प्रकाश 6:10 - घले नयाँ करार

¹⁰ मेस्‍ये थमयूदे के केन् योन्‍देबे पार पूत्‍दे, “पात्‍ता केन् शक्ति ख्‍यब पवीत्र मेस्‍ये सत्य प्रभु, न कलङ्सेमे पृथ्‍वीने ख्‍यबयूजे न्याय अन्‍चील्‍लाबे टूङ? मेस्‍ये कलङ्सेमे ङीने सेबयूजे खी अम्फालाबे टूङ?”

प्रकाश 6:10 ပူးပေါင်းရင်းမြစ်များ

लूका 2:29

“जेम्से ओ परमप्रभु, रङ्सेजे कबुल अनुसार नदे रङ्से त्वोने शान्ति क्यूत्देबे सीबस्ये पीनो।

लूका 21:22

चेनेयलो लिख्दीयेब पोयू क्वाने पूरा क्‍यूरने अम्‍ब खी फाब दिन क्यूक्क्य।

रोमी 12:19

छेब अत च्योन्‌यू, रङ्सेने अन्‍ज्‍य चेब मीने कलङ्बेये खी अम्‍फालाची। तर खी फाब काम परमेश्‍वरजे लाने पीन, चेनेयलो धर्मशास्त्रने लिख्दीये ख्यङ्, “खी फाब काम ङैजे ख्यङ्। ङैदेने खी फाय”, परम्‍प्रभूदे य ख्यङ्।

हिब्रू 12:24

परमेश्‍वर मेस्ये मीयूजे अन्‍द्रने सर् करारजे पो मील्‍लेब येशू मेस्‍ये ङूजे छीट्का काजे खूम्‍ने नमयू र ख्यङ्। अम्‍ब कादे हाबिलजे कादे यली थेप् ज्‍य पो क्‍यम ख्यङ्।

२ पत्रुस 2:1

केर्‌बे इस्राएलीयूजे अन्‍द्रने लूच्‍च अगमवक्तायू ख्‍य, होरप्रने नमयूजे अन्‍द्रनेये लूच्‍च पोयू लोम्‍मेब मीयू क्‍यूक्‍क्‍य। अम्बयूदे नङ्सू रुप्दे नाश चेब लूच्‍च शिक्षायू रेक्क्य, अन्‍छ्वासेमे यी थमयू रङ्सेने उद्धार चीम्‍मेब प्रभुनेये क्यापीय, मेस्‍ये रङ्सेने छ्‌योटोने नाश क्‍यूस्‍स्ये पीन्‍क्‍य।

प्रकाश 11:18

जात जातजे मीयू सोरो छी-लङ्दे, तर नैजे छी थमयू फ्‍याने तन्‍दे। सीयेब मीयूजे न्याय चेब बील रदे, नैजे त्वो अगमवक्तायू, परमेश्‍वरजे पवित्र मीयू मेस्‍ये परमेश्‍वरने गेसेन् चेब केन्-चीद मीयूने इनाम पीनब बील, मेस्‍ये पृथ्‍वी नोङबयूने नाश चेब बील रदे।”

प्रकाश 18:20

स्वर्गने टूङबयू क्‍वाने सूग्, चेनेयलो परमेश्‍वरदे हम्‍ब सहरजे नाश चे ख्यङ्! परमेश्‍वरजे पवित्र मीयू, मूल स्यूस्स्यायू मेस्‍ये अगमवक्तायू, नमयू फ्‍याने चेब अन्-न्यायजे लागि परमेश्‍वरदे ङूने दण्ड पीन ख्यङ्।”

प्रकाश 18:24

बेबिलोनदे दण्ड प्रे ख्यङ्, चेनेयलो अगमवक्तायू, परमेश्‍वरजे पवित्र मीयू मेस्‍ये पृथ्‍वीने सेक्‍कब मीयू क्‍वाजे का हम्‍ब सहरजे लम्‌यू भरीने ख्य।”

प्रकाश 19:2

चेनेयलो ङूदे चेब न्याय सत्य मेस्‍ये ठीक ख्यङ्। रङ्सेजे वेश्य कामदे पृथ्‍वीजे मीयू क्‍वानेने नोङ्बेब हम्‍ब पात्‍ता केन् वेश्यने परमेश्‍वरदे दण्ड पीन ख्यङ्, मेस्‍ये परमेश्‍वरजे त्वो-त्वोमयू सेबजे खी फाक ख्यङ्।”

प्रकाश 3:10

धेरेन् क्‍यूत्‍देबे नदे ङैजे आज्ञा मन्‍दे ख्यङ्, होरेक्‍यूत्‍देबे अम्‍ब पृथ्‍वीजे मीयू क्वाने जाँच‍तेजे लागि संसारजे का-मुलुक‍ने सकस् रब बीलने ङ नने जूक्‍तीमीय।

प्रकाश 3:7

होर्‌दे फिलाडेल्‍फियाजे मण्‍डलीजे दूतने अम्‍ब पो लिख्दी: यी पोयू पवित्र मेस्ये सत्य ख्‍यबदे य ख्यङ्, ङूजे लाने दाऊदजे चापी ख्यङ्। ङूदे च पूक्‍क्‍य, सूदेये था खूस्‍ये त्‍वो, मेस्‍ये ङूदे च थाय, सूदेये पूक खूस्‍ये त्‍वो।