रोमी 8:3 - घले नयाँ करार

³ पापी स्‍वभावदे मीने कमजोर चेब क्यूत्देबे मोशाजे नियमदे च चे अङ्‍खू हम्ब परमेश्‍वरदे चीम्‍मीदे। परमेश्‍वरदे रङ्से चने ङीन्‍जे ङ्वप्रेने ङीनजे पापजे लागि बलि क्‍यूरने कूल्‍बीदे येर्‌बे ङीन फ्‍याने राज्‍य चेब पापी स्वभावने नाश चीप्‍पीदे।

रोमी 8:3 ပူးပေါင်းရင်းမြစ်များ

मर्कूस 15:27

थमयूदे येशूप्रे खूमान् ङ्‌हीने खील् ठोक्‍दीदेबे क्रूसने पील्‍दे, त्‍याने येशूजे योन्‍देयोर्‌ मेस्‍ये त्‍याने स्येत्‍देयोर्‌।

यूहन्‍ना 1:14

वचन ङ्व क्‍यूत्‍देबे रदे, मेस्‍ये अनुग्रह मेस्‍ये तम्दम्‍दे फ्यादेबे ङीनजे अन्द्रने बास टूङ्दे। ङीनदे ङूजे महिमा तङ्दे, हम्‍ब महिमा प ट्‌यादे रब तीत्‍या चजेप्र ख्‍य।

यूहन्‍ना 9:24

हन्‍छ्वामेस्‍ये हम्‍ब खूम् म्‍या अन्‍तङ ख्‍यब मीने थमयूदे फेरि कोदेबे यदे, “परमेश्‍वरने महिमा पीन्। ङीने था ख्यङ् हम्‍ब मी पक्‍कने पापी ख्यङ्।”

मूल स्यूस्स्यायूजे कामजे किताब 13:39

नम विश्‍वास चेबयू क्वादेने येशूने क्यूत्देबे साप्‍ता पोयूदे छुटकारा प्रेक्क ख्यङ्, हम्‍ब छुटकारा मोशाजे नियमने क्यूत्देबे नमयूजे लागि क्‍यूरने अन्ख्वब पो ते ख्य।

रोमी 3:20

मोशाजे नियम त्‍या मन्‍दीदेबे सूमीये परमेश्‍वरजे खूम्दे धर्मी ठर्‌दीस्‍ये त्‍वो, चेनेयलो मोशाजे नियमदेब मीजे पाप तम्‍मीय।

रोमी 6:6

ङीनने था ख्यङ्, ङीन्‍जे पापजे स्‍वभाव ङूप्रे क्रूसने खील् ठोक्‍दीदेबे पील्‍कदे, येरेक्‍यूत्‍देबे ङीन्‍जे पापजे स्‍वभाव नाश क्यूस्स्य, मेस्‍ये होरदे छो ङीन पापजे त्वो-त्वोम अन्‍क्‍यूरला चीदे।

रोमी 7:18

चेनेयलो ङैने था ख्यङ्, ङैजे पापी स्वभावने तीत्‍यात्‍याये ज्‍य पो अन्‍टूङ्। कम्‍ब ज्‍य काम ख्यङ्, तर हम्‍ब चीस्‍ये मन्लीने ङैदे चे अङ्‍खू।

रोमी 8:32

ङूदे रङ्से चनेये जूक्‍तीदेबे अन्‍ही, तर ङीन्जे लागि पीन्‍दे। ङीनयूजे लागि रङ्से चये पीनबदे झन् ङूप्रे सूजो साप्‍ता पोने ङीनने अम्‍पीनया?

रोमी 9:3

ङैजे यहूदी अत-अची च्योन्‌यूदे उद्धार प्रेस्य यब त्‍या ङैजे इच्छा ख्यङ्, बरू ङ श्राप प्रेत्‍देबे ख्रीष्‍टप्रे चीन्‍तङ् क्‍यूल्‍लीने, ङ सूग ख्यङ्दे।

२ कोरिन्थी 5:21

चेनेयलो ङीन ख्रीष्‍टप्रे क्‍यूत्‍देबे परमेश्‍वरजे खूम्ने धर्मी ठर्‌ते खूस्‍य यदेबे पापने अन्‍स्‍येब ख्रीष्‍टने परमेश्‍वरदे ङीनजे पापजे बलि क्यूस्से पीन्‍दे।

गलाती 3:13

ङीनदे प्रे पर्‌देब श्राप ख्रीष्‍टदे प्‍लेत्‍दे मेस्‍ये मोशाजे नियम अनुसार प्रे पर्‌तेब श्रापदे ङीनने छूर्‌दीमीदे, चेनेयलो “तोङ्बोने पीलब क्‍वाने श्राप प्रेब क्‍यूक्‍क्‍य” यदेबे धर्मशास्‍त्रने लिख्दीये ख्यङ्।

गलाती 3:21

होरेयलो मोशाजे नियम परमेश्‍वर‌जे कबुलयूजे विरुद्धने ख्‍य औ? अँह तेने-दी। कादेये जीया पीन ख्‍वब मोशाजे नियम पीन यलो, तम्दम्‍ने मोशाजे नियम‍देने मीयू धर्मी ठर्‌ते ख्यङ्दे।

फिलिप्पी 2:7

तर रङ्सेनेब च्‍याप्‍पाने थैन्‍देन् चीत्‍देबे त्वोजे रूप् कीन्‍देबे, ङू मीजे रुप् कीन्देबे जन्मीदीदे।

हिब्रू 10:12

तर ख्रीष्‍टदे पापयूजे लागि येतार्‌ने पूक्‍तेब तीत्‍यात्‍या बलि पीन्‍दे, होर्‌दे ख्रीष्‍ट परमेश्‍वरजे स्येत्‍तेयोर् देन् छ्‌यान ख्यङ्।

हिब्रू 10:14

चेनेयलो बलि त्‍यादेने सू-सू पवित्र चीम्‍मीक ख्यङ्, येशूदे थमयू क्‍वानेने येतार्‌जे लागि सिद्ध चीम्‍मे ख्यङ्।

हिब्रू 2:14

हम्‍ब च-चीमीयू स्‍य-काजे ङ्व क्‍यूरबदे येशूये थमयूप्रने स्‍य-काजे ङ्व टेल्‍देबे जन्मीदीदे, येर्‌बे ङू रङ्से सीबदेबे, सीबला चेब शक्ति ख्‍यब शैतानने ङूदे नाश चीस्‍स्‍य,

हिब्रू 2:17

येरेक्‍यूत्‍देबे साप्‍ता पोने ङू रङ्से अत-अची च्योन्‌यूप्र क्‍यूर पर्‌तीदे, मेस्‍ये मीयूजे पापने क्षमा चीम्‍मेने परमेश्‍वरजे सेवा चेब कामने ङू कृपा चेब मेस्‍ये भर् पर्‌तेब पात्‍ता केन् पूस्‍र्‌या क्‍यूत्दे।

हिब्रू 4:15

चेनेयला ङीनजे पात्‍ता केन् पूस्‍र्‌यादे ङीन बोङ् त्‍व क्‍यूप्‍प ङीन्जे अवस्था अङ्ख्‍वब क्यूप्प ङीनप्रे तोङ्‌मेने अङ्‌ख्वब अन्क्यूर्। तर ङीनप्रने ङूये साप्‍ता थोकजे जाँचने पर्‌तीदेलीने पाप अन्‍चे ख्‍य।

१ पत्रुस 2:24

पापजे लागि ङीन सीबदेबे धार्मिकताजे लागि जीया चखूस्‍य यदेबे ख्रीष्‍टदे ङीनजे पाप रङ्से ङ्वने प्‍लेत्‍देबे क्रूसने पील्‍दे। ङूदे प्रेब कष्‍‍‍टजे मयूदे नमयू तम् क्‍यूत्‍दे।