रोमी 13:2 - घले नयाँ करार

² येरेक्‍यूत्‍देबे हुकुम चील्‍ले मीयूजे हुकुम अम्‍मन्‍देबयूदे परमेश्‍वरजे हुकुम अम्‍मन्‍दी, मेस्‍ये सू-सूदे हुकुम अम्‍मन्‍दी, थमयूदे दण्ड प्रेक्‍क्‍य।

रोमी 13:2 ပူးပေါင်းရင်းမြစ်များ

मत्ती 23:13

“धिक्‍कार पन्‍डे मेस्ये फरिसीयू, नमयू, कप्‍टी ख्यङ्! चेनेयलो नमयूदे मी क्‍योबने यदेबे स्वर्ग राज्‍यजे ख्‍यो थाय। नमयू रङ्सेये अन्क्‍योब, क्‍योब मैब मीयूनेये क्योबस्ये अम्पीन्।

मर्कूस 12:40

थमयूदे प्‍ल्‍यङ् सीयेब मदीयूजे कीम् लेन्‍क्‍य, तर मीयूने तनने थमयूदे सोरो रेङ-रेङ प्रार्थना चीक्‍क्‍य। होरयूदे थेप् केन् दण्ड प्रेक्‍क्‍य।”

लूका 20:47

थमयूदे प्ल्यङ् सीयेब मदीयूजे कीम्नम् लूर्‌तीय, मेस्‍ये मीने तनजे लागि रेङ प्रार्थना चीक्‍क्‍य।” होरयूदेने कूम दण्ड प्रेक्‍क्‍य।”

रोमी 13:1

हुकुम चील्‍लेब मीयूजे हुकुम टक्कदेने मन्‍दी। परमेश्‍वरदे पीनब हक यली सूजो चेये हक अन्‍क्‍यूर। हम्‍ब हुकुम चील्‍लेब मीयू परमेश्‍वरदे सेलब ख्यङ्।

रोमी 13:3

चेनेयलो ज्‍य कामजे लागि दी, तर अन्‍ज्‍य कामजे लागि त्‍या हुकुम चील्‍लेयूप्रे फ पर्‌दीय। न हुकुम चील्‍लेयूप्रे फ ख्‍यङ्या? होरेक्‍यूल्‍लो ज्‍य काम ची, मेस्‍ये नने थमयूदे सार्‌या चीन्‍क्‍य।

रोमी 13:5

येरेक्‍यूत्‍देबे नदे परमेश्‍वरजे दण्ड अम्प्रेस्‍स्‍य यदेबेत्‍या दी, तर विवेकदे येर्‌बे चेब ठीकने ख्यङ् यदेबेये ङूजे हुकुम मन्‍दे पर्‌दीय।

रोमी 9:19

होर्‌दे नदे ङैने य खूइय, “परमेश्‍वरदे चेने थेप् दोष लैदे? चेनेयलो ङूजे इच्छाने सूदे विरोध चे खूइय?”

तीतस 3:1

सरकार मेस्ये सरकारजे मीयूजे हक नङ्ने टुङ पर्‌दीय यदेबे विश्‍वासीयूने लोम्‍मी। भलो चेब कर कामनेयली फरने तयार क्यूरो यदेबे थमयूने ह्‍वेरला चीम्मी।

याकूब 3:1

अत-अजी-च्योन्‌यू, नमयू नङ्ने कूम लोम्‍मेब मी अन्क्‍यूर्‌लाची। चेनेयलो ङीन लोम्‍मेब मीयूजे न्याय थेप् कडा क्यूक्क्य यदेबे नमयूदे स्‍ये ख्यङ्।

१ पत्रुस 2:13

प्रभुने गेसेन् चेजे लागि हक चील्‍लेब मीयूजे नङ्ने टूङ्, हम्‍ब पात्‍ता नङ्ने केन् मूरुम् क्‍यूल्‍लीने,