रोमी 15:3 - घले नयाँ करार

³ चेनेयलो ख्रीष्‍टदेये रङ्सेने सूगब काम अन्‍ची। होर्‌प्रने धर्मशास्त्रने लिख्दीये ख्यङ्, “नने ह्‍यल चेबयूजे ह्‍यल ङै फ्‍याने पर्‌दे ख्यङ्।”

रोमी 15:3 ပူးပေါင်းရင်းမြစ်များ

मत्ती 10:25

स्यूस्स्या रङ्से गुरुप्र मेस्‍ये त्‍वो रङ्से नोबोप्र क्‍यूर प्रेप्प सून्ताकी क्यूस्स्‍य, कादेये थमयूदे कीम्जे नोबोने बालजिबुल यदेयलो ङूजे कीम्-म्हीतीने झन् कोला थेप् यीय?

मत्ती 26:39

ङू छीत्‍या तीलाने गीलीदे च्येने पून्‍छ्‌याल क्‍यूत्‍देबे प्रार्थना चीत्‍दे, “पाइ, खूदेयलो, अम्‍ब पील ङैट्‌यादे हर्‌दीमी। होरेयली ङैजे इच्‍छाने दी, तर नैजे इच्‍छा अनुसार क्‍यूस्स्‍य।”

मत्ती 26:42

फेरि दोस्रो खेप् गीलीदेबे येशूदे प्रार्थना चीत्‍दे, “प ङैदे, अम्‍ब थूङने पर्‌दीलो नैजे इच्‍छा पूरा क्‍यूस्स्‍य।”

मत्ती 27:44

होर्‌दे येशूप्रे क्रूसने खील् ठोक्‍दीदे पीलेब हम्‍ब डाँकूयूदेये होरप्रने येशूजे न पूत्‍दे।

यूहन्‍ना 15:10

ङ केर्‌बे ङैजे पजे आज्ञायू मन्‍दीदे, ङूजे प्रेमने टूङ्क्‍य, कादेये होरप्रने ङैजे आज्ञायू नमयूदे मन्‍दीलो नमयू ङैजे प्रेमने टूनीय।

यूहन्‍ना 15:24

कादेये सूदेये अन्चीक्‍कब काम ङैदे थमयूजे अन्द्रदे अन्चीक्‍क यलो थमयू पापजे दोष प्रेब अन्‍क्‍यूर ख्यङ्दे। तर जेम्‍से थमयूदे ङैप्रे ङैजे प, ङी ङ्हीनेने तङ्‍क ख्यङ् मेस्‍ये ह्‍यल चे ख्यङ्।

यूहन्‍ना 4:34

येशूदे थमयूने यदे, “ङैने कूल्‍बेबजे इच्छा अनुसार मेस्‍ये ङूजे काम पूरा चेबने ङैजे चसे ख्यङ्।

यूहन्‍ना 5:30

“ङ रङ्सेदे चैये चे अन्खू। ङैदे कर तैय, होरने न्याय चीक्‍क्‍य, मेस्‍ये ङैजे न्याय ज्‍य ठर्‌तीय, चेनेयलो ङ रङ्सेजे इच्छा अम्मल्, तर ङैने कूल्‍बेबजे इच्छा च ख्‍य हम्‍ब मेल्‍क्‍य।

यूहन्‍ना 6:38

रङ्से इच्छा पूरा चेने ङ स्वर्गदे रदी, तर ङैने कूल्‍बेबजे इच्छा पूरा चेने र ख्यङ्।

यूहन्‍ना 8:29

ङैने कूल्‍बेब ङैप्रे ख्यङ्। ङूदे ङ त्‍याने अम्‍पोङ्ये ख्यङ्, चेनेयलो ङ येतार्‌ने ङूने सूग्‍लाबे चेब काम चीक्‍क्‍य।”

२ कोरिन्थी 8:9

चेनेयलो ङीनजे प्रभु येशू ख्रीष्‍टजे अनुग्रह नमयूदे स्‍ये ख्यङ्, ङू फ्योबो ख्यङ्लीने नमयूजे लागि दूख्‍प्रे क्‍यूत्‍दे, होरदे ङू दूख्‍प्रे क्‍यूरब काम‍दे नमयू फ्‍योबो क्‍यूर खूस्‍स्‍य।

फिलिप्पी 2:5

नमयूजे सेम् ख्रीष्‍ट येशूजे सेम्प्र क्‍यूस्‍स्‍य।

फिलिप्पी 2:8

मीजेप्र रुप् टेल्देबे रङ्सेने सोरो चीद चीददे, मेस्‍ये अन्‍सीबदासेमे, या क्रूसने अन्‍सीइदासेमे आज्ञा मन्‍देब क्‍यूत्‍दे।