प्रकाश 4:11 - घले नयाँ करार

¹¹ “ङीन्जे प्रभु मेस्‍ये परमेश्‍वर, महिमा, गेसेन्, मेस्‍ये शक्ति प्रेब लायक‍जे न ख्यङ्, चेनेयलो साप्‍ता से नदेने सृष्‍टि चीत्‍दे, मेस्‍ये नैजे इच्छा अनुसार हम्‍बयू क्यूट्‍टदे मेस्ये जीया प्रेत्‍दे।”

प्रकाश 4:11 ပူးပေါင်းရင်းမြစ်များ

मूल स्यूस्स्यायूजे कामजे किताब 14:15

“मीयू, नमयू चेने येर काम चे? ङीये नमयूप्रने छरङ् प्रेन्‍नब मीयूने ख्यङ्, ङी नमयूने परमेश्‍वरदे पीनब सूगब खबर स्‍य्‍वेने रख्यङ् येर काम अन्लादे पो क्यापीदेबे स्वर्ग, पृथ्वी, समुद्र मेस्‍ये हैयाने ख्‍यब साप्‍ता थोक बन्‍देब परमेश्‍वरने मन्‍दे पर्‌दीय।

मूल स्यूस्स्यायूजे कामजे किताब 17:24

परमेश्‍वर, ङूदे संसार मेस्‍ये सं‍सारने ख्‍यब साप्‍ता थोक बन्‍दीदे, ङू स्वर्ग मेस्ये पृथ्वीजे प्रभु क्‍यूरब कारणदे लादे बन्‍दीयेब मन्दिरने बास अन्‍टोङ्,

रोमी 11:36

चेनेयलो टक्कने परमेश्‍वरदे बन्‍देब ख्यङ्। हम्‍ब साप्‍ता थोक‍ने ङूजे बोङ्दे, मेस्‍ये ङूजे महिमाजे लागि ख्यङ्। ङूनेने येतार्‌ने महिमा क्‍यूस्स्‍य। आमेन।

एफिसी 3:9

साप्‍ता कूरू बन्‍देब परमेश्‍वरने जूग्-‍जूग्‍मेस्‍येने फूदेबे हीदेब नङ्सू पो च ख्‍य, हम्‍ब मीयू क्वानेने स्‍य्‍वेब अनुग्रह ङैने पीन्‍दे,

हिब्रू 1:10

ङूदे फेरि य ख्यङ्, “परमप्रभु, नदेने पात्‍ता खूम् पृथ्वीजे जा पूत्‍दे, मेस्‍ये तो-मूने ख्‍यब साप्‍ताने नैजे लादे बन्‍दीदे।

हिब्रू 1:2

तर अम्‍ब आखिरी दिनयूने परमेश्‍वर रङ्से चप्रे क्‍यूत्‍देबे ङीनप्रे क्‍यम ख्यङ्। ङूदे रङ्से चने साप्‍ता सेयूजे हक पीन्‍देबे चून्‍तीदे, परमेश्‍वरदे रङ्से चप्रे क्‍यूत्‍देबे अम्‍ब संसार मेस्‍ये यैयाने ख्‍यब साप्‍ताकूरूने सृष्‍टि चीत्‍दे।

प्रकाश 1:6

मेस्ये ङीनने राज्‍यत्‍या पीन ख्यङ्, ङीनने ङूजे परमेश्‍वर मेस्ये पजे सेवा चेब पूस्‍र्‌यायू चीम्‍मे ख्यङ्, ङूने महिमा मेस्‍ये शक्ति येतार्‌ने क्‍यून्‍नूस्‍य। आमेन।

प्रकाश 10:6

होर्‌दे येतार्‌ने सोम्‍बो क्‍यून्‍नब, स्वर्ग मेस्‍ये होने ख्‍यब सेयू, पृथ्‍वी मेस्‍ये होने ख्‍यब सेयू, समुद्र मेस्‍ये होने ख्‍यब सेयूने सृष्‍टि चेबजे मीन्‍ने ङूदे कसम चदेबे जेम्से गस्‍ये त्‍वो यदे।

प्रकाश 14:7

होर्‌दे के केन् योन्‍देबे ङूदे यदे, “परमेश्‍वरने गेसेन् ची, ङूने महिमा पीन्, चेनेयलो परमेश्‍वरदे न्याय चेब बील फ्‍योर ख्यङ्। स्वर्ग, पृथ्‍वी, समुद्र मेस्‍ये क्‍यूजे मूरुम्यू बन्देबने स्‍यूव पीन्।”

प्रकाश 19:1

होर्‌देङ्येदे स्वर्गने मी हुल केन् त्‍यादे बोङ्बे पारा प्‍वेब केदे येरे येनब ङैदे तदे, “हल्‍लेलूयाह! मुक्ति, महिमा मेस्‍ये शक्ति ङीन्‍जे परमेश्‍वरजेने ख्यङ्,

प्रकाश 5:12

थमयूदे के केन् योन्देबे येरे प्रू पून्‍न ख्‍य, “सेक्‍कब थुमा शक्ति, सोरो कूम फ्‍योबो, बुद्धि, बोङ्, गेसेन्, महिमा मेस्‍ये जै-जै प्रेब लायक‍जे ख्यङ्।”

प्रकाश 5:2

होर्‌दे सोरो बोल्यो स्वर्गदूत त्‍यादे आवाज केन् योन्‍देबे येरे येनब ङैदे तङ्दे, “अम्‍ब लगजे छाप‌यू पर्‌देबे मूठ पूक ख्‍वब लायक‍जे सू ख्यङ्?”

प्रकाश 5:9

थमयूदे येरे यदेबे प्रू सर् त्‍या पूत्‍दे: “अम्‍ब खूस्‍यजे मूठ लाने टेल्देबे लगजे छाप‌यू पूक ख्‍वब लायक‍जे न ख्यङ्, चेनेयलो न सेक्‍क ख्‍य, मेस्‍ये खलकयू, क्यमब केयू, देशयू मेस्‍ये जात-जातयूजे अन्द्रदे मीयूने परमेश्‍वरजे लागि नैजे रङ्से कादे छुटकारा चीम्‍मीदे,