रोमी 4:16 - घले नयाँ करार

¹⁶ होरेक्‍यूत्‍देबे अम्‍ब कबुल विश्‍वास फ्‍याने भरपर्‌तीय, येरेक्‍यूत्‍दे कबुल अनुग्रह फ्‍याने भर् पर्‌दीदेबे अब्राहामजे छगूम्-पूर्‌गूम् क्‍वाजे लागि पक्‍क क्यूस्स्य। अम्‍ब कबुल मोशाजे नियम मन्‍देयूजे लागि त्‍या दीलाबे अब्राहामदेप्र विश्‍वास चेब मीयूजे लागिये ख्यङ्, चेनेयलो अब्राहाम ङीन क्‍वाजे प ख्यङ्।

रोमी 4:16 ပူးပေါင်းရင်းမြစ်များ

लूका 19:9

होर्‌दे येशूदे ङूने यदे, “दीनी अम्‍ब कीम्ने मुक्ति रख्यङ्, चेनेयलो ङूये अब्राहामजे च ख्यङ्।

रोमी 15:8

ङ नमयूने यीय, ङीन्‍जे मेमेयूने परमेश्‍वरदे चेब कबुल तम्दम् ख्यङ् यदेबे तनने ख्रीष्‍ट खतना क्‍यूरब मीयूजे त्वो क्‍यूत्‍दे,

रोमी 3:22

येर्‌बे परमेश्‍वरदे येशू ख्रीष्‍टने विश्‍वास चेब क्‍वानेने धर्मी ठर्‍दीय, चेनेयलो परमेश्‍वरदे सूनेये साक्‍पूजा अन्‍ची।

रोमी 3:30

तम्दम्ने परमेश्‍वर तीत्‍यात्‍या ख्यङ्। ङूदे खतना चीक्‍कब मेस्‍ये खतना अन्‍चेब मी क्‍वानेने, थमयूजे विश्‍वासदेने धर्मी ठर्‌दीय।

रोमी 4:11

खतना अन्चीप्पने ङूजे विश्‍वासदे धर्मीजे च्‍यूनू या छापप्र प्रेक्‍क ख्‍य। खतना अन्‍चील्‍लाबेने विश्‍वास चीत्‍देबे धर्मी ठर्‌दीकब मी क्‍वाजे लागि ङू प क्यूस्स्य यब सूर्‌दे अम्‍ब क्‍यूर ख्यङ्।

रोमी 5:1

येरेक्‍यूत्‍देबे ङीन परमेश्‍वरने विश्‍वास चीत्‍देबे धर्मी ठर्‌दे ख्यङ्, होर्‌दे ङीन प्रभू येशू ख्रीष्‍टप्रे क्यूत्देबे परमेश्‍वरप्रे मिलाप क्‍यूर ख्यङ्।

रोमी 9:8

अम्‍ब यमेब अब्राहामजे छगूम्-पूर्‌गूम् क्‍वाने परमेश्‍वरजे च-चीमी दी। तर परमेश्‍वरदे पीन्‍क्‍य यदेबे करार चेब च-चीमी त्‍या अब्राहामजे छगूम्-पूर्‌गूम् क्यूक्क्य।

गलाती 3:14

अब्राहामने पीनेब असी ख्रीष्‍ट येशूने क्‍यूत्‍देबे यहूदी तेब मीयूदे प्रेस्स्‍य, होर्‌दे परमेश्‍वरने विश्‍वास चीत्‍देबे कबुल चीतेब पवित्र आत्मा ङीनदे प्रेखूस्‍य यदेबे ङूदे ङीनने लू फादेबे छूर्‌तीमीदे।

गलाती 3:16

अब्राहाम मेस्‍ये ङूजे छगूम्-पूर्‌गूम्‍ने कबुलयू पीने ख्‍य। धर्मशास्त्रदे “छगूम्-पूर्‌गूम्‍यूने” अन्-य, अम्‍बदे कूम मीयू यब अर्थ लादीय। तर धर्मशास्‍त्रदे “नैजे छगूम्-पूर्‌गूम्‍ने” यीय, अम्‍बदे मी तीत्‍या यब अर्थ लादीय, हम्‍ब ख्रीष्‍ट ख्यङ्।

गलाती 3:22

तर येशू ख्रीष्‍टने विश्‍वास चेब मीयूजे विश्‍वासदेने कबुल चेब असी प्रेस्‍स्‍य यदेबे धर्मशास्‍त्रदे साप्‍ता कूरूने पाप‍जे खोने स्‍योप्‍ये ख्यङ्।

एफिसी 2:5

येरेक्‍यूत्‍देबे पापने ङी सीइलीने ङूदे ङीनने ख्रीष्‍टप्रे सूला चीत्‍दे, परमेश्‍वरजे अनुग्रहदेने नमयूदे उद्धार प्रेख्यङ्।

एफिसी 2:8

परमेश्‍वरजे अनुग्रहदेने नमयूदे विश्‍वास चीत्‍देबे उद्धार प्रे ख्यङ्। मेस्‍ये अम्‍ब नमयू रङ्सेदेने धम चीत्‍देबे दी, अम्‍ब परमेश्‍वरदे पीनब बर ख्यङ्-

तीतस 3:7

ङूजे अनुग्रहदे धर्मी ठर्‌तीदेबे ङीनदे आशा चेब कलङ्बेये अन्‍सीबब जीयाजे हक प्रेब मी क्यूर खूस्‍य।

२ पत्रुस 1:10

येरेक्‍यूत्‍देबे अत-अजी च्योन्‌यू, परमेश्‍वरदे नमयूने क्‍व ख्यङ् मेस्‍ये सेल ख्यङ् यब पो पक्‍क चेने बेस्‍से बोङ् ची। अम्‍ब पोयू चीत्‍देयलो नमयूदे रङ्से विश्‍वास कलङ्बेये क्यापीसे त्वो।