प्रकाश 9:21 - घले नयाँ करार

²¹ थमयू रङ्सेदे चीन्‍नब मी-से काम, जादूयू, वेश्य काम मेस्‍ये ख्‍वब काम क्‍याने पश्‍चाताप अन्‍ची।

प्रकाश 9:21 ပူးပေါင်းရင်းမြစ်များ

मत्ती 15:19

चेनेयलो सेम्‍देने अन्‍ज्‍य ह्‍वे चेब, मी सेब, मीजे मजप्रे प्रब, वेश्य काम चेब, ख्‍वब, लूच्‍च गवाही पीनब, मेस्‍ये मीजे बतनम् चेब अन्ज्‍य पोयू फीने योङ्‍रीय।

२ कोरिन्थी 12:21

ङ फेरि होने रब, मालाङ् पाप चेब मेस्ये अशुद्ध काम, वेश्य काम चेब मेस्‍ये छाडा बनीयू क्‍याबेने पश्‍चात्ताप अन्‍चेब कूम मीयूजे लागि ङैदे शोक् चेपर्‌तीने। येर्‌बे ङैदे पूस्‍तीनब परमेश्‍वरदे नमयूजे खूम्‍ने ङैने चीद चीम्‍मीइ च यदेबे फैन ख्यङ्।

गलाती 5:20

मूर्तिने पूस्‍ते, ङा-थूक्, शत्रु, च्‍य-फा, म्यातब, छी, रङ्सेत्‍या चे मे, अन्‍थून, हूल‍या,

प्रकाश 13:13

पृथ्‍वीदे योङ्‍रब रोलादे मीयूजे खूम्‍ने तो-मूदे पृथ्‍वीने मी-फूली तलप्रने सूजो केन्-केन् च्‍यूनूयूये चीत्‍दे।

प्रकाश 13:15

समुद्रदे योङ्‍रब रोलाजे मूर्तिदे क्‍यम खूस्‍य यदेबे हम्‍ब मूर्ति ने स चङ ख्वब शक्ति हम्‍ब पृथ्‍वीदे योङ्‍रब रोलाने पीन्‍दे। येरे सू-सूदे हम्‍ब मूर्तिने पूजा अन्‍ची थमयूने सेक्‍कस्य।

प्रकाश 13:7

होर्‌दे परमेश्‍वरजे पवित्र मीयूप्रे जीङ्देबे थमयू फ्‍याने ङू ट्‌यासे पीन्‍दे। ङूने खलकयू, मीयू, केयू, जात जातयू क्‍वा फ्‍यानेने हक चील्‍लीस्ये पीन्‍दे।

प्रकाश 14:8

होर्‌दे सूजो स्वर्गदूत त्‍या, या दोस्रो स्वर्गदूतब येरे यदेबे ङ्ये-ङ्ये गीली, “पतन क्‍यूरी! जात जातजे मीयूने रङ्सेदे चेब वेश्य कामजे ची थूङ्से पीनब सोरो केन् बेबिलोन सहरजे पतन क्‍यूरी।”

प्रकाश 16:6

चेनेयलो थमयूदे परमेश्‍वरजे पवित्र मीयूने मेस्‍ये अगमवक्तायूने सेक्‍क ख्यङ्, मेस्‍ये नदे थमयूने का थूङ्से पीन ख्यङ्। हम्‍बजे दण्ड थमयूदे प्रेने पर्‌दे ख्यङ्।”

प्रकाश 17:2

पृथ्‍वीजे मूरुम्यूदे ङूप्रे वेश्य काम चे ख्यङ्, मेस्‍ये हम्‍ब मदीदे वेश्य कामजे ची थूङ्से पीन्‍देबे पृथ्‍वीने ख्‍यब मीयूने स्‍योला चे ख्यङ्।”

प्रकाश 17:4

हम्‍ब मदीदे बैजनी मेस्‍ये चकिलो मल्‍लम् कोला ह्‍वे ख्‍य, मर्‌, बेस्‍से मगो पर्‌तेब रत्‍न मेस्‍ये मोतीयू ङूदे ह्‍वोदे ख्‍य। मेस्‍ये ङ्येत्‍या सेयू, या ङूदे चेब वेश्य कामजे अशुद्ध थोक‍दे फ्‍यानब मर्‌जे पील त्‍या ङूदे लाने टेल्‍न ख्‍य।

प्रकाश 17:5

ङूजे प्‍वेने अर्थ क्‍व-अङ्ख्‍वब मीन् त्‍या लिख्दीये ख्‍य: “पृथ्‍वीने ख्‍यब वेश्य मदीयूजे मेस्‍ये ङ्येत्‍या सेयूजे म पात्‍ता केन् बेबिलोन।”

प्रकाश 18:3

चेनेयलो जात जातजे मीयू क्‍वादेने हम्‍बदे चेब अशुद्ध वेश्य कामजे ची थूङ ख्यङ्, मेस्‍ये पृथ्‍वीने ख्‍यब मूरुम्यूदे ङूप्रे वेश्य काम चे ख्यङ्, होर्‌दे पृथ्‍वीने छोङ् चेब मीयूदे हम्‍ब बेबिलोनने क्‍यूरब मोज-मजादेने फ्‍योबो क्‍यूर प्रे ख्यङ्।”

प्रकाश 19:2

चेनेयलो ङूदे चेब न्याय सत्य मेस्‍ये ठीक ख्यङ्। रङ्सेजे वेश्य कामदे पृथ्‍वीजे मीयू क्‍वानेने नोङ्बेब हम्‍ब पात्‍ता केन् वेश्यने परमेश्‍वरदे दण्ड पीन ख्यङ्, मेस्‍ये परमेश्‍वरजे त्वो-त्वोमयू सेबजे खी फाक ख्यङ्।”

प्रकाश 21:8

तर फैजङ्यू, विश्‍वास अन्‍चेबयू, ङ्येत्‍या क्‍यूरबयू, मी सेबयू, वेश्य काम चेबयू, ङा-थूक् चेबयू, मूर्ति पूजा चेबयू, मेस्‍ये लूच्‍च क्‍यमबयू क्‍वाने प्ल्याङ्नब मी प्रे गन्‍धकजे भोप्‍प्रोने छाबीय। अम्‍ब दोस्रो मृत्‍यू ख्यङ्।

प्रकाश 22:15

होर्‌दे सहरजे फीनेब क्‍योयू, ङा-थूक् चेयू, वेश्य काम चेयू, मी सेब काम चेयू, मूर्ति पूजा चेयू, मेस्‍ये लूच्‍च चेब सेम् पर्‌तेयू मेस्‍ये हम्‍ब अनुसार‌ काम फरबयू क्‍यूक्‍क्‍य।

प्रकाश 9:20

अम्‍ब फत्या सकस्दे अन्‍सेक्‍क लम ख्‍यब मीयूजे रङ्से लादे चेब कामयूजे लागि थमयूदे अझ पश्‍चाताप अन्‍ची। थमयूदे छेत्‌यूने, म्‍यादे तङ अङ्ख्‍वब, चैये त-अङ्ख्‍वब मेस्‍ये प्र अन्‍ख्‍वब, मर्, चाँदी, चीरी, लूङ् मेस्‍ये स्‍यङ्जे मूर्तियूने पूजा चेने अन्‍क्‍यापी।