रोमी 15:2 - घले नयाँ करार

² ङीन क्वादेने रङ्से खीम्‍चेजे विश्‍वासने बोल्यो क्यूस्‍स्य यदेबे थमयूजे भलोजे लागि थमयूने सूग्लाबे चीदे।

रोमी 15:2 ပူးပေါင်းရင်းမြစ်များ

रोमी 14:19

येरेक्‍यूत्‍देबे ङीन अम्‍ब पोयूजे के थाये, कम्‍ब पोदे शान्ति रेक्‍क्‍य, होरदे त्‍या-त्‍याजे आत्माने बोङ् पीनब काम चीक्‍क्‍य।

१ कोरिन्थी 10:23

“साप्‍ता थोकने चेक्यूक्क्य”, तर साप्‍ता थोकदे भलो अन्‍ची। “साप्‍ता थोकने चेक्यूक्क्य”, यदेबे यीय तर साप्‍ता पोदे ङीनने सूधार चेब काम अन्‍ची।

१ कोरिन्थी 10:24

सूदेये रङ्से भलो अम्मेल्स्य तर सूजोयूजे भलो मेल्‍स्‍य।

१ कोरिन्थी 10:33

केर्‌बे ङैदे चेब साप्‍ता कामयूने मीयू क्‍वानेने सूग्‍लाबे चेने ङैये बोङ् चीक्‍क्‍य, थमयूजे उद्धार क्‍यूस्‍स्‍य यदेबे ङ रङ्सेजे भलो अम्मल्, तर कूम मीयूजे भलो मेल्क्य।

१ कोरिन्थी 13:5

प्रेम चेब मीदे अन्‍ज्‍य व्यवहार अन्‍तन् रङ्सेजे फाइदात्‍या अन्‍ले, रङ्से पोनेत्‍या अन्‍ट्‌या, झेचेर्‌ अम्‍मन्‍दी, अन्‍ज्‍य पोयूजे हिसाब चीस्‍से त्‍वो।

१ कोरिन्थी 14:26

अत च्योनयु, ङैदे यमेब अम्‍बने ख्यङ्। नमयू नेत्‍याने फूङ् क्‍यूप्‍प, कोइप्रे प्रू, कोइप्रे लोम-तनब पो, कोइप्रे परमेश्‍वरजे पो, कोइप्रे सूजो-के या सूजो-केजे अर्थ स्‍योम्‍मेब बरयू क्‍यूक्‍क्‍य। अम्‍ब पो क्‍वाने मण्डलीजे विश्‍वास बोल्यो चेजे लागिने चीस्‍स्‍य।

१ कोरिन्थी 14:3

तर अगमवाणी क्‍यमब मी क्‍वादेने मीयूप्रेने क्‍यम्‍क्‍य। ङूदे हम्‍ब मीयूजे विश्‍वासने बोल्यो चेने, आँट पीनने मेस्‍ये सान्त्वना पीनने क्‍यम्‍क्‍य।

२ कोरिन्थी 12:19

अन्‍छ्वासेमे नमयूजे खूम्‍ने ङी रङ्से जूक्‍तेने अम्‍ब पोयू येनब मन्‍न औं? छेब ख्योन्‌यू, परमेश्‍वरजे खूम्‍ने ख्रीष्‍टप्रे क्‍यूत्‍देबे ङी चै पो क्‍यम्‍न ख्यङ्, हम्‍ब पोयू क्‍वाने नमयू बल्यो चेजे लागि ख्यङ्।

२ कोरिन्थी 13:9

चेनेयलो ङीदे चैये चे अङ्ख्‍व क्‍यूप्‍प, मेस्‍ये नमयूदेब चने यली चे ख्वब क्यूप्प, ङीजे सेम् सूग ख्यङ्। नमयूदे ज्‍य कामयू चीक्‍के खूस्‍य यदेबे ङी प्रार्थना चीक्‍क्‍य।

एफिसी 4:12

थमयूजे जिम्माब परमेश्‍वरजे पवित्र मीयूने ख्रीष्‍टजे काम चेख्‍वाब चेने मेस्‍ये ङूजे ङ्व मण्डलीजे उन्‍नती चेजे लागि ख्यङ्।

एफिसी 4:29

नमयूजे ङूर्‌दे अन्ज्‍य बोली अन्-योन्स्य, तर चैदेब ज्‍य मेस्‍ये सूधारदीदेबे ज्‍य स्यूलूक्कै बूलीत्‍या क्‍यमब ची, मेस्‍ये ङ्यीनब मीयूदे अनुग्रह प्रेस्‍स्‍य।