रोमी 6:3 - घले नयाँ करार

³ नमयूने था त्‍वा, ङीन क्‍वादेने ख्रीष्‍ट येशूने बप्‍तिस्मा कीन्दे, ङूजे मृत्‍युनेने ङीन क्‍वादेने बप्‍तिस्मा कीन्‍क ख्‍य?

रोमी 6:3 ပူးပေါင်းရင်းမြစ်များ

मत्ती 28:19

येरेक्‍यूत्‍देबे प्र, मेस्‍ये देश देशजे मीयूने स्यूस्स्या बन्‍दी, परमेश्‍वर, च मेस्‍ये पवित्र आत्माजे मीन्‍ने थमयूने बप्‍तिस्मा पीन्,

मूल स्यूस्स्यायूजे कामजे किताब 19:5

अम्‍ब पो ङ्यीन्‍देबे थमयूदे प्रभु येशूजे मीन्‍ने बप्‍तिस्मा कीन्‍दे।

मूल स्यूस्स्यायूजे कामजे किताब 2:38

पत्रुसदे थमयूने यदे, “पश्‍चात्ताप ची, मेस्‍ये नमयूजे पाप-क्षमाजे लागि येशू ख्रीष्‍टजे मीन्‍ने नमयू क्वादेने बप्‍तिस्मा कीन्, मेस्‍ये नमयूदे पवित्र आत्माजे बर प्रेक्‍क्‍य।

मूल स्यूस्स्यायूजे कामजे किताब 8:16

चेनेयलो हन्‍छ्वा बीलसेमे थमयूजे सू फ्‍यानेये पवित्र आत्मा अन्‍र ख्‍य। प्रभु येशूजे मीन्‍नेत्‍यामे थमयूजे बप्‍तिस्मा क्‍यूरे ख्‍य।

रोमी 6:16

नमयूने था त्‍वा? सूजे पो ङ्‍यीन्‍देबे काम फर्‌तीङ्‍रीय, ङूजेने नमयू त्वो-त्वोम क्‍यूक्‍क्‍य। पापजे त्वो-त्वोम क्‍यूत्‍देबे ङूजेने आज्ञा मन्‍दीय यलो नमयू सीबीय, तर परमेश्‍वरजे आज्ञा मन्‍दीदेयलो नमयू ङूजे खूम्ने धर्मी ठर्‌दीय।

रोमी 6:8

तर कादेये ङीन ख्रीष्‍टप्रे सीये ख्यङ् यलो ङूप्रेने बच्‍देये प्रेक्क्य यदेबे ङीनदे विश्‍वास चे ख्यङ्।

रोमी 7:1

अत-अची च्योन्‌यू, ङ मोशाजे नियम स्‍येब मीयूने येन ख्यङ्। मी सोम्‍बो ख्यङ्दा सेमेत्‍या मोशाजे नियम मन्‍दीय यब नमयूने था त्‍वा?

१ कोरिन्थी 10:2

होर्‌दे मोशाप्रे-प्रे क्‍यूत्‍देबे थमयू क्‍वादेने मूक्‍प मेस्ये समुद्रने बप्‍तिस्मा क्‍यूक्‍क ख्‍य।

१ कोरिन्थी 12:13

चेनेयलो यहूदी क्‍यूल्‍लीने, ग्रीक क्‍यूल्‍लीने, त्वो-त्वोम क्‍यूल्‍लीने, त्वो-त्वोमदे स्वतन्त्र क्यूल्लीने तीत्यात्या पवित्र आत्मादे ङीन क्‍वाने बप्तिस्मा क्‍यूर प्रेत्‍देबे ङ्वत्‍या क्‍यूर ख्यङ्, मेस्ये परमेश्‍वरदे त्याप्र पवित्र आत्मा ङीन क्‍वानेने पीन्‍दे।

१ कोरिन्थी 15:29

कादेये सीयेबयू सोम्‍बो अन्‍चीम्‍मीदे यलो सीयेबयूजे लागि मीयूदे चेने बप्‍तिस्मा कीन? सीयेबयूजे लागि बप्‍तिस्मा कीनब चै-फाइदा क्‍यूत्‍दे?

१ कोरिन्थी 3:16

नमयू परमेश्‍वरजे मन्दिर ख्यङ्, होरदे परमेश्‍वरजे आत्मा नमयू नङ्ने टूङ्क्‍य यब पो नमयूने था त्‍वा?

१ कोरिन्थी 5:6

नमयू केन् त्‍वेब ज्‍य दी। क्‍यङ् बूलाबे चेब छीत्‍यात्‍या खमिरदे टक्क ता छ्‌योङ्बने पूलाबे चीप्‍पीय यब पो नमयूने था त्‍वा?

१ कोरिन्थी 6:19

नमयूजे ङ्व पवित्र आत्माजे मन्दिर ख्यङ्, हम्‍ब पवित्र आत्मा परमेश्‍वरदे नमयूने पीन ख्यङ्, मेस्‍ये ङू नमयूजे नङ्ने बास टूङ ख्यङ् यदेबे नमयूने था त्‍वा? नमयूजे रङ्से ङ्वये नमयूजे ते ख्यङ्।

१ कोरिन्थी 6:9

परमेश्‍वरजे राज्‍यने दुष्‍टयू क्‍योबब हक अम्‍प्रे यदेबे नमयूने था त्‍वा? नमयूदे धोका अम्‍प्रेस्‍स्‍य, छाडा काम चेबयू, मुर्ति पूस्‍तेयू, वेश्य काम चेबयू, मदी-मदी मेस्ये पती-पतीजे अन्द्रने प्रे ङ्यूमबयू, पती वेश्ययू,

१ कोरिन्थी 9:13

मन्दिरने काम फरबयूदे मन्दिरने चेर्‌तीयेब चसेयू चीय, होर्‌दे बलि चेर्‌तेब टेने काम फरबयूदे बलि चर्‌दीयेब सेजे रङ्से भा प्रेक्क्य यब पो नमयूने था त्‍व?

१ कोरिन्थी 9:24

ग्‍य पार्‌देब मीयू क्‍वाने ग्येय, तर इनाम ब तीत्‍यादे त्‍यामे प्रेक्क्य यब पो नमयूने था त्‍वा? नमयू इनाम प्रेब तर्‌दीप्‍दे ग्‍य।

२ कोरिन्थी 13:5

नमयूजे विश्‍वास ख्यङ् यी त्‍वो यदेबे रङ्सेदे रङ्सेने चेला ले। येरे चेला लेप्‍प विश्‍वास ख्‍यब प्रेत्‍देयलो येशू ख्रीष्‍ट नमयूप्रे ख्यङ् यदेबे नमयूने था क्‍यूर पर्‌तीय!

गलाती 3:27

चेनेयलो नमयू नङ्ने सू-सूदे ख्रीष्‍टजे मीन्‍ने बप्‍तिस्मा कीन्‍दे, नमयू क्‍वाने ख्रीष्‍टप्रने क्‍यूर ख्यङ्।

याकूब 4:4

वेश्य मीयू, अम्‍ब संसारने माया चेब परमेश्‍वरजे शत्रु ख्यङ् यब पो च नमयूने था त्‍वा? येरेक्‍यूत्‍देबे सूदे संसारने माया चीत्‍तीङ् रीय हम्‍बदे रङ्सेने परमेश्‍वरजे शत्रु क्‍यूस्‍स्ये पीन्‍क्‍य।

१ पत्रुस 3:21

अम्‍ब क्‍यूजे बप्‍तिस्मा कीनब च्यूनूप्रत्‍या ख्यङ्, अम्‍बदे नमयूने बच्‍दीमीय। अम्‍ब ङ्वजे मैल स्‍येल्‍बेप्र दी, तर अम्‍ब शुद्ध विवेक क्‍यूरजे लागि परमेश्‍वरप्रे चेब कबुल ख्यङ्। अम्‍ब बप्‍तिस्मादे सीइदेबे सोम्‍बो क्‍यूरब येशू ख्रीष्‍टजे कारण नमयूने बच्‍दीमीय।