रोमी 1:1 - घले नयाँ करार

¹ ङ पावल येशू ख्रीष्‍टजे त्वो, मूल स्यूस्स्या क्‍यूरने क्वब मेस्‍ये परमेश्‍वरजे सूगब खबर स्‍य्‍वेब कामजे लागि आलाक् चीक्‍कब ख्यङ्।

रोमी 1:1 ပူးပေါင်းရင်းမြစ်များ

मर्कूस 1:14

यूहन्‍ना चूङ्‍गमेस्ये परमेश्‍वरजे सूगब खबर मीयूने स्‍य्वेदे-स्य्वेदे येशू गालीलने रदे।

यूहन्‍ना 12:26

सूमीदे ङैजे सेवा चीक्‍क्‍य हम्‍ब ङै ङ्ये ङ्ये रस्‍य, मेस्‍ये ङ केने क्‍यूक्‍क्‍य, ङैजे सेवा चेबये होनेने क्‍यूक्‍क्‍य। सूदे ङैजे सेवा चीक्‍क्‍य पदे ङूने गेसेन् चीक्‍क्‍य।

यूहन्‍ना 15:15

जेम्‍सेमेस्‍ये ङ नमयूने त्वो अन्-‍य, चेनेयलो ङूजे नोबोदे च चीक्‍क्‍य त्वो-त्वोमदे अन्‍स्‍ये। तर ङैदे नमयूने ख्‍योन् य ख्यङ्, चेनेयलो पदे स्‍योम्‍मेब पो ङैदे च तदे होरप्रने हम्‍ब क्‍वाने नमयूने स्‍योम्‍मे ख्यङ्।

यूहन्‍ना 15:20

ङैदे नमयूने यब वचन ह्‍वे ची, ‘त्वो कीम् नोबो यली केन् अन्‍क्‍यूर्‌।’ थमयूदे ङैने सतनम् चीत्‍दे यलो नमयूनेये सतनम् चीक्क्य। थमयूदे ङैजे वचन मन्‍दीलो नमयूजे वचनये मन्‍दीय।

मूल स्यूस्स्यायूजे कामजे किताब 13:9

तर शाऊलने पावलये यख्‍य, पवित्र आत्मादे फ्यादेबे पावलदे हम्‍बने लेजे-ले चीत्‍दे,

मूल स्यूस्स्यायूजे कामजे किताब 20:24

तर ङैजे रङ्से जीयाजे चैये ख्याल् अन्‍ची, मेस्‍ये ङ रङ्सेने माया अन्‍चील्‍लाबे रदे। परमेश्‍वरजे अनुग्रहदे सूगब खबरजे गवाही पीनने प्रब ङैजे काम मेस्ये प्रभु येशूदे पीनब ङैजे जिम्मा ङैदे पूरा चे खूस्‍य यदेबे, अन्छूत्यात्या मन ख्यङ्।

मूल स्यूस्स्यायूजे कामजे किताब 21:40

कन्‍छ्वाब ङूदे मन्‍जूरी पीन्‍दे, हन्‍छ्वाब खीर्‌कीने मेर्‌देबे पावलदे मीयूने लादे लतप् चीत्‍दे। मीयू पारा अम्प्वे क्‍यूरेमेस्‍ये, ङूदे थमयूने हिब्रू केने येरे यदे-

मूल स्यूस्स्यायूजे कामजे किताब 22:21

“होर्‌दे प्रभुदे ङैने यदे, ‘प्र, चेनेयलो ङ नने यहूदी तेब मीयूट्‌याने चीन्‍तङ्-चीन्‍तङ्सेमे कूल्‍बीय’।”

मूल स्यूस्स्यायूजे कामजे किताब 22:7

मेस्‍ये ङ च्येने ग्यरी, होर्‌दे ङैदे येरे येनब आवाज त्‍या तदे, ‘ओ शाऊल, ओ शाऊल, न चैने ङैने येतार्‌ने सतनम् चे?’

मूल स्यूस्स्यायूजे कामजे किताब 26:1

अग्रिपासदे पावलने यदे, “नने रङ्सेजे पक्षने क्‍यमब हक ख्यङ्।” होर्‌दे रङ्से ला तान्तीदेबे पावलदे रङ्से जूक्‍तेजे लागि क्‍यम मैदे:

मूल स्यूस्स्यायूजे कामजे किताब 26:14

कन्‍छ्वाब ङी क्वाने सने क्‍यरीदे, हन्‍छ्वाब हिब्रू केदे ङैने येरे येनब आवाज ङैदे तदे, “शाऊल, शाऊल, न ङैने चेने सतनम् चे? चूम्‍स्‍याने त्‍वाक्‍कैदे खान्दीब ननेने नैय।”

मूल स्यूस्स्यायूजे कामजे किताब 27:23

चेनेयलो ङ कम्‍ब परमेश्‍वरजे ख्यङ्, मेस्‍ये सूने ङ पूस्तीय, दीनी मून्‍दे ङूजे दूतत्‍या ङैट्‌याने मेर्‌रदे।

मूल स्यूस्स्यायूजे कामजे किताब 9:15

तर प्रभुदे ङूने यदे, “प्र, चेनेयलो यहूदी तेब मीयू, मूरुम्यू मेस्‍ये इस्राएलजे छगूम्-पूर्‌गूम्‌यूजे खूम्ने ङैजे मीन् प्रचार चेने अम्‍बने ङैदे सेल ख्यङ्,

रोमी 1:16

ङ अम्‍ब सूगब खबर स्‍य्‍वेने अन्‍त्‍वा। विश्‍वास चेबयू नङ्ने पात्‍ता खूम् यहूदी होर्‌दे यहूदी तेब मीयूजे लागिये अम्‍ब मुक्ति पीनब परमेश्‍वरजे शक्ति ख्यङ्।

रोमी 1:5

ङूजे मीन्‍जे लागि यहूदी तेब मीयू क्‍वादेने विश्‍वास चीत्‍देबे आज्ञा मन्‍देब चेजे लागि येशू ख्रीष्‍टने परमेश्‍वरदे ङीने मूल स्यूस्स्याजे काम चेब अनुग्रह पीन ख्यङ्।

रोमी 1:9

ङ सेम्-‍नङ्देमेस्‍येने ङूजे चजे सूगब खबर स्‍योत्‍देबे ङूजे सेवा चीक्‍क्‍य। ङ प्रार्थना चीप्प येतार्‌ने नमयू ह्‍वे चीन्‍न ख्यङ् यब पोजे गवाही परमेश्‍वर ख्यङ्।

रोमी 11:13

जेम्से नम यहूदी देब मीयूने येन ख्यङ्। यहूदी देब मीयूजे लागि खर्‌दीयेब मूल स्यूस्स्या क्‍यूत्‍देबे ङ अम्‍ब कामजे सार्‌या चीक्‍क्‍य,

रोमी 15:16

अम्‍ब अनुग्रह परमेश्‍वरदे यहूदी देब मीयूने सूगब खबर स्‍य्‍वेजे लागि पूस्‍र्‌या क्‍यूत्‍देबे ङैने सेवा चीस्‍ये पीन्‍दे। येर्‌बे यहूदी देब मीयूये पवित्र आत्मादे शुद्ध क्‍यूत्‍देबे परमेश्‍वरदे सेम् पर्‌तेब बलि क्‍यूर खूस्‍य।

रोमी 15:29

मेस्‍ये ङैने था ख्यङ्, कन्‍छ्वाब ङ नमयू ट्‌याने रीय, हन्‍छ्वाब ङ येशू ख्रीष्‍टदे पीनब कूम असी टेल्‍देबे रीय।

रोमी 16:18

चेनेयलो येर मीयूदे ख्रीष्‍ट ङीन प्रभुजे दी, तर रङ्से ख्‍वाजेजे सेवा चीक्‍क्‍य। सोरो खेत्‍दे क्‍यम्‍क्‍य मेस्‍ये च्‍यूप्‍ल्‍या चीत्‍देबे सोझो मीयूने भड्कैदीय।

रोमी 16:25

ङीन परमेश्‍वरजे महिमा चीदे। ङैजे सूगब खबरदे स्य्वेप्रने परमेश्‍वरदे नमयूने बोल्यो चीम्मे खूइय। हम्‍ब ख्रीष्‍ट येशूजे बारेने क्‍यूरब वचनदे नम यहूदी देब मीयूजे लागि जूग्-जूग्मेस्‍येने नङ्सूने फूयेब परमेश्‍वरजे योजना तम्मे ख्यङ्।

१ कोरिन्थी 1:1

परमेश्‍वरजे इच्‍छादे ख्रीष्‍ट येशूजे मूल स्यूस्स्या क्‍यूर्‌ने क्‍वब पावल होरदे ङीनजे च्‍योन् सोस्‍थेनेसदे,

१ कोरिन्थी 9:1

च ङ स्‍वतन्‍त्र त्‍वया? ङ मूल स्यूस्स्या तेया? च ङैदे ङीनजे प्रभु येशूने अन्‍तङया? च प्रभुजे लागि ङैदे चेब कामजे फल नमयू तेया?

२ कोरिन्थी 1:1

परमेश्‍वरजे इच्‍छादे ख्रीष्‍ट येशूजे मूल स्यूस्स्या ङ पावल मेस्‍ये ङीनजे च्योन् तिमोथीदे, कोरिन्थने ख्‍यब परमेश्‍वरजे मण्‍डलीने, होरदे अखैयाजे का-मुलुकने ख्‍यब परमेश्‍वरजे पवित्र मीयू क्‍वानेने:

२ कोरिन्थी 11:5

हम्‍ब पात्‍ता केन् मूल स्यूस्स्या ख्यङ् यब मीयू यली ङ चै पोनेये कमी-त्‍वो।

२ कोरिन्थी 11:7

नमयूनेब केन् चेने ङ रङ्से चीद क्‍यूस्‍स्ये पीन्‍देबे परमेश्‍वरजे सूगब खबर ङैदे नमयूने चैये अन्‍कीन्‍लाबे स्‍योप्‍प ङैदे पाप चीक्‍कया?

२ कोरिन्थी 12:11

मूर्ख मीदे प्रने ङैदे चीन्‍न ख्यङ्। नमयूदे ङैने येरे चेने कर चङ्दे। तम्दम्ने नमयूदे ङैजे सार्‌या चे पर्‌ते ख्‍य। चेनेयलो ङ चैत्‍याये दीलीने पात्‍ता केन् मूल स्यूस्स्यायू यली चैपोनेये कम् त्‍वो।

२ कोरिन्थी 2:12

त्रोआसने ख्रीष्‍टजे सूगब खबर प्रचार चेने रब, प्रभुदे ङैने काम फरब ज्‍य मौका पीन्‍दे।

२ कोरिन्थी 4:5

ङी रङ्सेजे पो स्‍य्‍वेब काम अन्‍ची, तर येशूजे लागि ङी नमयूजे त्वो क्‍यूत्‍देबे, येशू ख्रीष्‍टने प्रभु ख्यङ् यदेबे प्रचार चीक्क्‍य।

गलाती 1:1

ङ पावल ख्रीष्‍टजे मूल स्यूस्स्या ख्यङ्, ङैने मीयू हुल‍दे या सूमीदेये कूल्‍बे दी, तर येशू ख्रीष्‍ट मेस्ये येशूने सीयेबदे फेरि सोम्‍बो चीम्‍मेब परमेश्‍वर पदे कूल्‍बे ख्यङ्,

एफिसी 1:1

परमेश्‍वरजे इच्‍छादे ख्रीष्‍ट येशूजे मूल स्यूस्स्या ङ पावलदे, एफिससने ख्‍यब ख्रीष्‍ट येशूने विश्‍वास चेब परमेश्‍वरजे पवित्र मीयूने अम्‍ब चिट्ठी लिख्दीन ख्यङ्:

एफिसी 1:13

होरप्रने नमयूदेये तम्दम्‍जे खबर, मुक्तिजे सूगब खबर तदेबे ख्रीष्‍टने विश्‍वास चीत्‍दे। परमेश्‍वरदे नमयूने कबुल चेब पवित्र आत्माजे छाप पूत्‍देबे ङूदे नमयूने रङ्से मी बन्‍देब गवाही पीन्दे।

एफिसी 4:11

होर्‌दे ङूजे बरयू अम्‍बने ख्यङ्, कोइ मूल स्यूस्स्यायू, कोइब अगमवक्तायू, कोइ परमेश्‍वरजे सूगब खबर स्‍य्‍वेब मीयू, कोइ पास्टरयू मेस्‍ये कोइ छ्‍योम्‍मेब मीयू क्‍यूस्‍स्‍य।

फिलिप्पी 1:1

येशू ख्रीष्‍टजे त्वोयू पावल मेस्‍ये तिमोथीदे, ख्रीष्‍टने विश्‍वास चेब फिलिप्पीजे बिशपयू मेस्‍ये डिकनयू होर्‌दे परमेश्‍वरजे पवित्र मीयू क्‍वानेने अम्‍ब चिट्ठी लिख्दीन ख्यङ्।

फिलिप्पी 2:11

मेस्‍ये प परमेश्‍वरने महिमा पीनजे लागि क्‍वाजे ङूर्‌‌दे येशू ख्रीष्‍ट प्रभु ख्यङ् यदेबे स्वीकार चे पर्‌तीय।

कलस्सी 1:1

परमेश्‍वरजे इच्छादे ख्रीष्‍ट येशूजे मूल स्यूस्स्या ङ पावलदे मेस्‍ये ङीनजे च्‍योन् तिमोथीदे,

कलस्सी 1:25

नमयूने भलो चेने परमेश्‍वरदे ङैने पीनब काम अनुसार‌, परमेश्‍वरजे वचन त्‍याये अम्‍पोङ्लाबे स्‍य्‍वेने ङ मण्डलीजे त्वो क्‍यूत्‍दे

१ थेसलोनिकी 2:2

ङीदे खूम्‍ने फिलिप्पीने सकस् भोक्‍तीकदे मेस्‍ये ह्‍यलये क्‍यूत्‍दे यब पो नमयूने थाने ख्यङ्, तर सोरो फत्‍या विरुद्ध चील्‍लीने परमेश्‍वरजे सूगब खबर स्‍य्‍वेने परमेश्‍वरदे ङीने आँट पीन्‍दे।

१ थेसलोनिकी 2:8

येरेक्‍यूत्‍देबे बेस्‍से कूम प्रेम चीत्‍देबे ङीयूदे नमयूने परमेश्‍वरजे सूगब खबर त्‍यामे दी, तर ङीजे प्राणये पीनने तयार ख्‍य, चेनेयलो नमयू ङीजे लागि सोरो छेब क्‍यूर ख्‍य।

१ थेसलोनिकी 2:9

अत-अची च्योन्‌यू, ङीदे चेब सकस् होर्‌दे छेम्‍प्रे नमयूने थाने ख्यङ्। नमयू सूनेये क्‍वी अङ्-कल्‍लाचीदे यदेबे नो-मून् काम फर्‌देबे परमेश्‍वरजे सूगब खबर ङीदे नमयूने स्‍य्वेत्‍दे।

१ तिमोथी 1:1

ङीनने मुक्ति पीनब परमेश्‍वर मेस्ये ङीनने आशा पीनब येशू ख्रीष्‍टजे आज्ञा अनुसार ख्रीष्‍ट येशूजे मूल स्यूस्स्या, ङ पावलदे अम्‍ब लिख्दीन ख्यङ्,

१ तिमोथी 2:7

अम्‍बजे लागि ङ प्रचार चेब मी मेस्ये मूल स्यूस्स्याजे रूप्‍ने चून्‍दीदे, विश्‍वास मेस्‍ये तम्दम्‍जे पोने यहूदी तेब मीयूजे लागि लोम्‍मेब मी क्‍यूत्‍दे। ङ तम्दम्‍ने यीय, लूच्‍च अन्क्यम्।

२ तिमोथी 1:11

अम्‍ब सूगब खबर स्‍य्‍वेजे लागि ङ प्रचार चेब मी, मूल स्यूस्स्या, लोम्मेब मी क्‍यूरने चून्‍तीदे।

तीतस 1:1

परमेश्‍वरजे त्वो मेस्ये येशू ख्रीष्‍टजे मूल स्यूस्स्या पावलदे, परमेश्‍वरदे सेलबयूजे विश्‍वास मेस्ये ङूने सेम् पर्‌तेब जीया अनुसार थमयूजे तम्दम्जे ज्ञान थेप् चेने,

हिब्रू 5:4

रङ्सेदे बोङ् चीत्‍देबे अम्‍ब पात्‍ता केन् पूस्‍र्‌याजे गेसेन् सू मीदेये प्रेअङ्‍खू, तर परमेश्‍वरदे हारूनने क्‍वप्र हम्‍ब मीने कोलो त्‍यामे प्रेखूइय।

हिब्रू 7:26

चेनेयलो ङीनजे लागि पवित्र, दोष त्‍वब, चैये खोट् त्‍वब, पाप त्‍वब, मेस्‍ये पात्‍ता फ्‍या स्‍वर्गने लङ्‍केब पात्‍ता नङ्ने केन् येर पूस्‍र्‌या त्‍या क्‍यूर पर्‌ते ख्यङ्।

याकूब 1:1

परमेश्‍वर मेस्‍ये प्रभू येशू ख्रीष्‍टजे त्वो, ङ याकूबदे अम्‍ब चिट्ठी लिख्दीन ख्यङ्: का-मुलुक‍ने स्‍वा-स्‍वा क्‍यूत्‍देबे टूनब बाह्र खलकजे मीयूने नमस्कार।

१ पत्रुस 4:17

चेनेयलो परमेश्‍वरजे रङ्से मीयूदेमेस्‍ये न्याय शुरु क्‍यूरब बील फ्‍योर ख्यङ्, कादेये अम्‍ब न्याय ङीनदेमेस्‍ये सुरु क्‍यूक्‍क्‍य यलो परमेश्‍वरजे सूगब खबरने विश्‍वास अन्‍चेबयूजे झन् कर न्याय क्‍यूक्‍क्‍य?

२ पत्रुस 1:1

येशू ख्रीष्‍टजे त्वो मेस्‍ये मूल स्‍यू‍स्स्‍या ङ सिमोन पत्रुसदे, ङीनजे परमेश्‍वर मेस्‍ये मुक्ति पीनब येशू ख्रीष्‍टजे धार्मिकतादे ङीनजेप्रने सोरो केन् विश्‍वास चेबयूने:

यहूदा 1:1

ङ यहूदा, येशू ख्रीष्‍टजे त्‍वो मेस्‍ये याकूबजे च्‍योन् ख्यङ्। प-परमेश्‍वरदे सेल्‍देबे माया चेब मीयू मेस्ये येशू ख्रीष्‍टदे रक्षा चेब मीयूने अम्‍ब चिट्ठी लिख्दीन ख्यङ्:

प्रकाश 1:1

अम्ब प्रकाशजे वचन येशू ख्रीष्‍टजे ख्यङ्। जेम्से छ्‍योट्‍टोने क्यूट्‍टमेब पो परमेश्‍वरदे रङ्सेजे सेवा चेबयूने तम्‍मेजे लागि येशूने पीन्‍दे। अम्‍ब पोयू येशूदे रङ्सेजे दूत कूल्‍पीदेबे रङ्सेजे त्वो यूहन्‍नाने तम्‍मीदे।

प्रकाश 22:6

होर्‌दे स्वर्गदूतदे ङैने यदे, “अम्‍ब वचन भर्‌पर्‌तेब मेस्‍ये सत्‍य ख्यङ्। जेम्से अगमवक्तायूने रङ्से आत्‍मा पीनब परम्प्रभु परमेश्‍वरदे छ्‍योट्‍टोने क्यूट्‍टब पोयू रङ्से त्वो-त्वोमयूने तनजे लागि रङ्से स्वर्गदूत कूल्‍बीदे।”

प्रकाश 22:9

तर ङूदे ङैने यदे, “नदे येरे चे अन्‍क्‍यूर्‌। न मेस्‍ये अगमवाणी क्‍यमब नैजे अत-च्योन्‌यू होर्‌दे अम्‍ब किताबजे वचन मन्‍देबयूप्रेप्रेजे ङैये परमेश्‍वरजे त्वो त्‍यामे ख्यङ्। परमेश्‍वरने स्‍यूव पीन्!”