रोमी 3:4 - घले नयाँ करार

⁴ होर अन्क्यूस्स्य, परमेश्‍वर तम्दम् मेस्‍ये मीयू क्‍वाने लूच्‍च ठर्‌दीस्‍य। येरे धर्मशास्‍त्रने लिख्दीये ख्यङ्, “नदे क्‍यमब पोने ठीक ठर्‌दीस्‍य, मेस्‍ये न्याय चे बीलने न ट्‌यास्‍य।”

रोमी 3:4 ပူးပေါင်းရင်းမြစ်များ

मत्ती 11:19

च-थूङ चीतेचीते मीजे च रदे, मेस्‍ये थमयूदे यदे, ‘ले, क्‍यने स्‍येब, च्‍यी स्‍य्‍वब मी, स्‍यर्‌म लङब मी मेस्‍ये पापीयूजे ख्‍योन्!’ बुद्धि ज्‍य ख्यङ् यब पो ङूजे कामयूदेने गवाही तन्‍क्‍य।”

लूका 20:16

ङू रदेबे हम्‍ब अध्‍या फरब मीयू सेक्‍कीय, मेस्‍ये रङ् सूजोयूने पीन्क्‍य।” मीयूदे अम्‍ब पो तदेबे यदे, “येर कलङ्बेये अन्क्यूस्स्य।”

यूहन्‍ना 3:33

ङूजे गवाही पत्‍तेब मीदे परमेश्‍वर सत्य ख्यङ् यब पोजे गवाही पीन्‍क्‍य।

रोमी 11:1

येरेक्‍यूत्‍देबे ङ लोक्‍क्‍य, “होरेयलो परमेश्‍वरदे ङूजे मीयूने क्‍याबे औ?” दी! ङ रङ्सेये अब्राहामजे छगूम्-पूर्‌गूम्, बेन्‍यामीन कुलजे यहूदी ख्यङ्।

रोमी 11:11

येरेक्‍यूत्‍देबे ङ लोक्‍क्‍य, “थमयू लङने अङ्ख्‍व क्‍यूरने च्‍या थूङ्ये औ स्व?” देने दी! तर इस्राएलदे चेब अपराधदे यहूदी तेब मीयूने उद्धार प्रेख्यङ्, होरेक्‍यूत्‍देबे इस्राएलये उद्धार प्रेजे लागि ठेन ख्यङ्।

रोमी 3:31

परमेश्‍वरजे खूम्‍ने विश्‍वास चीत्‍देबे धर्मी ठहर्‌दीय यलो च मोशाजे नियमब काम अन्‍लादे क्‍यूप्पीया? अँह दी। बरू ङीयू मोशाजे नियमने मन्‍दीनीय।

रोमी 6:15

जेम्‍से च चे? ङीन मोशाजे नियम नङ्ने त्‍वो, तर अनुग्रहजे नङ्ने ख्यङ् यदेबे ङीन पापने चीन्‍न औ? दी, येरे कलङ्बेये चे अन्‍क्‍यूर्‌।

रोमी 6:2

होरे चे अन्‍क्‍यूर! खूम ङीन पापजे कारणदे सीइदे, हम्‍ब पापनेने ङीन बच्‍दीन औ?

रोमी 7:13

कम्‍ब ज्‍य ख्यङ्, हम्‍बदे ङैने सीब पर्‌दे चीत्‍दा स्व? केर्‌बेये दी! तर पापब पापप्रने तङ्स्‍य यदेबे ज्‍य सेयू तेन्‍देबे पापदे ङैने सीब पर्‌दे चीत्दे, येरेक्‍यूत्‍देबे आज्ञा चील्‍दीदेबे पाप सोरोफत्‍या दुष्‍ट क्यूत्दे।

रोमी 7:7

होरेयलो ङीनदे च य? मोशाजे नियमब पाप औ? देने दी! कादेये मोशाजे नियम त्‍वयलो पाप यब ङैदे अन्‍स्‍ये ख्यङ्दे, चेनेयलो “नदे लोभ अन्‍चील्‍लाची” यदेबे मोशाजे नियमदे अन्‍स्‍य्‍वेयलो लोभ चे यब च ख्यङ्दे थाने अम्प्रे ख्यङ्दे।

रोमी 9:14

जेम्से ङीनदे च य? परमेश्‍वरदे अन्-न्याय चीक्‍क्‍या? चेने अन्क्व!

१ कोरिन्थी 6:15

नमयूजे ङ्व ख्रीष्‍ट येशूजे अङ्गयू ख्यङ् यदेबे नमयूने था त्‍वा? होरेक्‍यूल्‍लो ख्रीष्‍टजे अङ्ग टेल्‍देबे वेश्यजे अङ्ग चे औ? अम्‍ब क्‍यूरने अङ्‍खू।

२ कोरिन्थी 1:18

कलङ्बेये धोका अम्‍पीनब परमेश्‍वर क्‍यूरप्र ङैजे पोये खात्‍याने “क्‍यूक्‍क्‍य” होरदे खात्‍याने “अन्‍क्‍यूर्‌” यप्र त्‍वो।

गलाती 2:17

तर कादेये ख्रीष्‍टने धर्मी ठर्‌तेने बोङ् चीप्‍प ङीनदे पापने चीन्‍नब क्‍यूक्‍क्‍य यलो, ख्रीष्‍टदे पाप चीस्‍स्ये पीन्‍क्‍या स्व? अँह, पीन्‍स्ये त्‍वो।

गलाती 2:21

परमेश्‍वर‌जे अनुग्रहने ङ ह्‍यल चे अन्‍खू, चेनेयलो मोशाजे नियमदे धर्मी ठर्‌दे ख्‍व यलो ख्रीष्‍ट धन्‍ने सीइदे।

गलाती 6:14

ङीनजे प्रभु येशू ख्रीष्‍टजे क्रूसने त्यामे ङ केन् त्‍वोक्‍क्‍य, सूजो चत्या पो फ्‍याने केन् ‍त्‍वे ख्यङ्लो हम्ब ङैट्‍यादे चीन्तङ् क्यूप्पस्य, ङूजे क्रूसदे चीत्देबे ङब संसारजे लागि, मेस्ये संसारब ङैजे लागि क्रूसने पील्‍क ख्यङ्।

१ तिमोथी 3:16

ङी मन्‍दीय, ङीनजे विश्‍वासजे नङ्सू क्‍व अन्‍ख्‍वब पो सोरो फत्‍या केन् ख्यङ्: ङू रङ्सेने ङ्वजे रुप्‍ने तङ्‍रदे, पवित्र आत्मादे धर्मी ठर्‌दीदे, स्वर्गदूतयूदे ङूने तङ्दे, देश देशने ङूजे प्रचार क्‍यूत्‍दे, संसार भरीने मीयूदे ङूने विश्‍वास चीत्‍दे, होर्‌दे ङू महिमाने तो स्वर्गने लङ्‍कीदे।

तीतस 1:2

हम्‍ब विश्‍वास मेस्ये ज्ञान कलङ्बेये अन्सीबब जीयाजे आशाने छ्‍यान ख्यङ्, होर्‌दे कलङ्बेये लूच्‍च अङ्-क्‍यमब परमेश्‍वरदे मीयूङ्मेस्‍येने कबुल चीत्‍दे।

हिब्रू 6:18

परमेश्‍वरदे चेब कबुल मेस्‍ये ङूदे कसम चदेबे यब पो पक्‍क क्‍यूक्‍क्‍य, परमेश्‍वरदे अम्‍ब पो ङ्‍हीने लूच्‍च अन्‍क्‍यम्। होरेक्‍यूत्‍देबे परमेश्‍वर ट्‍याने सुरक्षा प्रेने प्रब ङीनयूदे, ङीन्‍जे खूम्‍ने हीतेब आशा प्रेने सोरो कूम आँट प्रेख्यङ्।

१ यूहन्‍ना 5:10

सूदे परमेश्‍वरजे चने विश्‍वास चीक्‍क्‍य, हम्‍बजे सेम्‍ने अम्‍ब पोजे गवाही क्‍यूक्‍क्‍य। परमेश्‍वरने विश्‍वास अन्‍चेबदे परमेश्‍वरदे पीनब गवाही लूच्‍च ख्यङ् यीय, चेनेयलो परमेश्‍वरदे रङ्से चजे बारेने पीनब गवाहीने हम्‍बदे विश्‍वास अन्‍ची।

१ यूहन्‍ना 5:20

परमेश्‍वरजे च रेक ख्यङ् यदेबे ङीनने था ख्यङ्, मेस्ये सत्य परमेश्‍वरने स्‍ये खूस्‍य यदेबे ङूदे ङीनने ज्ञान पीन ख्यङ्। ङी ङूजे च येशू ख्रीष्‍टप्रे क्यूत्देबे सत्य परमेश्‍वरप्रे ख्यङ्। ङू सत्य परमेश्‍वर मेस्‍ये कलङ्बेये अन्सीबब जीया ख्यङ्।

प्रकाश 3:7

होर्‌दे फिलाडेल्‍फियाजे मण्‍डलीजे दूतने अम्‍ब पो लिख्दी: यी पोयू पवित्र मेस्ये सत्य ख्‍यबदे य ख्यङ्, ङूजे लाने दाऊदजे चापी ख्यङ्। ङूदे च पूक्‍क्‍य, सूदेये था खूस्‍ये त्‍वो, मेस्‍ये ङूदे च थाय, सूदेये पूक खूस्‍ये त्‍वो।