6 नमयूये येशू ख्रीष्टजे क्यूरने क्वबयू नङ्जे ख्यङ्।
चेनेयलो ङूदे ङीनयूने यहूदी मीयू नङ्देत्या अङ्को, तर यहूदी तेब मीयू नङ्देये कोदे।
परमेश्वर भरपर्ते ख्वब ख्यङ्, ङूदे रङ्से च ङीनजे प्रभु येशू ख्रीष्टजे सङ्गतिने नमयू कोदे।
ङ हार्मन्दीन ख्यङ्, ख्रीष्टजे अनुग्रहने सूदे नमयूने कोदे हम्बने यीर्बी छ्योटोने क्यापीदेबे नमयू सूजो सूगब खबरतेले लादीन ख्यङ्।
चेनेयलो साप्ता पोने परमेश्वरजे योजना मेस्ये फैसला क्यूर ख्यङ्। परमेश्वरदे ङीनने ङूजे खुशीदे ख्रीष्टने क्यूत्देबे रङ्से मी चेने सेल्दे। अम्ब योजनाब मीयूङ्ने फैसला चीक्क ख्य।
त्याफे नमयूजे सेम्ने अन्ज्य पोयू मन ख्य मेस्ये अन्ज्य कामयू चीक्क ख्य होरेक्यूत्देबे नमयू परमेश्वरप्रे चीन्तङ् क्यूत्दे मेस्ये परमेश्वरजे शत्रु क्यूक्क ख्य।
अम्ब सूगब खबर नमयूट्याने फ्योर ख्यङ्, मेस्ये तम्दम्ने अम्बदे संसारजे का-मुलुकने असी पीन्देबे थेप् क्यूप्पीन ख्यङ्। परमेश्वरदे चेब अनुग्रहजे तम्दम् पो तदेबे क्वब दिनदेछोमेस्ये नमयूजे अन्द्रनेये सूगब खबरदे होरप्रने काम चीन्न ख्यङ्।
येरेक्यूत्देबे यी नमयूजे आनिबानि परमेश्वरदे छेब लायकजे क्यूस्स्य, ङूदे नमयूने ङूजे रङ्सेजे राज्य मेस्ये महिमाने कोय।
अम्बजे लागिने ङीयूदे स्य्वेब सूगब खबरजे लम् क्यूत्देबे नमयूदे ङीन्जे प्रभु येशू ख्रीष्टजे महिमा प्रेस्स्य यदेबे परमेश्वरदे नमयूने कोदे।
परमेश्वरदेने ङीनने उद्धार चीम्मीदे, रङ्से मी चेने कोदे। अम्बब ङीनदे चेब कामदे दी, तर ङूजे रङ्सेजे उदेश्य मेस्ये अनुग्रहदे चे ख्यङ्। हम्ब ङूदे ख्रीष्ट येशूने जूग्दे-जूग्मेस्येने ङीनजे लागि पीने ख्य,
येरेक्यूत्देबे परमेश्वरदे क्वब पवित्र अत-अची च्योन्यू, ङीदे स्वीकार चेब मूल स्यूस्स्या मेस्ये पात्ता केन् पूस्र्या येशूने विचार ची।
चेनेयलो अम्ब काम फरने परमेश्वरदे नमयूने क्व ख्यङ्। ख्रीष्टदेये नमयूजे लागि सकस् भोक्तीदे, होर्दे नमयूजे लागि नमूनात्या पीने ख्यङ्, मेस्ये नमयू ङूदे तनब लम्ने प्र पर्दीय।
तर नमयूब सेल्देबे हीतेब वंश, मूरुम्जे पूस्र्या, पवित्र मीयू, मेस्ये परमेश्वरजे रङ्से मीयू ख्यङ्। ङूजे हार्मन्देब कामयूजे पो नमयूदे बोङ्बे स्य्वे खूस्य यदेबे ङूदे नमयूने मून्दूङ् ख्यनेदे सोरो हार्मन्देब ज्य ओथ्याङ् ख्यनेने रेत्दे।
येरेक्यूत्देबे अत-अजी च्योन्यू, परमेश्वरदे नमयूने क्व ख्यङ् मेस्ये सेल ख्यङ् यब पो पक्क चेने बेस्से बोङ् ची। अम्ब पोयू चीत्देयलो नमयूदे रङ्से विश्वास कलङ्बेये क्यापीसे त्वो।
ङ यहूदा, येशू ख्रीष्टजे त्वो मेस्ये याकूबजे च्योन् ख्यङ्। प-परमेश्वरदे सेल्देबे माया चेब मीयू मेस्ये येशू ख्रीष्टदे रक्षा चेब मीयूने अम्ब चिट्ठी लिख्दीन ख्यङ्:
थमयूदे थुमाजे विरुद्धने जीङ्क्य, मेस्ये थुमादे थमयू फ्याने ट्याय, चेनेयलो ङू प्रभुयूजे प्रभु मेस्ये मूरुम्यूजे मूरुम् ख्यङ्। ङूप्रे ख्यबयू प्रभुदे क्वब, सेलब मेस्ये भर्पर्ते ख्वबयू ख्यङ्।”
