रोमी 9:3 - घले नयाँ करार

³ ङैजे यहूदी अत-अची च्योन्‌यूदे उद्धार प्रेस्य यब त्‍या ङैजे इच्छा ख्यङ्, बरू ङ श्राप प्रेत्‍देबे ख्रीष्‍टप्रे चीन्‍तङ् क्‍यूल्‍लीने, ङ सूग ख्यङ्दे।

रोमी 9:3 ပူးပေါင်းရင်းမြစ်များ

मूल स्यूस्स्यायूजे कामजे किताब 13:26

“ओ, अब्राहामजे छगूम्-पूर्‌गूम्, मेस्‍ये नमयू नङ्ने परमेश्‍वरने मन्‍देब च्योन्‌यू, अम्‍ब मुक्तिजे खबर परमेश्‍वरदे ङीन क्वाजे लागि चङ्बे ख्यङ्।

मूल स्यूस्स्यायूजे कामजे किताब 22:5

पात्‍ता केन् पूस्‍र्‌या मेस्ये पात्‍ता केन् सभाजे क्वादेने ङैजे तर्फने गवाही पीन्क्‍य। थमयूजे तर्फदे च्योन्‌यूजे मीन्‍ने पूर्‌जी प्रेत्‍देबे ङ होने ख्‍यब विश्‍वासीयूने ख्‍यादेबे यरूशलेमने रेत्‍देबे सजाइ पीनने दमस्कस‍ने गीले ख्य।

मूल स्यूस्स्यायूजे कामजे किताब 28:21

थमयूदे ङूने यदे, “ङीदे नैजे बारेने यहूदियाजे चिट्ठी चैत्‍याये अम्‍प्रे। कोइ च्योन्‌यूदे रदेबे नैजे विरुद्धने अन्ज्‍य पो चैत्‍याये अन्स्‍य्‍वे या अन्क्‍यम्।

रोमी 1:3

हम्‍ब सूगब खबरब परमेश्‍वरजे च ङीन प्रभू येशू ख्रीष्‍टजे बारेने ख्‍य। ङू दाऊद मूरूम्जे वंशजे मी क्‍यूत्‍देबे जन्मीदीदे।

रोमी 11:1

येरेक्‍यूत्‍देबे ङ लोक्‍क्‍य, “होरेयलो परमेश्‍वरदे ङूजे मीयूने क्‍याबे औ?” दी! ङ रङ्सेये अब्राहामजे छगूम्-पूर्‌गूम्, बेन्‍यामीन कुलजे यहूदी ख्यङ्।

रोमी 11:14

येर आशा चीक्‍क्‍य अम्‍ब कामदे ङैजे रङ्से जात‍जे मीयूदेये ठेन्स्य, मेस्‍ये थमयू नङ्ने कोइ कोइदेब उद्धार प्रेखूस्‍य।

रोमी 16:11

ङैजे रङ्से मी हेरोदियनने नमस्‍कार येमी। प्रभूने विश्‍वास चेब नर्किससजे कीम्ने ख्‍यब क्‍वानेने नमस्‍कार येबी।

रोमी 16:21

ङैप्रे काम फरब तिमोथी, मेस्‍ये ङैजे रङ्से मीयू लुकियस, यासोन मेस्‍ये सोसिपात्रोसदेये नमयूने नमस्‍कार येबे ख्यङ्।

रोमी 16:7

ङैप्रे-प्रे कैदने टूङ्क्‍कब रङ्से मी एन्ड्रोनिकस मेस्‍ये युनियसनेये नमस्‍कार येबी। मूल स्यूस्स्यायू नङ्ने थमयूजे न-मीन् चील्‍ले ख्यङ्, मेस्‍ये ङैदे विश्‍वास चेयली खूम्ने थमयूदे ख्रीष्‍टने विश्‍वास चीक्‍क ख्‍य।

रोमी 9:2

ङैजे सेम्ने सोरो शोक् मेस्‍ये कलङ्नेयली सेम् ठोन ख्यङ्।

१ कोरिन्थी 12:3

परमेश्‍वरजे आत्मादे च्‍योल्‍देबे क्‍यमब सूमीदेये “येशूने श्राप टस्‍य” अन्‌-य, होर्‌दे पवित्र आत्मादे च्‍योल्‍देबेत्‍यामे “येशूब प्रभु ख्यङ्” य खूइय, येरेक्‍यूत्‍देबे अम्‍ब पो नमयूदे स्‍येस्‍य मन ख्यङ्।

१ कोरिन्थी 16:22

कोइदे प्रभुने प्रेम अन्‍चील्‍लो हम्‍ब मीने श्राप टस्‍य। ओ ङीन्‍जे प्रभु, ख!

२ कोरिन्थी 12:15

ङ सोरो सूग्‍देबे नमयूजे लागि साप्‍ताने पीन्‍क्‍य, मेस्‍ये ङैजे जीयाये नमयूजे लागि पीन्‍क्‍य। कादेये ङैदे नमयूने कूम प्रेम चीत्‍दे यलो च नमयूदे ङैने छीत्‍या प्रेमचे औ?

गलाती 1:8

ङीनदे प्रचार चेब सूगब खबरने बीयूङ् चीत्‍देबे ङीनदे या स्वर्गदे रब दूतदे प्रचार चीत्‍दे यलीने हम्‍बदे श्राप प्रेस्‍स्‍य।

गलाती 1:9

ङीदे खूम्‍मेस्‍येने यप्रने ङ फेरि चूजोये यीय, नमयूदे कम्‍ब सूगब खबर ङ्‍यीन्‍दे मेस्‍ये मन्‍दीदे, हम्‍बने सूजो सूदेये नमयूने बीयूङ् प्रचार चीक्‍क्‍य यलो, हम्‍बदे श्राप प्रेस्‍स्‍य।

गलाती 3:10

मोशाजे नियम फ्‍याने भर् पर्‌देबयू क्वादेने श्राप प्रेक्‍क्‍य, चेनेयलो धर्मशास्‍त्रने येर्‌बे लिख्दीये ख्यङ्, “मोशाजे नियमजे किताबने लिख्दीयेब साप्‍ता पो अनुसार अन्‍टोङब मेस्‍ये हम्‍ब अम्‍मन्‍देब क्‍वादेने श्राप प्रेक्‍क्‍य।”

गलाती 3:13

ङीनदे प्रे पर्‌देब श्राप ख्रीष्‍टदे प्‍लेत्‍दे मेस्‍ये मोशाजे नियम अनुसार प्रे पर्‌तेब श्रापदे ङीनने छूर्‌दीमीदे, चेनेयलो “तोङ्बोने पीलब क्‍वाने श्राप प्रेब क्‍यूक्‍क्‍य” यदेबे धर्मशास्‍त्रने लिख्दीये ख्यङ्।

एफिसी 6:5

त्‍वो-त्‍वोमयू ख्रीष्‍टजे सेवा चेप्रने ईमानदारी क्‍यूत्‍देबे नमयूजे संसारजे मालिकयूदे यब आज्ञा मन्‍दी।