प्रकाश 7:2 - घले नयाँ करार

² होर्‌दे सोम्‍बो परमेश्‍वरजे छाप प्रेटेल्‍देबे सूजो स्वर्गदूतत्‍या पूर्ब-सदे स्वर्गतेले टेरीनब ङैदे तङ्दे। पृथ्‍वी मेस्‍ये समुद्रने हानी चेजे लागि हक पीनेब स्वर्गदूतयू स्यीने ङूदे के केन् योन्‍देबे येरे यदे,

प्रकाश 7:2 ပူးပေါင်းရင်းမြစ်များ

मत्ती 16:16

सिमोन पत्रुसदे जवाफ पीन्‍दे, “न सोम्‍बो परमेश्‍वरजे च ख्रीष्‍ट ख्यङ्।”

मत्ती 26:63

तर येशू पारा अम्‍पूल्‍लाबे टूङ्दे। पात्‍ता केन् पूस्‍र्‌यादे ङूने यदे, “सोम्‍बो परमेश्‍वरजे मीन्‍ने कसम चदेबे यीय, ङीने स्‍य्‍वे, न परमेश्‍वरजे च ख्रीष्‍ट औ?”

यूहन्‍ना 6:27

नाश क्‍यूप्‍पब चसेजे लागि कूम छेम्‍प्रे अन्‍चील्‍लाची, तर कलङ्बेये अन्‍सीबब जीयासेमे टूङब चसेजे लागि छेम्‍प्रे ची ‘मीजे चदे’ नमयूने अम्‍ब पीन्‍क्‍य। चेनेयलो परमेश्‍वर पदे ङू फ्‍याने रङ्सेजे छाप पूदे ख्यङ्।”

२ कोरिन्थी 1:22

ङूदे ङीनने रङ्सेजे यदेबे छाप पूक्‍क जेन ख्यङ्, होरदेमेस्‍ये बैनाजे रूप्‍ने पवित्र आत्मा ङीनजे सेम्ने पीन ख्यङ्।

एफिसी 1:13

होरप्रने नमयूदेये तम्दम्‍जे खबर, मुक्तिजे सूगब खबर तदेबे ख्रीष्‍टने विश्‍वास चीत्‍दे। परमेश्‍वरदे नमयूने कबुल चेब पवित्र आत्माजे छाप पूत्‍देबे ङूदे नमयूने रङ्से मी बन्‍देब गवाही पीन्दे।

एफिसी 4:30

होर्‌दे परमेश्‍वरजे पवित्र आत्माने सेम्-नला अन्चील्‍लाची, हम्‍बदे उद्धार‌जे दिन‍जे लागि नमयूने छाप पूदे ख्यङ्।

१ थेसलोनिकी 1:9

नमयूट्‌याने ङी रब कर किसिमदे स्वागत चीत्दे, होर्‌दे नमयू तम्दम् सोम्‍बो परमेश्‍वरजे सेवा चेने मूर्तियूजे सेवा चेब काम‍दे ल्‍वारदे यब पो मीयूदेने स्‍योक्‍क्‍य।

२ तिमोथी 2:19

तर परमेश्‍वर रङ्सेदेने लैदेब जा बोल्योने टूनीय, मेस्‍ये हम्‍बने येर छाप लैदीये ख्यङ्, “प्रभुदे रङ्से मीयूने स्येय” मेस्‍ये “प्रभुजे मीन् कीनब मीयू क्‍वादेने धर्म प्‍वेब कामयू अन्‍चीस्‍स्‍य।”

हिब्रू 12:22

तर नमयूब सियोन गङ्ने, सोम्‍बो परमेश्‍वरजे सहरने, स्‍वर्गजे यरूशलेमने, मेस्‍ये चीलने अङ्ख्‍वब स्‍वर्गदूतयूजे आनन्द चेब नेने रेक ख्यङ्।

प्रकाश 1:3

अगमवाणीजे अम्‍ब वचनयू लिख्दीयेब किताब सूदे के केन् योन्‍देबे छ्‌योक्‍क्‍य, सूदे ङ्यीन्‍क्‍य, मेस्‍ये हैयाने लिख्दीयेब पो सूदे मन्‍दीय थमयूदे असी प्रेक्‍क्‍य, चेनेयलो बील ट्‌याने फ्‍योर ख्यङ्।

प्रकाश 10:1

मूक्‍पदे तोलेब सूजो बोल्‍यो स्वर्गदूत स्वर्गदे तल्‍रब ङैदे तङ्दे। ङूजे ट-फ्‍याने कूयूङ्-क्‍यू ख्‍य, मेस्‍ये ङूजे त्‍वा मीयाप्र मेस्‍ये तोप्यू प्‍ल्‍याङ्नब मीजे थम्प्र ख्‍य।

प्रकाश 10:4

कन्‍छ्वाब हम्‍ब मू ङ्यीफे गर्‌जेदेब आवाजदे रङ्से-रङ्से आवाज योन्‍दे, ङ लिख्दे मल्‍न ख्‍य, हन्‍छ्वाब स्वर्गदे येरे यब आवाज ङैदे तदे, “हम्‍ब मू ङ्यीफे गर्‌जेदेब आवाजदे यब पोने नङ्सू हीन्, मेस्‍ये हम्‍ब अन्‍लीख्‍दीलाची।”

प्रकाश 16:12

होर्‌दे पलो र्‌वाजे स्वर्गदूतदे रङ्सेप्रे टेल्‍नब पील पात्‍ता केन् होङ् यूफ्रेटीसने फैम्‍पीदे, मेस्‍ये होङ्जे क्‍यू ताई मेस्‍ये पूर्बदे रब मूरुम्यूजे लागि लम् तयार क्‍यूत्‍दे।

प्रकाश 5:2

होर्‌दे सोरो बोल्यो स्वर्गदूत त्‍यादे आवाज केन् योन्‍देबे येरे येनब ङैदे तङ्दे, “अम्‍ब लगजे छाप‌यू पर्‌देबे मूठ पूक ख्‍वब लायक‍जे सू ख्यङ्?”

प्रकाश 8:3

मेस्‍ये सूजो स्वर्गदूत त्‍या रदे, मेस्‍ये मर्‌जे धूप्‍प्रो टेल्‍देबे चाक्‍क्‍या ट्‌याने मेर्‌दे। सिंहासनजे खूम्‍ने ख्‍यब मर्‌जे चाक्‍क्‍या फ्‍याने परमेश्‍वरजे पवित्र मीयू क्‍वाजे प्रार्थनाप्रे-प्रे चेर्‌देजे लागि ङूने कूम स्‍यूक्‍प पीन्‍दे।

प्रकाश 9:14

धूङ्‍कूर्‌ टेलब छैटौँ स्वर्गदूतने येरे यब ङैदे तदे, “यूफ्रेटीस यब गीन्‍दी केन्‍ने ख्‍यायेब हम्‍ब स्वर्गदूत स्यीने क्यापी।”

प्रकाश 9:4

हम्‍बयूने आज्ञा पीन्‍दे, पृथ्‍वीने ख्‍यब रेम्‍यू या तङ्बोयू मेस्‍ये चीद पोयू कम्‍बनेये हानी अन्‍चील्लाची, तर पैने परमेश्‍वरजे छाप त्‍वब मीयूनेत्‍यामे हानी ची।