तीतस 1:10 - घले नयाँ करार

¹⁰ चेनेयलो कूम मीयू सूजो मीजे नङ्ने अन्‍टोङ्, सीती-सीतीजे पोयू चे, छल्‍लेबयू ख्यङ्। थेप्‍प्र खतना चेबयू ब येरने क्‍यूक्‍क्‍य।

तीतस 1:10 ပူးပေါင်းရင်းမြစ်များ

मत्ती 23:14

[“धिक्‍कार पन्‍डे मेस्ये फरिसीयू, नमयू, कप्‍टी ख्यङ्! चेनेयलो नमयूदे प्‍ल्‍यङ् सीयेब मदीयूजे कीम् लेङ्‍गे ख्यङ्, मेस्‍ये मीयूने तनने रेङ-रेङ प्रार्थना चेख्यङ्। येरेक्‍यूत्‍देबे सूजो मीयूदे यली नमयूदे कूम सजाइ प्रेक्क्‍य।]

मूल स्यूस्स्यायूजे कामजे किताब 11:2

कन्‍छ्वाब पत्रुस यरूशलेमने फ्‍योर्‌दे, हन्‍छ्वाब खतना चेब मीयूजे हुलदे ङूने येर्‌बे दोष चे मैदे,

मूल स्यूस्स्यायूजे कामजे किताब 15:1

कोइ मीयूदे यहूदियादे एन्टिओखियाने रदेबे अत-च्योन्‌यूने येर शिक्षा पीनने सुरुचीत्‍दे, “नमयू मोशाजे पेग अनुसार खतना अन्चीत्‍दे यलो नमयूजे उद्धार क्‍यूर अन्खू।”

मूल स्यूस्स्यायूजे कामजे किताब 15:24

ङीदे त ख्यङ्, ङीजे अन्‍द्रदे गीलेब कोइ कोइयूदे बीयूङ् शिक्षा पीन्‍देबे नमयूने छरङ् पीन्दे यब पो ङीदे त ख्यङ्। तर ङीदे हम्‍ब मीयूने कूल्‍बे दी।

मूल स्यूस्स्यायूजे कामजे किताब 20:29

चेनेयलो ङैने था ख्यङ्, ङ प्रमेस्‍ये नमयूजे अन्द्रने फत्‍या च्यूङ्‍कूयू क्‍योरीय, हम्‍बदे बगलने बाँकी येस्‍स्‍ये त्‍वो।

गलाती 2:4

अम्‍ब खतनाजे पो लङ्दे, कोला लूच्‍च अत-च्योन्‌यू ङीन हुल नङ्ने नङ्सू क्‍योरदे चेनेयलो ख्रीष्‍टने क्‍यूत्‍देबे ङीनदे प्रेब स्‍वतन्‍त्रताजे च्‍यूव चीत्‍देबे ङीनने यहूदी नियमजे नङ्ने येमे ख्यङ्।

गलाती 3:1

मूर्ख गलातीयू, नमयूने सूदे होम्‍कदे? नमयूजे म्‍यादे तङ्लाबेने येशू ख्रीष्‍ट क्रूसने खील् ठोक्‍दीदेबे पील्‍कब पो चेलाबे स्‍योदे ख्‍य।

एफिसी 4:14

होर्‌दे छट्‍टू मीजे पीरीपीरीजे शिक्षाजे छल्दे कने प्‍लेके होनेने कूबब चीद-चीद पीचयूप्र ङीन अन्‍क्यूल्‍लाचीदे। थमयूदे योनब ठग शिक्षादे सूजो मीयूने अन्‍ज्‍य लम्‍तेले कूबीय।

१ तिमोथी 1:4

नदे थमयूने दन्त्य कथायू मेस्ये कलङ्बेये जेन-अन्‍ख्‍वब वंशयू तेलेजे पोयूने अल्मल् क्यूस्स्ये अम्पीन्लाची। अम्ब पोयूदे अर्थ त्वब च्य-फाने थेप् चीक्‍क्य मेस्ये परमेश्‍वरने विश्‍वास चीत्देबे जीया चने साक्‍तीस्ये त्वो।

१ तिमोथी 1:6

कोइ मीयू अम्‍ब पोयूने येल्‍देबे सीत्‍तीने काम अन्‍लादेब पोयूने अल्मल् क्‍यून्‍न ख्यङ्।

१ तिमोथी 1:9

ङीनदे अम्‍बये स्‍ये ख्यङ् यी मोशाजे नियम ज्‍य मीयूजे लागि दी, तर अम्‍ब नियम अम्‍मन्‍देयू मेस्ये आज्ञा अन्‍ङ्‍यीनयूजे लागि, परमेश्‍वर अम्मन्‍दे, पापीयू, पवित्र त्‍वब, धर्म अम्‍मन्देयू मेस्ये प-मने सेबयूजे लागि, मी सेबयूजे लागि,

२ तिमोथी 3:13

तर दुष्‍ट मेस्ये ठग्दे मीयूदे सूजोने ठग्‍दीब रङ्सेये ठग्दीगीय, मेस्ये थमयू झन् थेप् दुष्‍ट क्‍यूप्पीय।

२ तिमोथी 4:4

थमयूदे सत्य पोयू अङ्‍-ङ्यीन्‍लाबे पार्‌त्‍या योर् प्रीय मेस्‍ये दन्त्य कथायूत्‍या ङ्‍यीनने सेम् पर्‌तीय।

तीतस 1:6

एल्डरयू मदी तीत्‍यात्‍या ङ्येन् चेब मेस्‍ये मीयूदे दोष लैदे अङ्ख्‍वब, ङूजे च-चीमीयू विश्‍वास चेब क्यूस्स्य, मेस्‍ये ज्‍य आनि-बानी मेस्‍ये ज्‍य आज्ञा मन्‍देब क्‍यूस्‍स्‍य।

याकूब 1:26

कादेये कोइमीदे परमेश्‍वरने चेलाबे पूस्‍तीन ख्यङ् मन्‍नीय, तर रङ्से लीने तह अन्लैदीदेयलो रङ्सेने धोका पीन्‍क्‍य, होर्‌दे हम्‍ब मीदे सीत्‍तीनेत्‍या परमेश्‍वर पूस्‍तीनब क्‍यूक्‍क्‍य।

१ यूहन्‍ना 2:18

ङैजे पीचयू, अम्‍ब आखिरी सेमे ख्यङ्। ख्रीष्‍टजे विरोध चेब रेन ख्यङ् यब पो नमयूदे त ख्यङ्। होरेक्‍यूत्‍देबे ङीनदे स्‍ये ख्यङ्, अम्‍ब आखिरीजेसेमे ख्यङ्।

१ यूहन्‍ना 2:4

सूदे “ङैदे ङू स्‍ये ख्यङ्” यीय तर ङूजे आज्ञायू मन्‍दे अन्ङ्‍यीन्‍लो हम्‍ब लूच्‍च क्‍यूक्‍क्‍य, मेस्‍ये हम्‍बजे सेम्‍ने सत्य अन्‍क्‍यूर्।

१ यूहन्‍ना 4:1

छेब ख्योन्‌यू, कम्‍ब क्‍यूक्‍को हम्‍ब आत्माने विश्‍वास अन्‍चील्‍लाची, तर आत्मायू परमेश्‍वरदे पीनब टोङ् यी सूजो टोङ् यदेबे हम्‍बजे जाँच ची। चेनेयलो कूम लूच्‍च अगमवक्तायू अम्‍ब संसारने योङ्‍र ख्यङ्।

प्रकाश 2:14

तर नमयूजे विरोधने चत्‍या पोयू ङैप्रे ख्यङ्, चेनेयलो नमयूप्रे कोइ-कोइ येरमीयू ख्यङ्, बालामदे लोम्‍मेब पोयू थमयूदे मन्‍दे ख्यङ्। इस्राएलजे मीयूने पाप चीस्‍से पीनजे लागि मूर्तियूने चेर्‌दीयेब चसे चने मेस्‍ये वेश्य काम चेने बालामदे बालाकने लोम्‍मीदे।

प्रकाश 2:6

तर नमयूप्रे अम्‍ब ज्‍य पो ख्यङ्, ङैदे चेप्रने नमयूदेये निकोलाईटसयूजे कामने घीन चे-ख्यङ्।