‍वास अन्‍चील्‍लाबे च ख्यङ्। विश्‍वास अन्‍चेब साप्‍ता पो पाप ख्यङ्।

१ कोरिन्थी 10:23

“साप्‍ता थोकने चेक्यूक्क्य”, तर साप्‍ता थोकदे भलो अन्‍ची। “साप्‍ता थोकने चेक्यूक्क्य”, यदेबे यीय तर साप्‍ता पोदे ङीनने सूधार चेब काम अन्‍ची।

१ कोरिन्थी 10:25

स्‍य सोङब नेने च सोङ्क्‍य हम्‍ब ज्‍य प्रे अन्‍ज्‍य छूर्‌ते ख्‍वब रङ्से बुद्धिजे लागि चैये ल्‍वे-स्‍य्‍वे अन्‍चील्‍लाबे च खूइय।

१ कोरिन्थी 10:31

येरेक्‍यूत्‍देबे नमयूदे या चैनू या थूङ्नू या चने-चील्‍लीने साप्‍ताने परमेश्‍वरजे महिमाजे लागि ची।

१ कोरिन्थी 8:7

तर विश्‍वासीयू क्‍वाप्रेने अम्‍ब पोजे ज्ञान त्‍वो। कोइ मीयूने मुर्ति पूजाजे अन्‍ज्‍य म्‍यूक्‍री गीले ख्यङ्, यी थमयूदे येर चसे चब तम्दम्ने मूर्तिने चेर्‌दीयेब चसे चेन मन ख्यङ्, मेस्‍ये थमयूजे विवेक ज्य त्वोदेबे हम्‍बदे थमयू अशुद्ध क्‍यूक्क्‍य।

१ तिमोथी 6:5

मेस्‍ये बुद्धि नोङ्येब मेस्ये सत्यदे आलाक्के क्‍यूरेब मीयूजे अन्‍द्रने कचेला चीक्‍क्‍य, होर्‌दे परमेश्‍वरने मन्‍दे यब फाइदा लङ काम त्‍या ख्यङ् यदेबे थमयूदे मन्क्‍य।

हिब्रू 10:22

होरेक्‍यूत्‍देबे क्रूसने सीयेब येशूजे कादे ङीन्‍जे अन्‍ज्‍य विवेकने शुद्ध चीक्‍क्य। शुद्ध क्‍यूदे ङीन्‍जे ङ्व ठूदेबे तम्दम् सेम्दे विश्‍वासजे पुरा भर्‌‍ने ङीन परमेश्‍वरजे खूम्‍ने प्रे।

हिब्रू 12:15

होस्स्यार क्‍यूर, परमेश्‍वरजे अनुग्रह सूमीदेये अम्‍प्रे अन्क्यूस्स्य, मेस्ये सेम्ने अन्‍ज्‍य पोजे छ डोम्‍बदेबे हम्‍ब अन्‍ज्‍य छदे त्‍यात्‍याने अन्‍थून अन्‍चीस्‍स्‍य, मेस्‍ये कूम मीयूने अशुद्ध अन्‍चीस्‍स्‍य।

हिब्रू 9:14

ख्रीष्‍टजे कादे नमयूजे चैये काम अन्‍लादेब विवेकने अझ थेप् कूम शुद्ध चीम्‍मीय, मेस्‍ये नमयूदे सोम्‍बो परमेश्‍वरजे सेवा चे खूस्‍य। चेनेयलो येतार्‌ने क्यून्‍नब परमेश्‍वरजे आत्माप्रे क्यूत्देबे ख्रीष्‍टदे रङ्सेने चैये खोट् त्‍वब बलिजे रूप्‍ने परमेश्‍वरने चेर्‌तीपीदे।