प्रकाश 7:17 - घले नयाँ करार

¹⁷ चेनेयलो सिंहासनजे अन्‍द्रने ख्‍यब थुमा थमयूजे प्रङ्ब क्‍यूक्‍क्‍य, मेस्‍ये थमयूने प्रेस्‍योल्‍देबे सोम्‍बो क्‍यू प्ल्यानब मूरुम्सेमे कूबीय, मेस्‍ये परमेश्‍वरदे थमयूजे म्‍यादे योङ्‍रब म्‍यामूयू क्‍वाने फील्‍मीय।”

प्रकाश 7:17 ပူးပေါင်းရင်းမြစ်များ

मत्ती 2:6

‘यहूदिया मुलुकजे त, ओ बेथलेहम, यहूदाने हुकुम चील्‍लेब मीयूजे अन्‍द्रने न चै कामनेये कमी त्‍वो, चेनेयलो नैट्‍यादे हुकुम चेब मी त्‍या योङ्‍रीय, ङूदे इस्राएलने ख्‍यब ङैजे मीयूने लेक्‍क्‍य’।”

मत्ती 5:4

शोक् चेब मीयूदे असी प्रेक्‍क्‍य, चेनेयलो हम्‍बयूदे सेम्ने सान्त्वना प्रेक्‍क्‍य।

यूहन्‍ना 10:11

ङ सोरो ज्‍य प्रङ्ब ख्यङ्। सोरो ज्‍य प्रङ्बदे रङ्सेजे स्वान्‌यूजे लागि रङ्से ङ्वने पीन्‍क्‍य।

यूहन्‍ना 10:14

“ङ सोरो ज्‍य सोम्प्रङ्ब ख्यङ्, ङैदे रङ्सेजे स्वान्‌यू स्‍ये ख्यङ्, होर्‌दे ङैजे स्वान्‌यूदेये ङैने स्‍ये ख्यङ्।

यूहन्‍ना 4:10

येशूदे जवाफ पीन्‍दे, “परमेश्‍वरजे बर मेस्‍ये नैप्रे चूजो क्‍यू स्‍यब मी स्‍ये यलो नदे ङूप्रे क्‍यू स्‍य ख्यङ्दे होर्‌दे ङूदे नने जीयाजे क्‍यू पीन ख्यङ्दे।”

यूहन्‍ना 4:11

हम्‍ब मदीदे ङूने यदे, “नैप्रे क्‍यू ह्‍वब तीया त्‍वो, क्‍यू कोम्‍पो सोरो मामो ख्यङ्। होर्‌दे हम्‍ब जीया पीनब क्‍यू नदे केर्‌दे रेक्‍क्‍य?

यूहन्‍ना 4:14

तर ङैदे पीनब क्‍यू सू-सूदे थूङ्क्‍य हम्‍ब मीने फेरि कलङ्बेये क्‍यू फैस्‍ये त्‍वो, चेनेयलो ङैदे कम्‍ब क्‍यू ङूने थूङ्से पीन्‍क्‍य हम्‍ब क्‍यू कलङ्बेये अन्सीबब जीयाजे लागि प्‍ल्‍यानब क्‍यू-मुरूम् क्‍यूक्‍क्‍य।”

मूल स्यूस्स्यायूजे कामजे किताब 20:28

नमयूजे लागि मेस्‍ये रङ्से बगलजे लागि होस्स्यार क्‍यूत्देबे टूङ्। पवित्र आत्मादे नमयूने बगलजे जिम्मा प्‍लेब मी बन्‍देब कारण ङूदे रङ्सेजे कादे कीनब परमेश्‍वरजे मण्डलीजे स्याहार नमयूदे चीदो।

१ पत्रुस 5:2

परमेश्‍वरदे नमयूजे जिम्माने पीनेब बगलने प्रङ्बप्र क्यूत्देबे चेलाबे ले। कोइजे कर्‌दे दी, तर नैजे रङ्से इच्छादे फरब क्‍यूस्‍स्‍य, नोर्‌जे लोभने दी तर सेवा चेब सेम् टेल्‍देबे अम्‍ब काम ची।

प्रकाश 14:4

थमयू मदीप्रे लस्पस् अन्-क्‍यूक्‍कब ख्‍य, मेस्‍ये थमयूदे रङ्सेने चोखो ये ख्‍य। थुमा केने-केने प्रीय होने होने ङू ङ्‍ये-ङ्‍ये प्रबयूब थमयू ख्‍य। परमेश्‍वर मेस्‍ये थुमाजे लागि पात्‍ता खूम् चेर्‌तेब फलप्रने मीयूजे अन्‍द्रदे थमयूने लू-फादेबे छूर्‌तीरे ख्‍य।

प्रकाश 21:22

ङैदे हम्‍ब सहरने प्रार्थना चेब मन्दिर त्‍याये अन्‍तङ्, चेनेयलो पात्‍ता केन् शक्ति ख्‍यब परमेश्‍वर मेस्‍ये थुमा रङ्सेब हम्‍ब सहरजे मन्दिर ख्यङ्।

प्रकाश 21:23

हम्‍ब सहरने ओथ्याङ् चेजे लागि मीया मेस्‍ये लीनी अन्‍चैदी, चेनेयलो परमेश्‍वरजे महिमादेने हम्‍ब सहर ओथ्याङ् चे ख्यङ्। मेस्‍ये हम्‍ब सहरजे बत्तीब थुमा ख्यङ्।

प्रकाश 21:4

होर्‌दे परमेश्‍वरदे थमयूजे म्‍याने ख्‍यब म्‍यामू क्वाने फील्‍मीय, मेस्‍ये हैयाने सीब पर्‌दीस्‍ये त्‍वो, शोक् मेस्‍ये दु:खये क्‍यूस्‍स्ये त्‍वो। चेनेयलो ङीङ् पोयू मले-जेङ्‍क ख्यङ्।”

प्रकाश 21:6

ङूदे ङैने यदे, “जेम्से जङ्‍गदे। ङ अल्‍फा मेस्‍ये ओमेगा, सुरु मेस्ये अन्‍त ख्यङ्। ङैदे क्‍यू फैब मीयूने जीया पीनब क्‍यू मूरुम्दे होरेने थूङ्से पीन्‍क्‍य।

प्रकाश 22:1

होर्‌दे ङूदे ङैने जीया पीनब क्‍यूजे होङ् तम्‍मीदे, हम्‍बङ्येदे क्‍यूजे होङ् छालाला तङब स्‍फटीकप्र चकिलो ख्‍य। हम्‍ब होङ् परमेश्‍वरजे मेस्‍ये थुमाजे सिंहासनदे योङ्‍रदेबे,

प्रकाश 4:11

“ङीन्जे प्रभु मेस्‍ये परमेश्‍वर, महिमा, गेसेन्, मेस्‍ये शक्ति प्रेब लायक‍जे न ख्यङ्, चेनेयलो साप्‍ता से नदेने सृष्‍टि चीत्‍दे, मेस्‍ये नैजे इच्छा अनुसार हम्‍बयू क्यूट्‍टदे मेस्ये जीया प्रेत्‍दे।”

प्रकाश 5:6

होर्‌दे सिंहासन, सोम्‍बो प्राणी स्यी, मेस्‍ये धर्म-गुरुयूजे अन्‍द्रने थुमा त्‍या मेर्‌नब ङैदे तङ्दे, ङू सेक्‍कप्र तङ ख्‍य। ङूजे रूक् ङ्यी मेस्‍ये म्‍या ङ्यी ख्‍य, हम्‍बयू पृथ्‍वीजे का-मुलुक‍ने कूल्‍बेब परमेश्‍वरजे आत्‍मा ङ्यी ख्यङ्।