प्रकाश 5:12 - घले नयाँ करार

¹² थमयूदे के केन् योन्देबे येरे प्रू पून्‍न ख्‍य, “सेक्‍कब थुमा शक्ति, सोरो कूम फ्‍योबो, बुद्धि, बोङ्, गेसेन्, महिमा मेस्‍ये जै-जै प्रेब लायक‍जे ख्यङ्।”

प्रकाश 5:12 ပူးပေါင်းရင်းမြစ်များ

मत्ती 28:18

होर्‌दे येशू थमयू ट्‌याने रदेबे यदे, “स्वर्ग प्रे पृथ्वीजे साप्‍ता हक ङैने पीने ख्यङ्।

यूहन्‍ना 1:29

नैदेरेदे यूहन्‍नादे रङ्सेतेले येशू रेनब तङ्देबे यदे, ‘ले, संसारजे पाप लङ्‍केब परमेश्‍वरजे थुमा!

यूहन्‍ना 17:2

चेनेयलो नदे ङूने मीयू फ्‍यानेने हुकुम चील्‍लेब चीम्‍मे ख्यङ्, मेस्‍ये नदे ङूने पीनब मीयू क्‍वानेने ङूदे पीन्‍स्‍य।

२ कोरिन्थी 8:9

चेनेयलो ङीनजे प्रभु येशू ख्रीष्‍टजे अनुग्रह नमयूदे स्‍ये ख्यङ्, ङू फ्योबो ख्यङ्लीने नमयूजे लागि दूख्‍प्रे क्‍यूत्‍दे, होरदे ङू दूख्‍प्रे क्‍यूरब काम‍दे नमयू फ्‍योबो क्‍यूर खूस्‍स्‍य।

१ तिमोथी 1:17

जूग्-जूग्जे मूरुम्, कलङ्बेये अन्‍सीबब मेस्ये तङ अन्‍ख्‍वब तीत्‍या त्‍या परमेश्‍वरने येतार्‌ने गेसेन् मेस्ये महिमा क्‍यून्‍नूस्‍य। आमेन।

प्रकाश 1:6

मेस्ये ङीनने राज्‍यत्‍या पीन ख्यङ्, ङीनने ङूजे परमेश्‍वर मेस्ये पजे सेवा चेब पूस्‍र्‌यायू चीम्‍मे ख्यङ्, ङूने महिमा मेस्‍ये शक्ति येतार्‌ने क्‍यून्‍नूस्‍य। आमेन।

प्रकाश 13:8

कलङ्बेये अन्जेनब जीया प्रेबयूजे मीन् लिख्दीयेब किताबने संसारजे सृष्‍टि क्यूरयली खूम्मेस्येने मीन् अन्लीख्दीयेब मीयू क्वादेने हम्ब रोलाजे पूजा चीक्‍क्य। हम्ब किताबब सेक्‍कब थुमाजे ख्यङ्।

प्रकाश 15:3

थमयूदे परमेश्‍वरजे त्वो मोशाजे मेस्‍ये थुमाजे प्रू येरे यदेबे पून्‍न ख्‍य, “पात्‍ता केन् शक्ति ख्यब परमप्रभु परमेश्‍वर, नैजे काम सोरो केन् मेस्‍ये हार्‌मन्‍देत्‍या ख्यङ्। न जात जातजे पात्‍ता केन् मूरूम्, नैजे योजनायू ठीक मेस्‍ये तम्दम् ख्यङ्।

प्रकाश 19:1

होर्‌देङ्येदे स्वर्गने मी हुल केन् त्‍यादे बोङ्बे पारा प्‍वेब केदे येरे येनब ङैदे तदे, “हल्‍लेलूयाह! मुक्ति, महिमा मेस्‍ये शक्ति ङीन्‍जे परमेश्‍वरजेने ख्यङ्,

प्रकाश 4:11

“ङीन्जे प्रभु मेस्‍ये परमेश्‍वर, महिमा, गेसेन्, मेस्‍ये शक्ति प्रेब लायक‍जे न ख्यङ्, चेनेयलो साप्‍ता से नदेने सृष्‍टि चीत्‍दे, मेस्‍ये नैजे इच्छा अनुसार हम्‍बयू क्यूट्‍टदे मेस्ये जीया प्रेत्‍दे।”

प्रकाश 5:13

होर्‌दे स्वर्गने, पृथ्‍वीने, पातलने, समुद्र, मेस्‍ये होने ख्‍यब प्राणीयू क्‍वादेने येरे प्रू पून्‍नब ङैदे तदे, “सिंहासनने देन् छ्‌यानबने मेस्‍ये थुमाने जै-जै, गेसेन्, महिमा मेस्‍ये शक्ति येतार्‌ने क्‍यून्‍नूस्‍य।”

प्रकाश 5:6

होर्‌दे सिंहासन, सोम्‍बो प्राणी स्यी, मेस्‍ये धर्म-गुरुयूजे अन्‍द्रने थुमा त्‍या मेर्‌नब ङैदे तङ्दे, ङू सेक्‍कप्र तङ ख्‍य। ङूजे रूक् ङ्यी मेस्‍ये म्‍या ङ्यी ख्‍य, हम्‍बयू पृथ्‍वीजे का-मुलुक‍ने कूल्‍बेब परमेश्‍वरजे आत्‍मा ङ्यी ख्यङ्।

प्रकाश 5:8

कन्‍छ्वाब ङूदे हम्‍ब मूठ लाने कीन्‍दे, हन्‍छ्वाब हम्‍ब सोम्‍बो प्राणी स्यी मेस्‍ये नूस्‍यूदे स्यी धर्म-गुरुयू ङूजे खूम्‍ने पून्‍छ्‌यल् क्‍यूत्‍दे। तपब वीणा मेस्‍ये धूपदे फ्‍यायेब मर्‌जे तीयाँयू थमयू क्‍वाजे लाने ख्‍य, अम्‍बब परमेश्‍वरजे पवित्र मीयूजे प्रार्थना ख्यङ्।

प्रकाश 5:9

थमयूदे येरे यदेबे प्रू सर् त्‍या पूत्‍दे: “अम्‍ब खूस्‍यजे मूठ लाने टेल्देबे लगजे छाप‌यू पूक ख्‍वब लायक‍जे न ख्यङ्, चेनेयलो न सेक्‍क ख्‍य, मेस्‍ये खलकयू, क्यमब केयू, देशयू मेस्‍ये जात-जातयूजे अन्द्रदे मीयूने परमेश्‍वरजे लागि नैजे रङ्से कादे छुटकारा चीम्‍मीदे,

प्रकाश 6:1

कन्‍छ्वाब थुमादे हम्‍ब लग छाप ङ्यी नङ्ने पात्‍ता खूम्‍जे छाप ल्‍वाबेब ङैदे तङ्दे, हन्‍छ्वाब हम्‍ब सोम्‍बो प्राणीयू स्यी नङ्ने त्यादे मू गर्‌जेदेप्र आवाजदे “ख!” यब ङैदे तदे।

प्रकाश 7:12

“आमेन! ङीन्जे परमेश्‍वरजे सार्‌या, महिमा, बुद्धि, धन्‍यवाद, गेसेन्, शक्ति मेस्‍ये बोङ् येतार्‌ने क्‍यून्‍नूस्‍य। आमेन!”