रोमी 12:2 - घले नयाँ करार

² अम्ब संसारजे मीयूप्रने नक्‍कल अन्चील्‍लाची, तर रङ्सेब सर् सेम् क्यूत्देबे पूरा रुप्ने सूजो क्यूक्‍की। होर्‌दे परमेश्‍वरजे सोरो ज्य, सेम् पर्‌तेब मेस्ये सिद्ध इच्छा च ख्य, हम्ब नमयूदे था प्रे-खूइय।

रोमी 12:2 ပူးပေါင်းရင်းမြစ်များ

मत्ती 13:22

चो पोङ्जे नङ्ने पर्‌तीयेब लूजे अर्थ अम्‍ब ख्यङ्। थमयूदे परमेश्‍वरजे वचन ङ्यीन्देबेये अम्‍ब संसारजे सूर्‌त, मेस्‍ये सीर-सम्पत्तिजे मायादे हम्‍ब वचनने चेलाबे काम चीस्‍से अम्‍पीन्, मेस्‍ये हम्‍बदे चै फलये पीन अङ्‍खू।

मर्कूस 4:19

तर अम्‍ब संसारजे सूर्‌त, नोर्‌जे लोभ मेस्‍ये सूजो सेयू प्रेब लोभ, येरप्र पोयू सेम्ने रदेबे परमेश्‍वरजे वचनने येल्‍गसे पीन्‍क्‍य, मेस्‍ये थमयूदे चैत्‍याये चे अङ्‌खू।

यूहन्‍ना 14:30

जेम्‍से ङ नमयूप्रे कूम अन्‍क्‍यम्, चेनेयलो अम्‍ब संसारजे हुकुम चील्‍लेब रेन ख्यङ्। ङै फ्‍याने हम्‍बजे चै हकये त्‍वो।

यूहन्‍ना 15:19

कादेये नमयू अम्‍ब संसारजे ख्यङ् यलो ब संसारदे नमयूने रङ्से मी मन्‍दीदेबे माया चे ख्यङ्दे। तर नमयू अम्‍ब संसारजे दी। ङैदे नमयूने संसारदे आलाक् चेने सेल्‍दे, येरेक्‍यूत्‍देबे संसारदे नमयूने ह्‍यल चीक्‍क्‍य।

यूहन्‍ना 17:14

ङैदे थमयूने नैजे वचन पीन्‍दे, तर संसारदे थमयूने ह्‍यल चीत्‍दे, चेनेयलो ङ संसारजे तेप्रने थमयूये संसारजे दी।

यूहन्‍ना 7:7

संसारजे मीयूदे नमयूने ह्‍यल चे अन्खू, तर ङैने ह्‍यल चीक्‍क्‍य, चेनेयलो ङैदे संसारजे मीयूदे चेब कामयू दुष्‍ट ख्यङ् यदेबे ङैदे गवाही पीन्‍क्‍य।

रोमी 12:1

येरेक्यूत्देबे अत-अची च्योन्‌यू, परमेश्‍वरजे कृपाने विचार चीत्देबे ङ नमयूने बिन्ती चीक्‍क्य, नमयूजे आत्मादे पूस्तेजे लागि रङ्से रङ्से ङ्वने पवित्र मेस्ये परमेश्‍वरने सेम् पर्‌तेब लायकजे सोम्बो बलिजे रूप्‍ने चेर्‌तीपी।

रोमी 13:14

तर येशू ख्रीष्‍टजेप्र स्‍वभाव नमयूने क्‍यूस्‍स्‍य, मेस्‍ये पाप चेब इच्छा पूरा चे तेले रङ्से सेम् अम्पीन्‍लाची।

रोमी 7:12

मोशाजे नियम पवित्र ख्यङ्, आज्ञाये पवित्र, न्याय अनुसार मेस्‍ये ज्‍य ख्यङ्।

रोमी 7:14

चेनेयलो ङीनदे स्‍ये ख्यङ्, मोशाजे नियम आत्‍माजे पो ख्यङ्, तर ङ्वजे स्वभाव अनुसार प्रबजे लागि मेस्ये पापजे त्वो क्‍यूरने ङ सोङ्‍क ख्यङ्।

रोमी 7:22

ङैजे सेम् नङ्ने परमेश्‍वरजे नियम ख्यङ्देबे सूगप्रे ख्यङ्,

१ कोरिन्थी 3:19

चेनेयलो संसारजे बुद्धि परमेश्‍वरजे खूम्‍ने मूर्ख ख्यङ्। चेनेयलो धर्मशास्त्रने येरे लिख्दीये ख्यङ्, “परमेश्‍वरदे बुद्धि ख्‍यबयूने थमयूदे चेब छट्‍टू कामने ङ्येप्‍क्‍य।”

२ कोरिन्थी 4:4

अम्ब संसारजे देऊता, शैतानदे विश्‍वास अन्चेबयूजे सेम्ने म्या अन्तङब मीप्र बन्द चीप्पे ख्यङ्। थमयूदे सूगब खबरजे महिमाजे ओथ्याङ् तङ अङ्‍खू। थमयूदे परमेश्‍वरजे खास रुप् ख्यब ख्रीष्‍टजे महिमाजे बारेने ख्यब अम्ब खबर क्व अङ्‍खू।

२ कोरिन्थी 5:17

येरेक्‍यूत्‍देबे कोइदे ख्रीष्‍टने विश्‍वास चेख्यङ्लो हम्‍ब सर्‌ सृष्‍टि ख्यङ्। मीयूङ्जे ङीङ् जीया मेले ख्यङ्, जेम्‍से सर्‌ जीया सुरु क्यूर ख्यङ्।

गलाती 1:4

ङीनजे प-परमेश्‍वर‌जे इच्छा अनुसार येशूदे दीनीजे अम्‍ब अन्‍ज्‍य जूक्‍ने ङीनने जूक्‍तीमेने ङीनजे पाप‍जे लागि रङ्सेने पीन्‍दे।

एफिसी 1:18

ङ अम्‍बये प्रार्थना चीक्‍क्‍य, नमयूजे सेम्दे ङूजे ओथ्याङ् तङ खूस्‍य, मेस्‍ये चैजे आशा चीत्‍देबे ख्रीष्‍टदे नमयूने क्‍व ख्‍य, मेस्‍ये परमेश्‍वरजे पवित्र मीयूने ख्रीष्‍टजे महिमाजे हकजे सम्पत्ति च ख्यङ्, हम्‍ब नमयूदे स्‍ये खूस्‍य।

एफिसी 2:2

हम्‍ब बीलने नमयू संसारने पाप चीत्‍देबे प्रख्‍य। नमयूदे मूजे शक्तिने नोबो मन्‍देख्‍य। परमेश्‍वरने अम्‍मन्‍देब मीयूने ङूदे दीनी रङ्सेजे काबुने ये ख्यङ्।

एफिसी 5:17

येरेक्‍यूत्‍देबे मुर्ख अन्क्‍यूर्‌लाची, तर प्रभुजे इच्छा चटोङ् हम्‍ब स्येला ची।

कलस्सी 1:9

होरेक्‍यूत्‍देबे अम्‍ब पो तब दीन्‍दे छोमेस्‍ये प्रभुजे इच्छा नमयू फ्‍याने च ख्‍य हम्‍बने पवित्र आत्‍मादे पीनब पूरा बुद्धि मेस्‍ये क्‍व ख्‍वब ज्ञान नमयूने फ्‍यानीस्‍य यदेबे नमयूजे लागि ङी येतार्‌ने प्रार्थना चीन्‍न ख्यङ्,

कलस्सी 3:10

मेस्‍ये सर् स्वभाव प्रेक्‍क ख्यङ्, हम्‍ब स्वभाव सृष्‍टि चेब परमेश्‍वरजे रूप् अनुसार‌ ज्ञानने सर् क्‍यूप्‍पीन ख्यङ्।

कलस्सी 4:12

नमयू अन्‍द्रजे मीत्‍या येशू ख्रीष्‍टजे सेवा चेब इपाफ्रासदेये नमस्‍कार येबे ख्यङ्। नमयू परमेश्‍वरने बोल्यो क्‍यूर खूस्‍स्‍य मेस्‍ये परमेश्‍वरजे साप्‍ता इच्छायू पूरा रूप्‍दे मन्‍देब क्‍यूर खूस्‍स्‍य यदेबे ङूदे प्रार्थनाने नमयू येतार्‌ने ह्‌वे चीन्‍न ख्यङ्।

१ थेसलोनिकी 4:3

चेनेयलो परमेश्‍वरजे इच्‍छा नमयू पवित्र क्‍यूस्‍स्‍य मन ख्यङ्। हम्‍ब यब अम्‍ब ख्यङ् यी नमयू वेश्य काम अन्‍चील्‍लाची।

तीतस 3:5

हन्छ्वाब ङी रङ्सेदेने ज्य काम चीत्देबे दी, तर ङूजे दयाजे कारणदे ङूदे ङीनने बच्‍दीमीदे‍। ङूदे ङीनजे पापयू ठूमीदेबे ङीनने पवित्र आत्माने क्यूत्देबे सर् जन्म मेस्ये सर् जीया पीन्दे।

याकूब 1:27

नदे प-म त्‍वब टा-ट्वेयू मेस्‍ये प्‍ल्‍यङ् सीयेब मदीयूजे सकस्ने दोङ्मी मेस्‍ये संसारने ख्‍यब दुष्‍ट सेयूट्‍‍यादे आलाक् क्‍यूत्‍देबे टूङ्, परमेश्‍वर पदे शुद्ध मेस्‍ये दोष त्‍व ठर्‌तीयेब धर्म अम्‍ब ख्यङ्।

याकूब 4:4

वेश्य मीयू, अम्‍ब संसारने माया चेब परमेश्‍वरजे शत्रु ख्यङ् यब पो च नमयूने था त्‍वा? येरेक्‍यूत्‍देबे सूदे संसारने माया चीत्‍तीङ् रीय हम्‍बदे रङ्सेने परमेश्‍वरजे शत्रु क्‍यूस्‍स्ये पीन्‍क्‍य।

१ पत्रुस 1:14

परमेश्‍वरजे आज्ञा मन्‍देब च-चीमीयू क्‍यूत्‍देबे खूम् अन्‍स्‍येदेबे चीक्‍कब रङ्सेजे अन्‍ज्‍य इच्‍छायूतेले जेम्‍से नमयू अम्‍प्रलाची।

१ पत्रुस 1:18

नमयूजे मेमे-मेस्‍येने चीट्‍टीनब काम त्‍वब पोयूदे आलाक् चेने या मर्‌ मेस्‍ये चाँदी-प्र नाश क्‍यूप्‍प सेजे लू फादेबे नमयूने छूट‍कारा चे दी यदेबे नमयूने चेलाबे था ख्यङ्।

१ पत्रुस 2:3

चेनेयलो प्रभूदे कृपा चे ख्यङ् यब पो नमयू रङ्सेने था ख्यङ्।

१ पत्रुस 4:2

येर्‌बे हम्‍ब मीदे रङ्से ङ्वने जीया चेनूतासेमे फेरि मीजे अन्‍ज्‍य इच्छाने दी, तर परमेश्‍वरजे इच्छाने जीया चैय।

२ पत्रुस 1:4

येरेक्‍यूत्‍देबे ङूदे ङीनने पात्‍ता केन् मेस्‍ये सोरो ज्‍य कबुल पीने ख्यङ्, चेनेयलो अम्‍ब संसारजे अन्ज्य इच्छायूदे चीत्‍देबे योङ्‍रब अन्‍ज्‍य विचारयू क्यापीदेबे नमयू परमेश्‍वरजे स्वभाव टेल्देबे जीया च।

२ पत्रुस 2:20

कादेये थमयूदे ङीनजे प्रभु मेस्‍ये मुक्ति पीनब येशू ख्रीष्‍टने स्‍येदेबे संसारजे अन्‍ज्‍य कामयू पोङ्यीदे, होर्‌देङ्‍येदे फेरि पापजे लम्ने ल्‍वारदेबे पापजे तो क्‍यून्‍नूदेयलो, थमयूजे हम्‍ब खूम्‍जे जीयायली ङ्‍येजे जीया झन् थेप् अन्‍ज्‍य क्‍यूक्‍क्‍य।

१ यूहन्‍ना 3:13

अत-अची च्योन्‌यू, संसारजे मीयूदे ह्‍यल चीप्‍प हार्‌मन्‍दे अम्‍पर्‌ती।

१ यूहन्‍ना 5:19

ङीन परमेश्‍वरजे ख्यङ्, मेस्‍ये अम्‍ब पूरा संसार हम्‍ब दुष्‍ट शैतानजे लाने पर्‌तीक ख्यङ् यदेबे ङीनने था ख्यङ्।

प्रकाश 12:9

हम्‍ब अजिङ्गर केन् मो पृथ्वीने छाबीदे- हम्‍ब मीयूङ् मेस्येजे डम् ख्‍य, का-मुलुक संसार‌जे मीयूने छल् चेब दीयाबलस यब शैतान ङूने ख्‍य। ङूप्रे-प्रे ङूजे दूतयूनेये पृथ्‍वीने छापीदे।

प्रकाश 13:8

कलङ्बेये अन्जेनब जीया प्रेबयूजे मीन् लिख्दीयेब किताबने संसारजे सृष्‍टि क्यूरयली खूम्मेस्येने मीन् अन्लीख्दीयेब मीयू क्वादेने हम्ब रोलाजे पूजा चीक्‍क्य। हम्ब किताबब सेक्‍कब थुमाजे ख्यङ्।