प्रकाश 3:5 - घले नयाँ करार

⁵ सूदे ट्‌याय, हम्बने येरे कोला कर होम्‍मीय, मेस्‍ये कलङ्बेये अन्-सीबब जीया प्रेब मीयूजे मीन् लिख्देब किताबने ङ ङूजे मीन् ‍मेर्‌दीपीस्ये त्वो।

प्रकाश 3:5 ပူးပေါင်းရင်းမြစ်များ

मत्ती 10:32

“येरेक्‍यूत्‍देबे मीयूजे खूम्‍ने ङैने प्रभु यदेबे सू-सूदे यीय ङैये स्वर्गने ख्‍यब ङैजे पजे खूम्‍ने रङ्सेजे यदेबे ङूने यीय।

लूका 10:20

होरेक्‍यूल्‍ली, अन्‍ज्‍य आत्मायू नमयूजे लाने ख्यङ् यदेबे सूग दी, तर नमयूजे मीन् स्‍वर्गने लिख्दीये ख्यङ् यदेबेत्‍या सूग्।”

लूका 12:8

“ङ नमयूने यीय, सूदे ङैने मीयूजे खूम्‍ने ङैजे प्रभु यदेबे स्वीकार चीक्क्य, ङूने मीजे चदेये परमेश्‍वरजे दूतयूजे खूम्‍दे रङ्सेजे यदेबे स्वीकार चीक्क्य।

फिलिप्पी 4:3

ङैप्रे-प्रे काम फरब विश्‍वासी ख्‍योन्, ननेये ङ बिन्‍ती चीक्‍क्‍य, अम्‍ब मदीयूने तोङ्मी, चेनेयलो अम्‍ब मदीयूदे सूगब खबर स्‍य्‍वेब कामने ङैप्रे, क्‍लेमेसप्रे मेस्‍ये जीयाजे किताबने मीन् ख्‍यब सूजो ङै प्रे-प्रे काम फरब ख्योन्‌यूप्रेये सोरो छेम्‍प्रे चीक्‍क ख्यङ्।

यहूदा 1:24

नमयू पापने फस्तीस्‍ये अम्‍पीन्‍लाबे बच्‍दीमे ख्वबने, मेस्‍ये नमयूने आनन्द पीन्‍देबे ङूजे महिमाजे खूम्‍ने चैये पाप त्‍वब शुद्ध चीम्‍मे ख्वबने,

प्रकाश 13:8

कलङ्बेये अन्जेनब जीया प्रेबयूजे मीन् लिख्दीयेब किताबने संसारजे सृष्‍टि क्यूरयली खूम्मेस्येने मीन् अन्लीख्दीयेब मीयू क्वादेने हम्ब रोलाजे पूजा चीक्‍क्य। हम्ब किताबब सेक्‍कब थुमाजे ख्यङ्।

प्रकाश 17:8

नदे तङब हम्‍ब रोला मीयूङ् त्‍याफे ख्‍य, तर जेम्सेब हम्‍ब रोला त्‍वो, जेम्से येतार्‌ने नाश क्‍यूप्‍पजे लागि हम्‍ब रोला अतल कुण्डदे तो-फीने योङ्‍र मल्‍न ख्यङ्। कलङ्बेये अन्जेनब जीया प्रेबयूजे मीन् लिख्दीयेब किताबने संसारजे सृष्‍टि क्यूरयली खूम्मेस्येने मीन् अन्लीख्दीयेब मीयूदे हम्ब रोलाने तङ्देबे हार्‌मन्‍दीय, चेनेयलो हम्‍ब मीयूङ् त्‍याफे ख्‍य मेस्‍ये हम्‍ब जेम्से त्‍वो, तर फेरि ङ्येदे त्‍याफे योङ्‍रीय।

प्रकाश 19:8

पीर्‌मने चकिलो मेस्‍ये सफा मल्मल्जे कोला ह्‍वेजे लागि पीन्‍दे।” चकिलो मल्मल्जे कोलाब परमेश्‍वरजे पवित्र मीयूजे धर्मी काम ख्यङ्।

प्रकाश 2:11

सूजे त ख्‍वब न ख्यङ्, पवित्र आत्मादे मण्डलीयूने यब पो ङूदे चेलाबे ङ्‍यीन्स्य। सूदे ट्‌याय, फेरि रब ङ्‍हीफे पोलोजे मृत्‍युदे ङूने चैत्‍याये हनी चीस्‍से त्‍वो।

प्रकाश 2:7

सूजे त ख्‍वब न ख्यङ्, पवित्र आत्मादे मण्डलीयूने यब पो ङूदे चेलाबे ङ्‍यीन्‍स्‍य। सूदे ट्‌याय, स्वर्गने ख्‍यब जीया पीनब तङ्बोजे सी ङैदे हम्‍बयूने चस्‍ये पीन्‍क्‍य।

प्रकाश 20:12

होर्‌दे सीयेब केन्-चीद क्‍वाने सिंहासनजे खूम्‍ने मेर्‌नब ङैदे तङ्दे, मेस्‍ये किताबयू ल्‍वादे। सूजो किताबये त्‍या ल्‍वादे। हम्‍ब किताब जीया प्रेब मीयूजे मीन् थायेब किताब ख्यङ्। हम्‍ब किताबने लिख्दीयेब थमयूजे काम अनुसार‌ सीयेबयूजे न्याय क्‍यूत्‍दे।

प्रकाश 20:15

जीया प्रेब मीयूजे मीन् थाब किताबने सू-सूजे मीन् लिख्दीयेब अम्‍प्रे, हम्‍बयूने प्‍ल्‍याङ्नब मी भोप्‍प्रोने छाबीदे।

प्रकाश 21:27

तर थुमाजे जीयाजे किताबने मीन् लिख्दीयेबयू त्‍यामे होने क्‍योब प्रेक्‍क्‍य, सूजो अशुद्ध सेयू, ङ्येत्‍या काम फरबयू, लूच्‍च क्‍यमबयू कम्‍ब तर्‌तीप्‍देये हम्‍ब सहर नङ्ने क्‍योब प्रेस्‍स्‍ये त्‍वो।

प्रकाश 22:19

होर्‌दे कोइ मीदे अम्‍ब किताबने लिख्दीयेब अगमवाणीजे वचनदे चत्‍या पो योम्‍पीदे यलो अम्‍ब किताबने लिख्दीयेब जीया पीनब तोङ्बोजे भा, मेस्‍ये पवित्र सहरने ङूदे प्रेपर्‌देब भा परमेश्‍वरदे लेन्‍कीय।

प्रकाश 3:12

सूदे ट्‌याय, ङ ङूने ङैजे परमेश्‍वरजे मन्दिरजे थम्प्र बन्‍दीय, मेस्‍ये ङू हैयादे कलङ्बेये फीने योङ्बस्‍ये त्‍वो। ङ हम्‍बने ङैजे परमेश्‍वरजे मीन् लिख्दीय, मेस्‍ये ङैजे परमेश्‍वरजे सहरजे मीन्, या यरूशलेम लिख्दीय, हम्‍ब ङैजे परमेश्‍वर ख्‍यब ने-स्वर्गदे मो रीय। रङ्सेजे मीन् सर्‌ये ङ हम्‍बने लिख्दीय।

प्रकाश 3:4

तर सार्डिसने कोइ मीयू ख्यङ्, हम्‍ब मीयूदे रङ्से कोलाने चैये दाग क्‍यूस्‍स्ये अम्‍पीन ख्यङ्। थमयू ङैप्रे कोला कर होत्‍देबे प्रीय, चेनेयलो थमयू अम्‍ब येरे चेब लायकजे ख्यङ्।

प्रकाश 6:11

थमयू क्‍वानेने कोला कर्‌ त्‍या-त्‍या पीन ख्य, थमयूप्रे-प्रे काम फरबयू मेस्‍ये अत-अची च्योन्‌यूये थमयूप्रने सेक्‍क पर्‌तेब संख्या पूरा अन्‍क्‍यूत्‍दासेमे खात्‍यात्‍या गैन-सङ् यदेबे थमयूने यदे।