रोमी 8:7 - घले नयाँ करार

⁷ पापी स्वभाव अनुसार प्रब मी परमेश्‍वरजे शत्रु ख्यङ्। चेनेयलो ङूदे मोशाजे नियम अम्‍मन्‍दी मेस्‍ये मन्‍देये अन्‍खू।

रोमी 8:7 ပူးပေါင်းရင်းမြစ်များ

मत्ती 12:34

ओ र्‌वेजे पीचयू! नमयू अन्ज्‍य ख्यङ्यलो सोरो ज्‍य पो केर्‌बे क्‍यम खूइय? चेनेयलो सेम्ने च ख्‍य हम्‍ब पोयूने ङूर्‌दे योङ्‍रीय।

मत्ती 5:19

येरेक्‍यूत्‍देबे सूदे अम्‍ब आज्ञायू नङ्ने पात्‍ता चीद तीत्‍यानेये अम्‍मन्‍दे चीक्क्‍य, मेस्‍ये मीयूनेये अम्‍मन्‍दीलाची यदेबे लोम्‍मीलो हम्‍ब स्वर्गजे राज्‍यने पात्‍ता चीद क्‍यूक्क्‍य। तर सूदे हम्‍ब आज्ञायू मन्‍दीय मेस्‍ये मीयूने लोम्‍मीदेयलो, हम्‍ब स्वर्गजे राज्‍यने केन् क्‍यूक्क्‍य।

यूहन्‍ना 7:7

संसारजे मीयूदे नमयूने ह्‍यल चे अन्खू, तर ङैने ह्‍यल चीक्‍क्‍य, चेनेयलो ङैदे संसारजे मीयूदे चेब कामयू दुष्‍ट ख्यङ् यदेबे ङैदे गवाही पीन्‍क्‍य।

रोमी 1:28

येर्‌बे थमयूदे परमेश्‍वरने तम्दम् पोने ठीक अन्‍थेदेबे परमेश्‍वरदे थमयूने चे अन्‍क्‍यूरब काम चेने अन्‍ज्‍य भस्‍त्व चेब सेम् क्‍यून्‍नूस्‍य यदेबे क्‍यापीदे।

रोमी 1:30

मेस्‍ये मीजे न प्‍वे, परमेश्‍वरने ह्‍यल चेब, जीद्‍दी चेब, सोरो केन् त्‍वेब, केन् क्‍यूरब, अन्‍ज्‍य पो बन्‍तीदेबे क्‍यमे क्‍यमे प्रब, प-मजे आज्ञा अम्‍मन्‍देब,

रोमी 3:31

परमेश्‍वरजे खूम्‍ने विश्‍वास चीत्‍देबे धर्मी ठहर्‌दीय यलो च मोशाजे नियमब काम अन्‍लादे क्‍यूप्पीया? अँह दी। बरू ङीयू मोशाजे नियमने मन्‍दीनीय।

रोमी 5:10

चेनेयलो ङीन परमेश्‍वरजे शत्रु ख्यङ्बने ङूजे च येशू ख्रीष्‍ट ङीन्‍जे लागि सीइदेबे परमेश्‍वरप्रे मिलाप क्‍यूक्‍क ख्‍य यलो, झन् थेप् ख्रीष्‍टजे जीयादे ङीनने बच्‍दीमीय।

रोमी 7:22

ङैजे सेम् नङ्ने परमेश्‍वरजे नियम ख्यङ्देबे सूगप्रे ख्यङ्,

रोमी 8:4

येर्‌बे पापी स्वभाव अनुसार प्रब दी, तर पवित्र आत्‍मा अनुसार प्रब मीयूजे लागि मोशाजे नियमदे चैतेब पो पूरा चे ख्यङ्।

१ कोरिन्थी 2:14

सूप्रे परमेश्‍वरजे आत्मा अन्‍क्‍यूर्, हम्‍बदे परमेश्‍वरजे आत्माजे बरयूने विश्‍वास अन्‍ची। हम्‍ब बरयू ङूजे लागि मूर्ख पो क्यूक्क्य मेस्ये ङूदे हम्‍ब क्‍व अङ्‍खू, चेनेयलो हम्‍ब पोयू आत्मादे त्‍यामे क्‍व खूइय।

१ कोरिन्थी 9:21

मोशाजे नियमजे नङने अन्‍टूङब मीयूदे ख्रीष्‍टने विश्‍वास चेखूस्‍य यदेबे ङ मोशाजे नियमजे नङ्‍ने अन्‍टूङबयूप्रने क्‍यूत्‍दे। तर परमेश्‍वरजे नियमदे ङ स्‍वतन्‍त्र त्‍वो, ङ ख्रीष्‍टजे नियमजे नङ्ने ख्यङ्।

कलस्सी 1:21

त्‍याफे नमयूजे सेम्ने अन्‍ज्‍य पोयू मन ख्‍य मेस्‍ये अन्‍ज्‍य कामयू चीक्‍क ख्‍य होरेक्‍यूत्‍देबे नमयू परमेश्‍वरप्रे चीन्‍तङ् क्‍यूत्‍दे मेस्‍ये परमेश्‍वरजे शत्रु क्‍यूक्‍क ख्‍य।

कलस्सी 2:18

रङ्सेजे ङ्वने सकस् पीनब पोनेत्‍या ट्‌यादेबे, स्‍वर्गदूतने पूस्‍तीस्ये पीन्‍देबे, रङ्सेजे ज्ञानदे तङब पोनेत्‍या क्‍यूत्‍देबे, रङ्सेजे सेम्दे च चीतीङ्‍र हम्‍ब पोने केन् त्‍वोत्‍देबे प्रब सूमीदेये नमयूजे प्रेपर्‌तेब इनाम मल्बेब काम चे अङ्‍खूस्य।

२ तिमोथी 3:4

धोका पीनब, उत्ताउलो, केन् त्‍वोत्‍देबे प्रब मेस्‍ये परमेश्‍वरने अम्‍मन्‍दीलाबे मोज-मज्‍जा चेने सेम् पर्‌तेब क्यूक्‍क्य।

हिब्रू 8:10

हम्‍ब दिनङ्‍येदे ङ इस्राएलजे मीयूप्रे अम्‍ब करार चीक्‍क्‍य यदेब परमप्रभू य ख्यङ्, ङैजे नियम थमयूजे सेम्ने येम्‍मीय, मेस्‍ये हम्‍ब नियम थमयूजे सेम्‍नेये लिख्दीमीय। ङ थमयूजे परमेश्‍वर क्‍यूक्‍क्‍य, होर्‌दे थमयू ङैजे मीयू क्‍यूक्‍क्‍य।

याकूब 4:4

वेश्य मीयू, अम्‍ब संसारने माया चेब परमेश्‍वरजे शत्रु ख्यङ् यब पो च नमयूने था त्‍वा? येरेक्‍यूत्‍देबे सूदे संसारने माया चीत्‍तीङ् रीय हम्‍बदे रङ्सेने परमेश्‍वरजे शत्रु क्‍यूस्‍स्ये पीन्‍क्‍य।

२ पत्रुस 2:14

थमयूजे म्‍यादे कलङ्नेयली वेश्य काम चेब लम्त्‍यामे लेन्‍नीय, पापजे काम अन्‍चीत्‍दासेमे थमयूजे सेम् सूग्‍स्‍ये त्‍वो। थमयूदे कमजोर मीयूने पाप चेने फस्तीपीय। लोभ चीत्‍देबे चत्‍यासे प्रेजे लागि थमयू ख्‍यक्‍कू ख्यङ्, थमयू फ्याने परमेश्‍वरदजे श्राप पीन्‍क्‍य।