रोमी 2:5 - घले नयाँ करार

⁵ तर नमयूजे सेम्ने कोङ मेस्ये पश्‍चात्ताप अन्चील्लाबे ज्‍य लम्‍ने प्रतीङ् अन्ड ख्यङ्। येरेक्यूत्देबे नमयूदे छीजे दिनने झन् केन् दण्ड प्रेक्क्य, हम्ब दिनने परमेश्‍वर ठीक न्याय चेने रीय।

रोमी 2:5 ပူးပေါင်းရင်းမြစ်များ

रोमी 1:18

मीयूदे ङूने अम्‍पूस्‍तेब मेस्‍ये मीयूदे चेब अन्‍ज्‍य कामजे विरुद्धने परमेश्‍वरजे छी स्वर्गदे मो तङ्‍र ख्यङ्। थमयूजे अन्‍ज्‍य कामदे परमेश्‍वरजे तम्दम्ने क्‍व अन्‍ख्‍व चीन्‍न ख्यङ्।

रोमी 11:25

अत-अची च्योन्‌यू, नमयूदे रङ्सेने केन् अन्‍त्‍वोस्‍स्‍य यदेबे नङ्सू पो त्‍या नमयूने था क्यूस्स्य मन ख्यङ्। अम्‍ब नङ्सू पो येर ख्यङ्, र परदेब यहूदी तेब मीयू ख्रीष्‍टने अन्‍रदासेमेत्‍या यहूदीयूजे सेम् कोङ क्यून्‍नीय।

रोमी 9:22

कादेये होरप्रने परमेश्‍वरदे रङ्से छी फैनने मेस्‍ये रङ्से बोङ् तेन्‍देबे नाश चेने तयार चीतेब दुष्‍ट मीयूजे लागि सोरो धेरेन् क्‍यूत्‍देबे सैदीन ख्यङ् यलो, च क्‍यूत्‍दे स्‍व?

२ कोरिन्थी 5:10

चेनेयलो तीया ङीनयू क्‍वाने ख्रीष्‍टदे न्याय चेब नेजे खूम्‍ने मेर पर्‌दीय, येरे ङ्वने क्‍यूप्‍प मीयू क्‍वादेने रङ्सेदे चीक्‍कब ज्‍य या अन्‍ज्‍य काम अनुसारजे इनाम प्रेक्‍क्‍य।

२ थेसलोनिकी 1:5

परमेश्‍वरजे धार्मिक न्यायजे साक्षी अम्‍बने ख्यङ्, यी नमयू परमेश्‍वरजे राज्‍यजे लागि लायक‍जे क्यूर खूस्‍य हम्‍बजे लागि नमयू छरङ् भोक्‍तीन ख्यङ्।

हिब्रू 3:13

तर कन्‍छ्वासेमे, “दीनीजे दिन” यब पो ख्यङ् हन्‍छ्वासेमे त्‍यादे-त्‍याने लोम-तन ची, मेस्‍ये पापजे छल्‍दे चीत्‍देबे नमयू सूजेये सेम् कोङ अन्‍क्‍यूस्‍स्‍य।

हिब्रू 3:15

धर्मशास्‍त्रदे य ख्यङ्, “दीनीने नमयूदे पर्‌मेश्‍वरजे के ङ्यीन्‍देयलो विरोधजे दिन‌नेप्र रङ्सेजे सेम् कोङ अन्‍चील्‍लाची।”

हिब्रू 4:7

फेरि परमेश्‍वरदे “दीनी” यब दिनत्या तोक्‍तीदे। ङूदे खूम्ने क्‍यम्‍कब पो फेरि कूम-ङ‍येदे दाऊद मूरुम्ने क्‍यम्‍से पीन्‍दे, “दीनी नमयूदे ङूजे के तदेयलो, नमयूदे रङ्से सेम् कोङ अन्‍चील्‍लाची।”

याकूब 5:3

नमयूजे मर्‌ मेस्‍ये चाँदी कसदे चैक ख्यङ्, हम्‍ब च्वोत्देने नमयूजे विरुद्धने गवाही पीन्‍क्‍य, मेस्‍ये प्‍ल्‍याङ्नब मीदेप्रने नमयूजे ङ्व ल्‍याकीय। नमयूदे आखिरी दिनयूजे लागि धन-सम्पत्ति स्‍वादेबे ये ख्यङ्।

२ पत्रुस 2:9

परमेश्‍वर मन्‍देब मीयूने सकस्यू रब केरे जूक्‍तीमे, मेस्‍ये परमेश्‍वर अम्मन्‍देब मीयूने न्याय चेब दिनसेमे दण्ड पीनजे लागि केरे हीन्‍न पर्‌ते हम्‍ब प्रभुदे स्‍ये ख्यङ्,

२ पत्रुस 3:7

तर चूजो ख्यब मू मेस्ये पृथ्वीये मीने भस्सम् चीप्पेने परमेश्‍वरजे हम्‍ब वचनदेने जूक्‍तीदे येन्‍न ख्यङ्। परमेश्‍वर अम्‍मन्‍देब मीयूने दोष लैदीदेबे नाश अन्चीत्‍दासेमे मू मेस्ये पृथ्वी टूनेनीय।

यहूदा 1:6

रङ्सेने कन्‍छ्वा हक पीने ख्‍य हम्‍बयली फीने टूङ्देबे रङ्से टूङब ने पोङ्देबे प्रब स्वर्गदूतयूनेये ङूदे न्यायजे दिनने दण्ड पीनने कलङ्बेये प्‍लीम्ब अम्‍प्रेल्‍लाबे ख्‍यादेबे मून्‍दूङ्ने स्योप्के ख्यङ्।

प्रकाश 2:21

ङैदे हम्‍ब मदीने पश्चात्ताप चेब मौका पीन्‍दे, तर हम्‍ब मदीदे वेश्य काम क्‍यादेबे पश्चात्ताप चे अन्ङ्‍यीन्।

प्रकाश 6:17

चेनेयलो थमयूजे छी फैनब केन् दिन फ्‍योर ख्यङ्, मेस्‍ये अम्‍ब छीजे खूम्‍ने सू मेर खूइय?”